UNYẸNMHIN NỌN KHẸKE ENE RẸKHAN IJESU
Ne Ikhuo Ne Wanre Lu Emhin Bọsi Inẹn, Ene Imanmhẹn Bọsi Ibhio Ẹ Nin Ikhuo
Baibo taman mhan ghe nin mhan ha re ekpẹn ne ibhio mhan nin mhan ko ga ne wanre lu emhin bọsi ghe inẹn mhan bi aba mhan ele khin, sẹyẹ, ene elasẹre bọsi ibhio mhan ẹkẹ. (Tie 1 Timothy 5:1, 2.) Ọ manman khẹke nin ikpea ne ribhi agbotu ha re ekpẹn rẹ ne ikhuo lu emhin.
Obhio mhan nin okpea ida ha ne ọmanmhẹn khẹnlẹn la lu emhin bhi uwedẹ nọn bha gba, nọn ha re ọne ọmanmhẹn ha khẹnẹ egbe bhi eji ọle ye. (Job 31:1) Obhio mhan nin okpea ida ha ne ọmanmhẹn lu emhin nọn ha re ọne ọmanmhẹn riale ghe ọne obhio mhan guanọ nin ọle re ọle bhi amhẹn, sade ọle bha gene guanọ nin ọle re ọle.
Ọkhẹke nin ene ewanlẹn bhi agbotu re ekpẹn bi ẹkẹ ẹjẹjẹ rẹ ka ibhio mhan nin ikhuo ehọ sade ele nọọn ọta la ele re emhin man ele nọn khẹke nin ele talọ ọi. Ene ewanlẹn dẹ manman gbẹlokotọ ha re ẹkẹ ẹjẹjẹ man ikhuo nan miẹn ghe ele imhọn ọdọ nọn ha gbega ele.—Ru 2:8, 9.
GHE ỌNE IVIDIO NATIỌLE, HA MHỌN AHOẸMHỌN-EGBE NỌN IFO BHI ẸKẸ AGBOTU—RẸ DA IKHUO NIN ỌDỌ ELE YU BI IMỌN NE IMHỌN ABA. BHA HA KI GHE ỌLE FO, WANNIẸN ENE INỌNTA NAN:
Be agbotu rẹ re oyẹẹ ọsaje man obhio mhan nin Myint yẹ?
Be oyẹẹ nin agbotu rẹman ọne obhio mhan nan rẹ ha yi ọsali rẹji eria bhi ọne idunmhun yẹ?
Be oyẹẹ nin agbotu ha rẹman obhio mhan nin Myint rẹ rẹkpa imọn-ikhuo nesọle yẹ?
Be hi emhin eso nin uwẹ ha sabọ lu nin uwẹ rẹ re oyẹẹ man ene ikhuo ne ribhi agbotu nọnsẹ?