EMHIN NE GHANLẸN NE RIBHI BAIBO | GENESIS 29-30

Jacob Dọ Re Okhuo

29:18-28

Okhuo bi ọdọ ne mun egbe obọ mhọn, sikẹ egbe ha ne egbe talọ. Baibo nan tujea ribhi uke aga bhi egbegbe eji ele da dotua.

Ẹghe nin Jacob rẹ ha khian dọ re okhuo, ọle bha lẹn ghe ọle dẹ miẹn ọkakale bhi egbe. Ikhuo ọle nin Rachel bi Leah bha ha mhọn ẹkẹ-egbe. (Ge 29:32; 30:1, 8) Arẹmiẹn ghe ọkakale ne sẹnian zegbere, Jacob da yẹ daghe ọle ghe Jehova bha zẹ ọle obọ. (Ge 30:29, 30, 43) Ọkizẹbue, imọn nesọle da dọ kiẹn agbaẹbho ọsi Izrẹl.—Ru 4:11.

Ẹbho ne bọ ọdọ la re okhuo dẹ miẹn ọkakale bhi ibọdọ bi ireokhuo nọnsele. (1Co 7:28) Ọkpakinọn, ele ha mun udu nyan iJehova yẹ ha re obọ rẹkhan adia ne ribhi Baibo, ele ki miẹn eghọnghọn bhi ibọdọ bi ireokhuo nọnsele.—Pr 3:5, 6; Eph 5:33.