Ebezẹle Nin Ibhokhan Izrẹl Da Ha Lu Izọese

1:3; 2:1, 12; 3:1

Izọese nin Jehova na obọ iMoses taman ibhokhan Izrẹl nin ele ha lu ji ọle da wo ha ti ọle bhọ. Ene izọese da ha yi arẹkhọkhọ ọsi egbe nọnsi Jesu nin ọle rẹ zọese nin mhan, la elele nin mhan ha miẹn bhi ọne izọese nọnsi Jesu.​—Heb 8:​3-5; 9:9; 10:​5-10.

• Beji ibhokhan Izrẹl rẹ ha noo elanmhẹn nin egbe gba nan rẹ ha lu izọese, iriọ Jesu yẹ rẹ noo egbe nọnsọle nọn khiale, nin okan iye rẹ zọese nin mhan.​—1Pe 1:​18, 19; fẹ adudu nọn ribhi odalo ọne ebe nan ghe

• Beji ibhokhan Izrẹl rẹ ha noo egbe rebhe ọsi elanmhẹn rẹ lu izọese nan tuẹ a ji Jehova, iriọ Jesu yẹ rẹ noo egbe nọnsọle rebhe zọese ji Jehova

• Beji ibhokhan Izrẹl ne ha lu izọese ọsi ọfure ji Osẹnobulua rẹ rẹman ghe ele bi ọle ko ribhi ọfure, iriọ enanzẹle ne le ọne ekala yẹ da ọne anyọn bhi Ayere ọsi Uyumhin Nọnsi Jesu rẹ rẹman ghe ele bi Osẹnobulua ko ribhi ọfure