EMHIN NE GHANLẸN NE RIBHI BAIBO | 2 CORINTHIANS 4-6
“Mhan Ida Ji Egbe Lọ Mhan”
Ji a man yọle ghe azagba-uwa eva ko nyẹnlẹn bhi uwa ọkpa. Ọne uwa iyẹ zẹwẹ mhẹn. Ranmhude ọnan, azagba-uwa ọkpa bha ha ghọnghọn, sokpan, azagba-uwa nọnkẹle da wo ha ghọnghọn. Uwẹ lẹn ebezẹle nin ele da ha ghọnghọn? Ranmhude, ele dẹ kẹ diọ bhi uwa ọsọgbọn.
Arẹmiẹn ghe ẹbho rebhe kugbe viẹ oya bhi ọne agbọn nan ẹlẹnan ranmhude ọbalọ nọn ribhi agbọn, ene ga Osẹnobulua mhọn ikhuaẹloghe nọn re ele ghọnghọn. (Ro 8:22) Mhan lẹnmhin ghe oya nin mhan le ẹlẹnan bha sẹ emhin soso sade mhan re ọle khọkhọ emhin esili ne khẹ mhan bhi ẹghe odalo. Ekpokpo nin mhan miẹn bhi egbe ẹlẹnan ha rẹ manman ha nyọn, “ọsi obhi ẹghe khere nọn, ọ bha yẹ kaka gbe.” Mhan a ha khuaẹloghe emhin esili ne khẹ mhan bhi Agbejele nọnsi Osẹnobulua, mhan ki sabọ ha ghọnghọn. Ahu ida fo mhan bhọ.