Ha Mhọn Emhanmhan Nin Uwẹ Ha Sabọ Munsẹ bhi Ẹghe Ayere ọsi Uyumhin Nọnsi Jesu

Ukpe-ukpe, ọle ẹbho nesi Jehova rẹ lu iluemhin ọsi Ayere ọsi Uyumhin Nọnsi Jesu kugbe. Uzana eso ọkuẹsẹ ọne iluemhin, bi sade a lu ọne iluemhin fo, mhan ki ha noo isẹhoa nin mhan miẹn rẹ khuẹnmhẹn Jehova nin ọle rẹ re ọmọn nọnsọle rẹ zọese nin mhan. (Eph 1:3, 7) Bhi ọsi ijiẹmhin, mhan wẹnna kaka rẹ tie ẹbho vae bhi ọne Ayere. Ibhio mhan eso sabọ mhanmhanlẹn nin ele rẹ noo uriagogo 30 la 50 rẹ lu iwẹnna ọkanẹfan ọsi uki eso bhi Mach la Epre. Ọ dẹ be yẹẹ uwẹ rẹ lu ba eka nin uwẹ ka lu khẹ bhi ẹghe Ayere? Be ha sabọ rẹkpa uwẹ lu iriọ?

Ahamiẹn mhan mhọn emhanmhan, ọle emhin ha da kiọlẹn nin mhan nẹ. (Pr 21:5) Ẹghe nan ọkhẹke nin mhan mhanmhan ebi mhan ha lu, beji a miẹn ghe, ẹghe ọne Ayere manman ha sire. Ria ẹmhọn ebi uwẹ ha rẹ sabọ lu gbera ọne uwẹ ka lu khẹ bhi ọne ẹghe Ayere, uwẹ ha yẹ ria ẹmhọn ebi uwẹ ha rẹ mun emhanmhan nọnsẹ sẹ yẹ. Bhii Jehova nin ọle rẹkpa uwẹ mun ọne emhanmhan sẹ.—1Jo 5:14, 15.

Uwẹ be ria ẹmhọn uwedẹ nin uwẹ ha rẹ lu ba eka nin uwẹ ka lu khẹ bhi ọne ẹghe Ayere?