EMHIN NE GHANLẸN NE RIBHI BAIBO | GENESIS 32-33

Uwẹ Be Manman Dọnmhegbe Nin Uwẹ Rẹ Miẹn Erọnmhọn?

32:24-28

Ahamiẹn mhan guanọ nin mhan miẹn erọnmhọn bhi obọ iJehova, mhan dẹ dọnmhegbe nin mhan rẹ ha mun oga nọnsọle kalo bhi iẹnlẹn nọnsẹmhan. (1Co 9:26, 27) Beji mhan rẹ ga iJehova, ọkhẹke nin mhan ha mhọn ọkhọle nin Jacob ha mhọnlẹn ẹghe nin ọle rẹ ne ẹhi nọnsi Jehova dan. Be hi emhin nin mhan ha lu nin mhan rẹ rẹman ghe mhan gene guanọ erọnmhọn bhi obọ iJehova? Mhan ki ha . . .

Muegbe nọnsẹn khẹ ikolo oga
Yo inẹbho ẹghe rebhe
Dọnmhegbe nin mhan rẹ rẹkpa ibhio mhan bhi ẹkẹ agbotu

Ifoto: Okhuo nọn mun ọmọn bhi obọ. 1. Ọle kuẹ munhẹn ha lu ilọnmhọn ukpẹdẹ, ọle da ka nan erọnmhọn. 2. Ọle re ebale nin ọmọn nin ọle mun bhi obọ, ọle kuẹ ha khian inẹbho. 3. Ọle bi imọn ikhuo eva nesọle deba obhio mhan ọbhebhe ha re eghọnghọn lu iwẹnna itẹmhọn Osẹnobulua.

Ebi emhin irẹ kaka sẹ yẹ bhi iẹnlẹn nọnsẹ, ha bhii Jehova nọn rẹkpa uwẹ, uwẹ ha sẹyẹ ha dọnmhegbe kaka nin uwẹ rẹ miẹn erọnmhọn bhi obọ nọnsọle.

NỌỌN EGBE Ẹ, ‘Be hi idia eso bhi iẹnlẹn nọnsẹmhẹn nọn da khẹke nin mẹn manman dọnmhegbe kaka nin mẹn rẹ miẹn erọnmhọn bhi obọ iJehova?’