Iwẹnna Itẹmhọn Osẹnobulua Kpataki Nan Ha Lu bhi Uki ọsi November Nan Rẹ Wewe Ẹmhọn Agbejele

Ẹghe nin Jesu rẹ ha ribhi ọne otọ nan, “ọta nọn mhẹn ọsi Agbejele nọnsi Osenobulua” ọle ha wewe nẹga. (Lu 4:43) Ọle da yẹ man ẹbho ebi ele ha rẹ ha bhii yẹ nin ọne Agbejele vae. (Mt 6:​9, 10) Bhi uki ọsi November, mhan dẹ manman dọnmhegbe nin mhan rẹ wewe ẹmhọn Agbejele nọnsi Osẹnobulua. (Mt 24:14) Bha mhanmhan ẹghe nọnsẹbha nọnsẹn, nin bha da sabọ deba ọne iwẹnna itẹmhọn Osẹnobulua kpataki nan. Ọrebhe ne ha lu iwẹnna ọkanẹfan ọsi ẹghe eso bhi uki ọsi November, sabọ rẹ zẹ nin ele rẹ noo uriagogo 30 la 50 rẹ lu ọne iwẹnna ọkanẹfan.

Bha yẹ dọnmhegbe nin bha rẹ re eje tẹmhọn Agbejele nọnsi Osẹnobulua bhi Baibo, man ẹbho ne nyẹnlẹn bhi idunmhun nin bha da tẹmhọn Osẹnobulua. Dọnmhegbe nin uwẹ rẹ re ọkhọle ria ẹmhọn ebi ẹbho rẹọ ọi, sade uwẹ zẹ eji uwẹ ha tie bhi Baibo. Ọria ha ka uwẹ ehọ, re The Watchtower No. 2 2020 nin ọne ọria. Kẹ fikie bu ọle re, uwẹ ha dọ re ọkpa bhi Emhin Kpataki Nin Mhan Rẹ Lu Iwẹnna Itẹmhọn Osẹnobulua ha man ọlẹn iBaibo. Bhi obhi ẹghe khere nian, Agbejele nọnsi Osẹnobulua dẹ vae dọ gbe ugbẹloghe ne ribhi ọne otọ nan khuelo. (Da 2:44; 1Co 15:​24, 25) Bhiriọ, bha ji mhan noo ọne isẹhoa nan nọnsẹn, nin mhan rẹ rẹman ghe, Jehova bi Agbejele nọnsọle mhan re obọ ba.