Uwedẹ Ea Nin Mhan Ha Rẹ Sabọ Mun Udu Nyan IJehova

David da khọn iGoliath miotọ ranmhude ọle mun udu nyan iJehova. (1Sa 17:45) Jehova guanọ nin ọle re ahu nọnsọle man bhi egbe ọsi eguọmhandia nesọle. (2Ch 16:9) Ọkhẹke nin mhan mun udu nyan iJehova nin ọle rẹkpa mhan, ọ iyi ahu nọnsẹmhan la ebi mhan guẹle. Be imhan ha rẹ sabọ lu ọle yẹ? Ji mhan zilo nyan uwedẹ ea:

• Ha nan erọnmhọn. Ọ iyi ẹghe nin mhan rẹ dobọ ọkpa mhan ha rẹ ha nan erọnmhọn, ọ yẹ khẹke nin mhan ha bhii Jehova nin ọle re ahu nin mhan bhi ẹghe edọnmhẹn. (Mt 6:12, 13) Arẹmiẹn mhan bhii Jehova nin ọle nan erọnmhọn ọbhi ebi mhan lu, ọ yẹ khẹke nin mhan bhii ọle nin ọle re ẹwanlẹn nin mhan rẹ zẹ ebi mhan ha lu, ọkuẹsẹ mhan lu ọle.—Jas 1:5

• Ha mhọn emhanmhan nan rẹ tie iBaibo yẹ ria eria nyan ọlẹn. Ha tie iBaibo ẹdẹ-ẹdẹ. (Ps 1:2) Ha ria eria nyan ijiẹmhin ọsi ẹbho ne ribhi Baibo, yẹ re obọ rẹkhan ebi uwẹ luẹ bhi obọ ele. (Jas 1:23-25) Ha muegbe inẹbho ọbhi otọ aharẹmiẹn uwẹ ka tẹmhọn Osẹnobulua khẹ. Ha muegbe ikolo oga ọbhi otọ nin uwẹ da sabọ miẹn elele bhọ

• Ha re obọ rẹkhan emhanmhan ọsi agbotu. Lẹn emhanmhan ọsọgbọn nin agbotu zẹ ọle egbe dagbare, uwẹ ha yẹ kẹ ha re obọ rẹkhan ọlẹn. (Nu 9:17) Ha re obọ rẹkhan emhanmhan bi adia nin ene ewanlẹn re re.—Heb 13:17

GHE ỌNE IVIDIO NATIỌLE, HẸI JI OFẸN EKPOKPO HA MUN UWẸ. BHA HA KI GHE ỌLE FO, WANNIẸN ENE INỌNTA NAN:

• Ofẹn emhin nela ha mun ene ibhio mhan nin ikpea bi ikhuo?

• Be rẹkpa ele rẹ sabọ khọn ofẹn nọn mun ele?