‘Mẹn Lẹn Emhin Nin Bha Lu’

1:20; 2:1, 2

• 

  “Ene ahiẹnhiẹn ihinlọn”: E mundia nin enanzẹle ne ribhi ihe ọsi ewanlẹn bhi ẹkẹ agbotu. E sẹyẹ mundia nin ewanlẹn rebhe bhi agbotu

• ‘E ribhi obera nọnsi Jesu’: Obọ nọnsi Jesu ene ewanlẹn nan ye, ọle re ele khian. Ahamiẹn ghe ọkpa bhi ene ewanlẹn lu emhin bhi uwedẹ nọn bha gba, nọn da khẹke nan dia ọle, Jesu dẹ tobọle dia ọne ọwanlẹn bhi ẹghe nọn khẹke bi uwedẹ nọn khẹke

• “Emhin ihinlọn nan re igolu lu ne mun ukpa mhọnlẹn”: E mundia nin agbotu nesi Esali Jehova. Beji ukpa nọn ha ribhi uwa oga bhi ẹghe nọnsi Moses rẹ ha bhala, iriọ ene agbotu nan yẹ rẹ bhala bii ukpa bhi ọne agbọn nan. Ene agbotu nan rẹkpa ẹbho rẹ lẹn ẹmhọanta. (Mt 5:14) Bhi ọne imianlo, a da yọle ghe Jesu ‘khian bhi ẹwẹ ene emhin ihinlọn ne mun ukpa mhọnlẹn.’ Ọnan rẹman ghe ọle re ene agbotu khian.