EMHIN NE GHANLẸN NE RIBHI BAIBO | GALATIANS 4-6
“Arẹkhọkhọ” Nọn Rẹtẹ Mhan
Paul nin odibo da re “arẹkhọkhọ” rẹ rẹman ghe akovẹn natiọle akovẹn ọsọgbọn, ọle mhẹn gbera akovẹn ọsi Uhi nin Osẹnobulua deba ibhokhan Izrẹl ve. Bhi odotọ ugbẹloghe ọsi Jesu bi ene ha deba ọle gbẹloghe, ẹbho rebhe dẹ miẹn umiẹnfan bhi obọ uu, olukhọ, bi ọbalọ.—Isa 25:8, 9.
HAGAR NIN IGBỌN Agbaẹbho ọsi Izrẹl nin Osẹnobulua deba ve akovẹn ọsi Uhi. Jerusalem hi eguare ọsi ọne agbaẹbho nan |
SARAH NỌN IYI IGBỌN Ọle hi Jerusalem nọn ribhi okhun, agbotu nonsi Jehova nọn ribhi okhun |
“IMỌN” NESI HAGAR Ibhokhan Izrẹl ne rẹ taman iJehova ghe ele dẹ re obọ rẹkhan uhi nin ọle na obọ iMoses gbe nin ele. Ọkpakinọn, ele da he iJesu yẹ re oya nanlẹn |
“IMỌN” NESI SARAH Jesu bi itue 144,000 ne ha deba ọle gbẹloghe |
AKOVẸN ỌSI UHI DA RE ẸBHO KIẸN IGBỌN Ọne uhi nin Osẹnobulua na obọ iMoses gbe nin ibhokhan Izrẹl da ha rẹman ele ghe eria olukhọ nin uu khẹke, ọle ele khin. Bhiriọ, ele da ha yi igbọn ọsi olukhọ |
AKOVẸN ỌSỌGBỌN DẸ FAN ẸBHO FIA Ibhokhan Izrẹl ha mhọn urẹọbhọ da izọese nin Jesu Kristi re iẹnlẹn nọnsọle ze, ọ dẹ fan ele fia bhi obọ olukhọ |