UNYẸNMHIN NỌN KHẸKE ENE RẸKHAN IJESU
“Bha Hẹi Ha Kpokpo Egbe”
Jehova da ha rẹkpa ene bha miẹn rẹ lu bhi otọ Izrẹl bhi ẹghe ẹdẹlẹ. Uwedẹ eso nela ọle rẹ rẹkpa ene ibhioguele bhi ẹwẹ eguọmhandia nesọle ẹlẹnan?
Ọle man mhan le ghe nin mhan ha re ẹlo nọn khẹke rẹ ghe igho.—Lu 12:15; 1Ti 6:6-8
Ọle rẹkpa mhan rẹ ha mun ekpẹn ọbhi egbe.—Job 34:19
Ọle man mhan le ghe nin mhan ha wẹnna kaka yẹ rẹban ilọnmhọn ne ha sabọ si ikuan-egbe ji mhan.—Pr 14:23; 20:1; 2Co 7:1
Ọle mun mhan vae bhi ẹkẹ oga nọnsọle nin ahoẹmhọn-egbe ye.—Joh 13:35; 1Jo 3:17, 18
Ọle re ikhuaẹloghe nin mhan.—Ps 9:18; Isa 65:21-23
Ebi emhin hi ki rẹ nọghọ mhan sẹ yẹ, ọ bha khẹke nin mhan ha kpokpo egbe. (Isa 30:15) Ahamiẹn mhan mun ẹmhọn Agbejele nọnsi Jehova kalo bhi iẹnlẹn nọnsẹmhan, Jehova dẹ re emhin nin mhan guanọ nin mhan rẹ gbẹloghe egbe mhan.—Mt 6:31-33.
GHE ỌNE IVIDIO NATIỌLE, AHOẸMHỌN-EGBE IFO AHARẸMIẸN . . . A BHA MIẸN RẸ LU—CONGO. BHA HA KI GHE ỌLE FO, WANNIẸN ENE INỌNTA NAN:
Be ibhio mhan ne nyẹnlẹn sikẹ eji mhan da do usikoko nesẹmhan rẹ re oyẹẹ miẹn mhan ọbhi egbe yẹ sade eje rele mhan na vae?
Be ọne ividio nan man mhan le rẹji uwedẹ nin Jehova rẹ re oyẹẹ man ene ibhioguele?
Be imhan ha rẹ sabọ re egbe khọkhọ iJehova yẹ aharẹmiẹn mhan mhọn igho la mhan imhọn?