Emhin Nan Manlẹn Manman Re Imhan Daghe Ẹwanlẹn Nọnsi Jehova

Ẹghe rebhe Jehova be rẹ lẹn emhin ne mhẹn nẹ rẹji mhan? Ehe! Ahamiẹn ghe mhan gene rẹọbhọ, ẹwanlẹn mhan rẹman sade mhan re obọ rẹkhan adia nesọle. (Pr 16:3, 9) Sokpan, ahakimiẹn ghe ebi mhan mhọn bhi ọkhọle dikẹ bhi adia nọnsi Jehova, ẹghe nin mhan ha rẹ rẹman si mhan gene ji adia nọnsọle da dia mhan. Mhan ha ria eria nyan emhin nin Jehova manlẹn, mhan ki manman ha mhọn urẹọbhọ da ẹwanlẹn nọnsọle.—Pr 30:24, 25; Ro 1:20.

GHE ỌNE IVIDIO NATIỌLE, ỌRIA BE MAN ỌLẸN? BEZẸLE NIN AHIHI IDA DE GBE EGBE? BHA HA KI GHE ỌLE FO, WANNIẸN ENE INỌNTA NAN:

• Emhin nela ahihi eso lu ẹdẹ-ẹdẹ?

• Be rẹkpa ahihi nọn zẹle nin ele ida de gbe egbe?

• Emhin nela eria ha sabọ miẹn luẹ bhi uwedẹ nin ahihi rẹ khian?

GHE ỌNE IVIDIO NATIỌLE, ỌRIA BE MAN ỌLẸN? EBI ẸLỌN NATIỌLE BUMBLEBEE RẸ TIN YẸ NIN AHOHO IDA MUN ỌLẸN. BHA HA KI GHE ỌLE FO, WANNIẸN ENE INỌNTA NAN:

• Ọnọghọ nela eria miẹn sade ele gua arople nọn dia khere?

• Be rẹkpa ẹlọn natiọle bumblebee nin ahoho ida mun ọlẹn yo mun ọlẹn re?

• Emhin nela eria ha sabọ miẹn luẹ bhi ẹwanlẹn ọsi ọne ẹlọn nan?

Bhi eji uwẹ da nyẹnlẹn, be uwẹ sẹ daghe bhi emhin nan manlẹn ne rẹman ẹwanlẹn nọnsi Jehova?