Unyẹnmhin Esili Nọnsẹbha bi Ekpẹn Nọn Dinmhin Nin Bha Mhọn Dẹ Sabọ Re Ele Dọ Ga IJehova

Unyẹnmhin esili ọsi amhẹn ne bunbun ne kiẹn Esali Jehova, ọle rẹkpa ọdọ ele rẹ dọ ga iJehova. Sokpan, ọ bha lẹkhẹ nin eso. Asabọmiẹn ghe ele ziẹngbe ekpokpo bhi obọ ọdọ ele bhi ikpe ne bunbun. (1Pe 2:21-23; 3:1, 2) Ahamiẹn ghe idia nọn sẹnian uwẹ ye, sẹyẹ ha “re emhin esili rẹ khọn ọbe miotọ.” (Ro 12:21) Ranmhude, asabọmiẹn ghe unyẹnmhin esili nọnsẹ, ọle ha re ọdọ ẹ fi ọkhọle denọ gbera ẹmhọn Osẹnobulua nin uwẹ taman ọlẹn.

Dọnmhegbe nin uwẹ rẹ lẹn ebi emhin dia ọdọ uwẹ yẹ bhi egbe. (Php 2:3, 4) Mhọn ẹkẹ-ẹjẹjẹ bi aria-ji-egbe da ọle. Uwẹ ha yẹ dọnmhegbe nin uwẹ rẹ ha miẹn ẹsọn rebhe ne khẹke uwẹ bọsi amhẹn. Ha ka ọdọ uwẹ ehọ sade ọle talọ. (Jas 1:19) Ha mhọn iziẹngbe, uwẹ ha yẹ ha rẹman ọdọ uwẹ ghe uwẹ manman hoẹmhọn ọlẹn. Aharẹmiẹn ghe ọdọ uwẹ bha re obọ esili mun uwẹ beji uwẹ rẹ re obọ esili mun ọlẹn, lẹn sẹbhọ ghe, uwedẹ nin uwẹ rẹ lu emhin wo manman ti Jehova bhọ.—1Pe 2:19, 20.

GHE ỌNE IVIDIO NATIỌLE JEHOVA RE AHU NIN MHAN RẸ MUN IHẸ NỌNSẸMHAN. BHA HA KI GHE ỌLE FO, WANNIẸN ENE INỌNTA NAN:

• Be iẹnlẹn dia yẹ nin Grace Li ẹghe nin ọle rẹ la bọdọ?

• Emhin nela sunu nọn re ọle dọ luẹ iBaibo?

• Be obhio mhan nin Grace Li rẹ ziẹngbe ekpokpo yẹ beji ọle mianmẹn fo?

• Be hi erọnmhọn nin obhio mhan nin Grace Li nan rẹji ọdọ ọle?

• Elele nela ọle miẹn ranmhude unyẹnmhin esili bi ekpẹn nọn dinmhin nin ọle ha mhọnlẹn?