UNYẸNMHIN NỌN KHẸKE ENE RẸKHAN IJESU
Re Egbe Khọkhọ Jehova bhi Uwedẹ Nin Ọle Rẹ Re Oyẹẹ Nọn Ibeghe Man
Jehova hi ọnọn mun ọkalo bhi ene re oyẹẹ nọn ibeghe man. (Ps 103:11) Ọne oyẹẹ nọnsọle nan iwẹghẹ a. Ọria nọn mhọn oyẹẹ nọn ibeghe sun rẹkhan ọria. Jehova wo re ọne ikpẹ nan man ibhokhan Izrẹl nin ẹbho nesọle igba ne bunbun. Ọle da fan ele fia bhi imun nin ele rẹ ha ye re bhi otọ Ijipt yẹ ne ele nabhi Otọ Nin Ọle Ve Nin Ele. (Ps 105:42-44) Ọle wo ha khọn nin ẹbho nesọle. Igba ne bunbun, ọle da yẹ ha rẹhunmhan olukhọ nin ele lu da ọle. (Ps 107:19, 20) Beji mhan rẹ daghe uwedẹ kẹkẹ nin Jehova rẹ re oyẹẹ nọn ibeghe man, ọ ki ha re ọne ọhubhudu nin mhan rẹ ha re egbe khọkhọ ọle.—Ps 107:43.
GHE ỌNE IVIDIO NATIỌLE “GBẸLOKOTỌ NIN UWẸ DAGHE EBI JEHOVA RẸ RE AHOẸMHỌN-EGBE NỌN IBEGHE MAN YẸ.” BHA HA KI GHE ỌLE FO, WANNIẸN ENE INỌNTA NAN:
Uwedẹ kẹkẹ nela mhan ha rẹ sabọ re oyẹẹ nọn ibeghe man?
Bezẹle nọn da khẹke nin mhan fikeke gbe emhin eso nin mhan da sabọ re oyẹẹ nọn ibeghe man?