Ọnọghọ Rebhe Mhọn Ẹghe Nin Ele Ha Rẹ Fo

Ọnọghọ ha bue gbe, ọ dẹ sabọ gbe ọria ahu sotọ. David lẹnmhin ghe, ọnọghọ nin ọle ha miẹn bhi obọ iSaul nin Ojie dẹ fo ẹdẹ ọkpa. Ọle yẹ lẹn ghe, ọle dẹ kiẹn ojie, beji Jehova vele. (1Sa 16:13) Urẹọbhọ nin David mhọnlẹn da rẹkpa ọle ziẹngbe khẹ iJehova.

Ahamiẹn mhan ribhi ọnọghọ, mhan dẹ sabọ re ẹwanlẹn fi ọne idia nin mhan ye denọ. (1Sa 21:12-14; Pr 1:4) Ọkpakinọn, ọnọghọ eso ikẹ fo aharẹmiẹn mhan re obọ rẹkhan adia rebhe ne ribhi Baibo rẹji ọne ẹmhọn. Bhi idia nọn sẹ inian, ọkhẹke nin mhan re iziẹngbe mundia khẹ iJehova nin ọle re ọne ẹmhọn ọi nọnsẹn. Bhi ẹghe nọn bha ree gbe nian, ọle ki kpẹn ọnọghọ nesẹmhan rebhe yẹ “gbo amẹn eviẹ rebhe” si mhan bhi ẹlo re. (Re 21:4) Aharẹmiẹn ghe Jehova tobọle re ọkpẹnlẹn ọbhi ọnọghọ nọnsẹmhan la emhin ọbhebhe zẹle nọn da fo, emhin nin mhan lẹnlẹn hi: Ọnọghọ rebhe mhọn ẹghe nin ele ha rẹ fo. Ọta ikoudure khọnan!

GHE ỌNE IVIDIO NATIỌLE, ẸBHO NE MHỌN OKUGBE BHI ẸKẸ AGBỌN NIN OZUGHU YE. BHA HA KI GHE ỌLE FO, WANNIẸN ENE INỌNTA NAN:

• Ọnọghọ nela Kristiẹn ne ha ribhi obọ ọsi south bhi United States ha mhọnlẹn?

• Be ele rẹ re iziẹngbe bi oyẹẹ man yẹ?

• Be ele ki rẹ sabọ yẹ ha denọ ẹlo ọbhi emhin ne “lu okpemhin nẹ”?—Php 1:10