Re Egbe Khọkhọ IJoseph, Uwẹ Ha Re Egbe Nẹ bhi Igboghẹ

Ahamiẹn mhan kuẹlo da edọnmhẹn nin mhan rẹ gboghẹ, ijiẹmhin ọsi Joseph dẹ sabọ rẹkpa mhan. Ẹghe nin okhuo iPotiphar nin ebeanlẹn ọlẹn rẹ ha lẹlẹ ọle ọbhọ nọn nanlẹn nowẹ, Joseph bha ka. (Ge 39:​7-10) Joseph da yọle: ‘Be imẹn ha rẹ lu ọne akhailu nan yẹ, yẹ gene rahiẹ Osẹnobulua?’ Ọne ẹmhọn nan nin ọle tale rẹman ghe ọle lẹnmhin ghe okpea bi okhuo ne lọnmhọn egbe, ele ọkpa Jehova re otọ nan nin ele rẹ ha ne egbe nowẹ. Ẹghe nin Joseph ki rẹ kere ghẹ ọne okhuo bha muegbe nin ọle rẹ zẹ ọle obọ, ọle bha ria ẹghe a bhi eji ọne okhuo ye. Ọle da tue fia, nin ọne okhuo hẹi dọ fi ọle ọkhọle denọ.​—Ge 39:12; 1Co 6:18.

GHE ỌNE IVIDIO NATIỌLE RE EGBE NẸ BHI IGBOGHẸ. BHA HA KI GHE ỌLE FO, WANNIẸN ENE INỌNTA NAN:

• 

  Idia nela John da ke egbe ọle re?

• 

  Inọnta nela John nọọn egbe ọle le ẹghe nin Mary rẹ taman ọlẹn nin ọle man ọle imaths?

• Be emhin nin Mary bhii John le rẹ rẹso iJohn yẹ?

• 

  Họla rẹkpa John rẹ lẹn emhin nọn khẹke nin ọle lu?

• 

  Be iJohn lu nin ọle rẹ re egbe nẹ bhi igboghẹ?

• Emhin nela uwẹ miẹn luẹ bhi ọne ividio nan?