Guẹ Ebi A Rẹ Lu Iwẹnna Itẹmhọn Osẹnobulua Yẹ—Ebi A Rẹ Gbẹn Ilẹta Nọnsẹn Yẹ

EBEZẸLE NỌN DA YI EMHIN NỌN KHẸKE: Ọkpa bhi ilẹta 14 nin Paul gbẹn rẹ re izebhudu nin Kristiẹn, ọle ebe nọnsi 1 Corinthians khin. Ilẹta nan gbẹn re isẹhoa nin ọria rẹ fẹ ikpọta nin ọle noo nọnsẹn. Ọria nin ọle gbẹn ọlẹn je dẹ yẹ sabọ tie ọle igba ne bunbun. Mhan dẹ sabọ re ilẹta rẹ tẹmhọn Osẹnobulua man ibhio mhan bi ẹbho ebhebhe nin mhan lẹnlẹn. Uwedẹ esili yẹ nọn nin mhan rẹ tẹmhọn Osẹnobulua man ẹbho nin mhan isabọ miẹn ne talọ. Bhi osi ijiẹmhin, ẹbho eso ribhọ ne ka mhan ehọ ẹghe nin mhan rẹ ka miẹn ele, ọkpakinọn, imhan bha yẹ kie miẹn ele bhi uwa ne zilo. Sẹyẹ, ẹbho eso ribho ne nyẹnlẹn bhi uwa nan ikẹ ji ẹbho da na i, bi eje bha sike eji ẹbho da nyẹn. Be hi emhin eso nọn khẹke nin mhan ha mhọn bhi ọkhọle sade mhan gbẹn ilẹta ji ẹbho, manman nọn sade mhan gbẹn ilẹta ji ọriọbhe?

EBI A RẸ LU ỌLE YẸ:

• 

  Emhọn nin uwẹ ha sabọ taman ọne ọria sade uwẹ bi ọle ko mundia ha talọ, ọle uwẹ ha gbẹn ọbhi ọne ilẹta. Re elin nọnsẹ rẹ munhẹn, uwẹ ha yẹ taman ọlẹn ebezẹle nin uwẹ da gbẹn ọne ilẹta ji ọle. Uwẹ sabọ nọọn ọne ọria inọnta nin ọle ha ria eria nyan. Uwẹ ha yẹ dia ọle ha khian iwẹbsait nọnsẹmhan. Taman ọlẹn ghe ọle dẹ sabọ tobọle luẹ iBaibo bhi ọne iwẹbsait, la uwẹ taman ọlẹn ẹmhọn iman-emhin Baibo nin mhan deba ẹbho lu bhi uwa. Uwẹ sabọ ye sounun ọbhi uhọnmhọn-ọta eso ne ribhi ebe nin mhan rẹ ne ẹbho luẹ iBaibo. Uwẹ dẹ yẹ sabọ re ọkpa bhi ebe nesẹmhan ba ọne ilẹta. Ebe bọsi ikadi nanrẹ taman ẹbho ẹmhọn JW.ORG, la ebe nan rẹ tie ẹbho, la itrati.

• Gbẹn ọlẹn kuẹi. Hiẹ ji ọne ilẹta tan gbe nin egbe hẹi lo ọne ọria rẹ tie ọle.—Fẹ ọne ilẹta nan rẹman bhi apapale 8 ghe

• Tie ọle nọnsẹn nin uwẹ fẹghe si ikpọta eso ribhọ ne bha de ọbhọ nọnsẹn. Yẹ fẹghe si emhin nin uwẹ gbẹn dẹ ji ọne ọria tie nọnsẹn. Deba ọnin, fẹghe si uwedẹ nin uwẹ rẹ gbẹn ọlẹn dẹ mhẹn ọne ọria bhi ehọ.