Be Uwẹ Da Rẹ Muegbe Khẹ Ayere ọsi Uyumhin Nọnsi Jesu Yẹ?

Rẹ munhẹn bhi ọne ukpe nan, mhan ki dẹ ha miẹn ẹghe gbera ọnikhẹ, nin mhan rẹ ha muegbe khẹ Ayere ọsi Uyumhin Nọnsi Jesu. Ukpẹdẹ Ayere ọsi Uyumhin nọnsi Jesu ha de ọbhi ẹdẹ uzana, a ida do ikolo oga ọsi Unyẹnmhin bi Iwẹnna oga Nọnsẹmhan bhi ọne uzana nin. Ọ ha ki de ọbhi ukpẹdẹ uzana nin khere la ọnọn nẹ, a ida do ikolo nan da ta ọta ogbakha yẹ luẹ ebe Ọkhẹughe. Uwẹ dẹ be noo ọne ẹghe nan nọnsẹn? Beji ọ ha ye bhi ore nin ohẹnhẹn, mhan wo mhanmhan emhin bhi otọ khẹ ukpẹdẹ Ayere. (Lu 22:7-13; km 3/15 1) Gbera ene emhanmhan nan, ọ yẹ wo khẹke nin mhan mun ọkhọle mhan egbe khẹ ọne iluemhin kpataki nan. Be imhan da rẹ lu ọle yẹ?

• Ria eria nyan ebezẹle nọn da manman khẹke nin uwẹ yo ọne iluemhin nan.—1Co 11:23-26

• Nan erọnmhọn, yẹ ria eria nyan ikolu nin uwẹ bi Jehova ko mhọnlẹn.—1Co 11:27-29; 2Co 13:5

• Tie iBaibo bi ebe nesemhan ne rẹkpa mhan rẹ lẹn ebi Ayere ọsi Uyumhin Nọnsi Jesu mundia nan.—Joh 3:16; 15:13

Baibo nan yọle nan tie bhi ẹghe Ayere, bhi ẹkẹ ebe ukpẹdẹ natiọle Examining the Scriptures Daily, ọle ibhio mhan eso tie yẹ ria eria nyan bhi ẹghe Ayere. Ibhio mhan ebhebhe rẹkhan emhanmhan nan rẹ tie iBaibo nọn ribhi ẹkpẹti nọn ribhi ọne apapale nan bi ọnọn rẹkhan ọlẹn. Sẹyẹ, ibhio mhan eso ki tie uhọnmhọn-ọta kẹkẹ bhi ẹkẹ ebe Ọkhẹughe, ne tẹmhọn Ayere ọsi Uyumhin Nọnsi Jesu, bi oyẹẹ nin Jehova bi Jesu mhọn da mhan. Ọnọn ki rẹ ha khin nin uwẹ lu bhọ, ja miẹn ghe ọ re uwẹ manman sikẹ iJehova bi ọmọn nọnsọle.