Ha Mhọn Ẹwanlẹn Nan Rẹ Lẹn Ikikẹ bhi Ẹwẹ Emhin Ne Mhẹn bi Emhin Ne Imhẹn

Beji ọnọn runẹ rẹ sasa egbe ẹghe rebhe nin ọle da sabọ ha runẹ nọnsẹn, iriọ ọ yẹ rẹ khẹke nin mhan ha man egbe mhan emhin ẹghe rebhe nin mhan da ha mhọn ẹwanlẹn rẹ ha lẹn ikikẹ bhi ebe mhẹn bi ebe imhẹn. (Heb 5:14) Ẹghe eso, mhan sabọ rẹ ha re egbe khọkhọ ẹbho bhi emhin nin ele lu. Sokpan, ọkhẹke nin mhan tobọmhan ha zẹ ebi mhan ha lu. Bezẹle? Ranmhude ọdeọde dẹ tobọle tare ebi ọle re iẹnlẹn nọnsọle lu.​—Ro 14:12.

Ọ bha khẹke nin mhan ha riale ghe, mhan dẹ wo ha zẹ emhin ne mhẹn rẹ lu ranmhude ọ ki bue nin mhan mianmẹn. Nin mhan da sabọ ha zẹ emhin ne mhẹn, ọkhẹke nin mhan mun udu tẹ iJehova, ọta nọnsọle, bi agbotu nọnsọle.​—Jos 1:​7, 8; Pr 3:​5, 6; Mt 24:45.

GHE ỌNE IVIDIO NATIỌLE, “HA MHỌN ỌKHỌLE NỌN MHẸN.” BHA HA KI GHE ỌLE FO, WANNIẸN ENE INỌNTA NAN:

• 

  Emhin nela sunu nin Emma da khẹke nin ọle zẹ ebi ọle ha lu?

• 

  Bezẹle nọn bha da khẹke nin mhan ha taman ọria ebi ọle ha lu bhi emhin nọn da khẹke nin ọle da tobọle zẹ?

• 

  Adia nela okhuo bi ọdọ ọkpa re nin Emma?

• 

  Ijela Emma da miẹn adia ne rẹkpa ọle bhi idia nin ọle rẹ ha ye?