UNYẸNMHIN NỌN KHẸKE ENE RẸKHAN IJESU
Gbega Egbe Ẹ bhi Ọta ọsi Ẹbho Ne De Sibhi Oga Re
Esu bi ene ribhi ibo nọnsọle re ọta ohoghe rẹ gua ẹmhọanta nin ele rẹ wẹghẹ urẹọbhọ nọnsẹmhan an. (2Co 11:3) Bhi ọsi ijiẹmhin, ibhokhan Assyria da ha re ohoghe rẹ gua ẹmhọanta eso nin ele rẹ gbe ofẹn ọbhi ẹbho nesi Jehova ẹkẹ. (2Ch 32:10-15) Emhin nọn sẹriọ ẹbho ne de sibhi oga re yẹ wo lu ẹlẹnan. Ẹlo nela ọkhẹke nin mhan rẹ ha ghe ọta ọsi ene de sibhi oga re? Ha ghe ọle bii ọtapiapia! Hẹi tie ebe nesele, gbẹn ji ele, la ha je ebi ele gbẹn ji ẹbho. Ha gbẹlokotọ bhi ọta ne ha sabọ re uwẹ ha mhọn edandan rẹji Jehova bi agbotu nọnsọle, uwẹ ha rẹban ọlẹn!—Jude 3, 4.
GHE ỌNE IVIDIO NATIỌLE ‘BHA MANMAN KHỌN KAKA NIN BHA RẸ GBEGA URẸỌBHỌ NỌNSẸBHA’!—UKPỌKHERE. BHA HA KI GHE ỌLE FO, WANNIẸN ENE INỌNTA NAN:
Bezẹle nọn da khẹke nin mhan ha noo ẹwanlẹn sade mhan noo intanẹti?
Be imhan ha rẹ re obọ rẹkhan adia nọn ribhi Romans 16:17 yẹ?