Be Uwẹ Ha Sabọ Luẹ bhi Obọ Ele?

A be la re uwẹ ba usun ọsi ene ewanlẹn la ene zẹ sikẹ ewanlẹn? Asabọmiẹn ghe uwẹ guẹ emhin eso nẹ ibhio uwẹ nin uwẹ kere bhi ọne usun, la uwẹ yo isiku nẹ ele. Ọ ha rẹ ha yiriọ, uwẹ dẹ sabọ miẹn emhin ne bunbun luẹ bhi obọ ene ibhio ẹ nan. Uwẹ dẹ yẹ miẹn emhin luẹ bhi obọ ibhio mhan ne rẹ ka deba usun ọsi ene ewanlẹn, ọkpakinọn, idọmanlẹn, emianmhẹn la ilọnmhọn azagba-uwa da re ele sibhọre.

GHE ỌNE IVIDIO NATIỌLE MUN EKPẸN NIN IKPEA NE WANRE. BHA HA KI GHE ỌLE FO, WANNIẸN ENE INỌNTA NAN:

1. 

   1. Be obhio mhan nin Richard rẹ rẹman yẹ ghe ọle mun ekpẹn nin obhio mhan nin Bello?

2. 

   2. Ejela obhio mhan nin Ben bha da lu nọnsẹn? Bezẹle nin ọle da lu iriọ?

3. 

   3. Be iBẹn miẹn luẹ bhi ijiẹmhin ọsi Elisha?

4. 4. Be imhan rebhe bhi agbotu ha rẹ rẹman yẹ ghe mhan mun ekpẹn nin ibhio mhan ne wanre, yẹ luẹ emhin bhi obọ ele?