Uwẹ Be Guanọ Ewanniẹn Rẹji Erọnmhọn Nọnsẹ?

Mhan dẹ sabọ miẹn ijiẹmhin ọsi ẹbho ne bunbun bhi Baibo nin Osẹnobulua re ewanniẹn ọbhi erọnmhọn nọnsele. Ene ga Jehova ha daghe ebi Jehova rẹ wanniẹn erọnmhọn nọnsele yẹ, yẹ rẹkpa ele, urẹọbhọ nọnsele ki deziẹn ọbhọ. Bhiriọ, ọkhẹke nin mhan ha sounun ọbhi ebi mhan guanọ man Jehova bhi erọnmhọn, yẹ gbẹlokotọ bhi ebi ọle ha rẹ wanniẹn ọne erọnmhọn yẹ. Lẹn sẹbhọ ghe, uwedẹ nin Jehova ha rẹ re ewanniẹn ọbhi erọnmhọn nọnsẹmhan sabọ rẹ dikẹ bhi ebi mhan rẹ mun ọkhọle ọi la ọ sabọ gbera ebi mhan mhọn bhi ọkhọle. (2Co 12:​7-9; Eph 3:20) Emhin nela Jehova ha sabọ re nin mhan bhi ebi mhan bhii ọle le?

• Ahu, ọkhọle nọn lọre, la urẹọbhọ nọn deziẹn nin mhan rẹ sabọ ziẹngbe ọnọghọ.​—Php 4:13

• Ẹwanlẹn nin mhan rẹ lẹn ebi mhan ha lu.​—Jas 1:5

• Ọhubhudu bi ahu nin mhan rẹ lu ebe khẹke.​—Php 2:13

• Ọkhọle nọn lọre sade emhin kpokpo mhan.​—Php 4:​6, 7

• Urẹkpa bi ikoudure bhi obọ ibhio mhan.​—1Jo 3:​17, 18

• Urẹkpa rẹji ẹbho nin mhan nan erọnmhọn nan.​—Ac 12:​5, 11

GHE ỌNE IVIDIO NATIỌLE JEHOVA HI “ỌNỌN HỌN ERỌNMHỌN.” BHA HA KI GHE ỌLE FO, WANNIẸN ENE INỌNTA NAN:

• Be ijiẹmhin ọsi obhio mhan nin Shimizu ha rẹ sabọ rẹkpa mhan yẹ sade mhan iyẹ sabọ lu eka nin mhan ka lu khẹ ranmhude emianmhẹn?

• Be imhan ha rẹ sabọ re egbe khọkhọ obhio mhan nin Shimizu yẹ?