Khu Ọbhi Ilẹnmhin Nọn Na Obọ IJehova Vae

EBEZẸLE NỌN DA YI EMHIN NỌN KHẸKE: Iman-emhin ọbhebhe iribhọ nọn mhẹn gbera iman-emhin nin mhan miẹn bhi obọ iJehova nin Ọman-emhin Nọn Kokhun Nẹ. Jehova hi ọnọn man mhan ebi mhan ha rẹ nyẹnlẹn nọnsẹn yẹ ẹlẹnan. Ọle yẹ man mhan ebi mhan ha rẹ muegbe khẹ ẹghe odalo nọn mhẹn an yẹ. Mhan ihaosa bhi ọne iman-emhin nan. Ọsọhẹ nọn! (Isa 11:6-9; 30:20, 21; Re 22:17) Jehova yẹ man mhan ebi ha rẹ ha taman ẹbho ẹmhọn nọnsọle yẹ—ẹmhọn nọn ha sabọ re ẹbho miuhọnmhọn.—2Co 3:5.

EBI A RẸ LU ỌLE YẸ:

• Khu ọbhọ nin uwẹ rẹ ha mhọn idegbere bi ẹkẹ-omẹnhiẹn.—Ps 25:8, 9

• Iman-emhin nin Jehova sẹ ka re nin uwẹ nian, ha mun egbe ọbhọ. Bhi ọsi ijiẹmhin, a ha re ọta nin uwẹ bhi ikolo ọsi Unyẹnmhin bi Iwẹnna Oga Nọnsẹmhan, dọnmhegbe nin uwẹ rẹ lu ọle nọnsẹn

• Ha mhọn emhanmhan ọsi emhin nin uwẹ ho nin uwẹ khu ọi bhi ẹkẹ oga.—Php 3:13

• Ahamiẹn ghe emhin eso ribhọ nọn khẹke nin uwẹ fi ikeke gbe, nin uwẹ da sabọ miẹn isẹhoa rẹ yo isiku kẹkẹ nan yo bhi ẹkẹ oga, fi ikeke gbe ọle.—Php 3:8

GHE ỌNE IVIDIO NATIỌLE IMAN-EMHIN NỌNSI JEHOVA, ỌLE RE ỌRIA FE. BHA HA KI GHE ỌLE FO, WANNIẸN ENE INỌNTA NAN:

• Be hi ọnọghọ nin ibhio mhan eso san gbera, ele kuẹ sabọ yo Isiku ọsi Ene Tẹmhọn Agbejele?

• Emhin nela a luẹ bhi ọne isiku?

• Be agbotu nọn ribhi eji a je ele ha khian rẹ rẹkpa ele yẹ?

• Be ọkhẹke nin ọria ha mhọnlẹn, ọle kuẹ sabọ yo Isiku ọsi Ene Tẹmhọn Agbejele? (kr 189)

• Isiku ebhebhe nela uwẹ ha sabọ yo bhi ẹkẹ agbotu nọnsi Jehova?