Rẹkpa Ene Uwẹ Man Ele IBaibo Rẹ Tobele Ha Le Ebale Oriọn

Nin ẹbho nin mhan man ele iBaibo da sabọ lẹn iJehova nọnsẹn yẹ ha lu re alo bhi oga, ọkhẹke nin ele tobele ha guanọ ẹmhọanta bhi ẹkẹ iBaibo, rẹ gbera ọne imhan man ele le. (Mt 5:3; Heb 5:12–6:2) Ọkhẹke nin ele lẹn ebi ele ha rẹ tobele ha le ebale oriọn yẹ.

Rẹ nabhi ẹghe nin uwẹ rẹ munhẹn ha man ele iBaibo, ọkhẹke nin uwẹ ha man ele ebi ele ha rẹ ha muegbe khẹ iluẹmhin Baibo nin bha ko lu. Sẹyẹ, taman ele nin ele ha muegbe ọbhi otọ ẹghe-ẹghe. (mwb18.03 6) Sẹyẹ ji ele lẹn ghe, ọkhẹke nin ele ha nan erọnmhọn sade ele munhẹn ha muegbe ọne iluẹmhin. Man ele ebi ele ha rẹ sabọ ha noo intanẹt rẹ luẹ iBaibo yẹ. Yẹ man ele ebi ele ha rẹ sabọ ha miẹn emhin ọgbọn nan zẹ ọle egbe dagbare yẹ bhi jw.org bi JW Broadcasting^®. Re ẹghe ọbhi otọ rẹ man ele ebi ele ha rẹ ha tie iBaibo yẹ ẹdẹ-ẹdẹ, ebi ele ha rẹ ha muegbe ikolo oga yẹ, bi ebi ele ha rẹ ha guanọ ewanniẹn yẹ rẹji inọnta kẹkẹ nin ele mhọnlẹn.

GHE ỌNE IVIDIO NATIỌLE, RẸKPA ENE UWẸ MAN ELE IBAIBO RẸ LUẸ EBI ELE HA RẸ SABỌ SIKẸ JEHOVA YẸ. BHA HA KI GHE ỌLE FO, WANNIẸN ENE INỌNTA NAN:

• 

  Be iNeeta rẹ rẹkpa iJane yẹ rẹ lẹn ghe, nan rẹ ha luẹ iBaibo gbera nan rẹ gheghe ha re ewanniẹn fiọbhi ene inọnta?

• 

  Be rẹkpa iJane rẹ rẹọbhọ ghe ebe mhẹn nọn nin Jehova rẹ he igboghẹ?

• 

  Be iJane dọ luẹ kere rẹji nan rẹ ha ria eria nyan ebi a luẹle?