Ji Ikolu Nin Uwẹ bi Jehova Ko Mhọnlẹn Ha Ti Uwẹ Bhọ

Ekpẹn nọn khua wo manman nọn nin mhan rẹ ha yi Esali nesi Jehova. Bọsi ẹbho ne re egbe guẹ nin Jehova, ọkhẹke nin mhan ji ikolu nin mhan bi Jehova ko mhọnlẹn ha ziẹn ọbhọ. Rẹ na obọ Ọmọn nọnsọle, ọle iJehova rẹ si mhan kẹ egbe. (Joh 6:44) Ọle yẹ wo ka mhan ehọ sade mhan nan erọnmhọn ji ọle.​—Ps 34:15.

Be imhan ha rẹ gbega ikolu nin mhan bi Osẹnobulua ko mhọnlẹn yẹ? Ọkhẹke nin mhan rẹban emhin ebe nin ibhokhan Izrẹl lu. Ọ bha sẹ bue gbe nin ele bi Jehova ko ve akovẹn, ele da man amanzẹ ọsi obhi ẹmena yẹ ha ga ọle. (Ex 32:​7, 8; 1Co 10:​7, 11, 14) Ọkhẹke nin mhan nọọn egbe mhan: ‘Be imẹn rẹ lu emhin yẹ sade mẹn kuẹlo da edọnmhẹn nin mẹn rẹ lu emhin ebe? Emhin nin mẹn lu be rẹman ghe, ikolu nin mẹn bi Jehova ko mhọnlẹn ti mẹn bhọ?’ Oyẹẹ nọn dinmhin nin mhan mhọn da iJehova, ọle ha rẹkpa mhan rẹ he emhin nin ọle hele.​—Ps 97:10.

GHE ỌNE IVIDIO NATIỌLE GBEGA IKOLU NIN UWẸ BI JEHOVA KO MHỌNLẸN (COL 3:5). BHA HA KI GHE ỌLE FO, WANNIẸN ENE INỌNTA NAN:

• Be hi ẹlobhiamhin?

• Bezẹle nọn da khẹke nin mhan rẹban ẹlobhiamhin bi iga-ẹbọ?

• Be igboghẹ rẹ diabe iga-ẹbọ yẹ?

• Bezẹle nọn da manman khẹke nin mhan ha gbẹloghe okhuo mhan la ọdọ mhan, aharẹmiẹn mhan mhọn ẹsọn ne bunbun bhi oga?