UNYẸNMHIN NỌN KHẸKE ENE RẸKHAN IJESU
Ziẹn Urẹọbhọ Nin Uwẹ Mhọn Da Ọta Nọnsi Osẹnobulua
Ọta nọnsi Osẹnobulua dẹ sabọ fi iẹnlẹn nọnsẹmhan denọ. (Heb 4:12) Ọrẹyiriọ, nin mhan da sabọ miẹn elele bhi uhi bi adia ne ribhọ, ọkhẹke nin mhan ka rẹọbhọ ghe, “ọta nọnsi Osẹnobulua” nọn. (1Th 2:13) Be imhan ha rẹ sabọ ziẹn urẹọbhọ nin mhan mhọn da Baibo yẹ?
Ha tie ijeso bhi Baibo ẹdẹ-ẹdẹ. Beji uwẹ ha rẹ ha tie ọle, gbẹlokotọ bhi emhin ne ha re uwẹ rẹọbhọ ghe, Jehova hi Ọnọn Nyan ọlẹn. Bhi ọsi ijiẹmhin, fẹ ibhude ne ribhi ebe nọnsi Proverbs, uwẹ ha yẹ gbẹlokotọ bhi ebi ọta ẹwanlẹn ne ribhọ rẹ rẹtẹ mhan yẹ ẹlẹnan.—Pr 13:20; 14:30.
Munhẹn ha luẹ Baibo. Luẹ emhin ne rẹman ghe obọ Osẹnobulua Baibo na vae. Bhi ebe natiọle Research Guide for Jehovah’s Witnesses, fẹ uhọnmhọn-ọta nọn yọle “The Bible,” uwẹ ha diọbhi “Inspired by God.” Uwẹ dẹ sabọ noo ẹmhọn nọn ribhi Appendix A3 bhi New World Translation rẹ ziẹn urẹọbhọ nin mhọnlẹn ghe, uhọnmhunje nọn ribhi Baibo bha sẹ fidenọ.
GHE ỌNE IVIDIO NATIỌLE BEZẸLE NIN MHAN DA RẸỌBHỌ GHE . . . ẸMHỌANTA ỌTA NỌNSI OSẸNOBULUA KHIN? BHA HA KI GHE ỌLE FO, WANNIẸN ENE INỌNTA NAN:
Be emhin nan miẹn bhi egbuwa bhi Karnak bhi otọ Ijipt rẹ rẹman yẹ ghe, ẹmhọanta ọta nọn ribhi Baibo khin?
Be imhan rẹ lẹn yẹ ghe uhọnmhunje nọn ribhi Baibo bha sẹ fidenọ?
Beji a miẹn ghe ẹbho bha sabọ gbe Baibo khuelo, be ọnan rẹ rẹman uwẹ yẹ ghe Ọta nọnsi Osẹnobulua Baibo gene khin?—Tie Isaiah 40:8