UNYẸNMHIN NỌN KHẸKE ENE RẸKHAN IJESU
Jehova Gbega Ẹbho Nesọle
Iluemhin Anagbera nin ọhẹnhẹn nin ibhokhan Izrẹl lu da wo ha yi iluemhin kpataki. Bhi ọne ukpasọn nin, Jehova da gbono imọn ọdion rebhe ọsi ibhokhan Egypt a. Ẹghe nin Pharaoh ki rẹ kere ghe ọmọndiọn nọnsọle yu, ọle da taman iMoses yọle: “Bha kpanọ, bha sibhi ẹwẹ ẹbho nesẹmhẹn re, ibha bi ibhokhan Izrẹl nekẹle. Bha ha khian dọ ga iJehova beji bha tale.” (Ex 12:31) Jehova da wo rẹman ghe ẹghe rebhe ọle rẹ gbega ẹbho nesọle.
Iriọ yẹ nọn ẹlẹnan. Mhan ha fẹ okha ọsi agbotu nọnsẹmhan ghe, mhan ki kere ghe Jehova sẹyẹ wo dia ẹbho nesọle yẹ gbega ele ẹlẹnan. Ọnan hi emhin nan rẹman bhi museum nọnsẹmhan nọn ribhi Warwick, nọn mhọn uhọnmhọn-ọta nọn yọle: “Ẹbho Nan Tie Mun Elin Nọnsi Jehova.”
GHE ỌNE IVIDIO NATIỌLE MUSEUM NE RIBHI WARWICK: “ẸBHO NAN TIE MUN ELIN NỌNSI JEHOVA.” BHA HA KI GHE ỌLE FO, WANNIẸN ENE INỌNTA NAN:
Emhin ọsọgbọn nela agbotu noolo bhi ukpe 1914 rẹ rẹkpa ẹbho rẹ manman lẹn otọ iBaibo? Be ọ rẹ rẹso ẹbho yẹ?
Edọnmhẹn nela zegbere bhi ukpe 1916 bi 1918? Be rẹman ghe Jehova gene ha re emhin khian bhi ọne agbotu nan?
Be ẹbho nesi Jehova rẹ mun urẹọbhọ nọnsele mhọn yẹ arẹmiẹn ghe a kpokpo ele?
Iman-emhin nela ẹbho nesi Jehova manman dọ lẹn otọ ọle bhi ukpe 1935? Be ọnan rẹ rẹso ele yẹ?
Be uwẹ daghe bhi ọne ividio nan nọn ziẹn urẹọbhọ nọnsẹ ghe Jehova sẹyẹ wo dia ẹbho nesọle yẹ gbega ele?