EMHIN NE GHANLẸN NE RIBHI BAIBO | EXODUS 39-40

Moses Da Lu Rẹkhan Emhin Rebhe Nin Jehova Taman Ọlẹn

39:32, 43; 40:1, 2, 16

Moses da wo re ọkhọle rebhe rẹ lu rẹkhan emhin rebhe nin Jehova taman ọlẹn nin ọle lu rẹji ebi a ha rẹ bọn ibọkpọ ọsi oga bi ebi a ha rẹ mhanmhan ọlẹn yẹ, rẹ sẹbhi ene emhin khere-khere nan ha lu bhọ. Iriọ ọ yẹ rẹ khẹke nin mhan ha kaehọ adia rebhe nin agbotu nọnsi Jehova re nin mhan, yẹ re ọkhọle rebhe re obọ rẹkhan ọlẹn ẹjẹje. Aharẹmiẹn ghe mhan riale ghe ene adia bha manman khẹke, la mhan bha manman lẹn otọ ọle, ọ yẹ khẹke nin mhan ha re obọ rẹkhan ọlẹn.—Lu 16:10.

Bezẹle nọn da khẹke nin mhan ha kaehọ yẹ re obọ rẹkhan adia rebhe . . .

sade a do ikolo nan rẹ muegbe itẹmhọn Osẹnobulua?
rẹji ebi mhan ha rẹ ha muegbe khẹ emianmhẹn iguaguako yẹ?
rẹji ebi mhan ha rẹ ha muegbe khẹ emhin idumhunre yẹ?

Ifoto: Ibhio mhan re obọ rẹkhan adia nan re nin ele. 1. Ibhio mhan eso sikoko bhi ole beji ele rẹ do ikolo nan rẹ muegbe itẹmhọn Osẹnobulua. 2. Obhio mhan nin okhuo gbẹn vuọn ebe nọn tẹmhọn ebi dọkitọ ha rẹ gbẹloghe ọle yẹ sade emianmhẹn iguaguako sunu ji ọle. 3. Azagba-uwa ọkpa ne emhin ọbhi ẹkpa nin ele ha sabọ mun sade emhin idumhunre sunu.