Guẹ Ebi A Rẹ Lu Iwẹnna Itẹmhọn Osẹnobulua Yẹ—Zobọ bhi Iman-emhin IBaibo ọsi Eria Ne Bha Ka Lu Re Alo

EBEZẸLE NỌN DA YI EMHIN NỌN KHẸKE: Ẹmhọanta nọn ghe ọkhẹke nin ẹbho rebhe ne ho ne miẹn umiẹnfan rẹ dọ luẹ ẹmhọn iJehova yẹ sotie ọle. (Ro 10:13, 14) Ọkpakinọn, ọ iyi ẹbho rebhe ne re otọ nin mhan rẹ dọ ha man ele iBaibo muegbe nin ele rẹ nyẹn rẹkhan uhi nesi Jehova. Ọkhẹke nin mhan noo ẹghe nọnsẹmhan nọnsẹn rẹ guanọ ẹbho ne gene muegbe nin ele rẹ fi iẹnlẹn nọnsele denọ nin ele sabọ ga iJehova. Bhiriọ, ahamiẹn ghe ọria bha ka lu re alo, arẹmiẹn ghe ọ ki manman ree nin mhan mọn da man ọlẹn iBaibo, mhan ki fẹkẹ zẹ ọle obọ dọ guanọ ẹbho ne muegbe ne rẹ ga iJehova. (Joh 6:44) Ahamiẹn bhi ẹghe odalo, ọne ọria muegbe nin ọle rẹ nyẹnlẹn rẹkhan uhi nesi Jehova, mhan sabọ kie munhẹn ha man ọlẹn iBaibo.—Ac 13:48.

EBI A RẸ LU ỌLE YẸ:

• Taman ọne ọria ghe ọle lu nọnsẹn nin ọle rẹ guanọ nin ọle luẹ ẹmhọanta nọn ribhi iBaibo.—1Ti 2:4

• Manman nin ọle zilo ebezẹle nọn da khẹke nin ọle ha nyẹnlẹn rẹkhan emhin nin ọle sẹ luẹ.—Lu 6:46-49

• Re ijiẹmhin nin Jesu ta, ọsi okpea nọn kọ emhin, rẹ nin ọle zilo. Uwẹ ha yẹ taman ọlẹn nọn ria ẹmhọn ebezẹle nin ọle bha da ka lu re alo.—Mt 13:18-23

• Re ekpẹn-ekpẹn taman ọlẹn ebezẹle nin uwẹ da ho nin uwẹ zobọ bhi ọne iman-emhin iBaibo

• Ji ole lẹn ghe uwẹ dẹ sẹyẹ ha re ẹnẹ ji ọle ẹghe rẹsi ẹghe nin uwẹ dọ ha re izebhudu nanlẹn. Yẹ taman ọlẹn ghe ahamiẹn ọle muegbe nin ọle re lu re alo bhi ẹghe odalo, uwẹ dẹ kie mun ọne iman-emhin iBaibo hẹn

BHA GHE ỌNE IVIDIO. BHA HA KI GHE ỌLE FO, WANNIẸN ENE INỌNTA NAN:

• Be uwẹ họn bhi ọne ividio nan nọn rẹman ghe ọne okpea nan man ọlẹn iBaibo bha ha lu re alo?

• Be ọne obhio mhan rẹ rẹkpa ọne okpea rẹ lẹn yẹ ghe ọkhẹke nin ọle fidenọ?

• Be ọne obhio mhan rẹ rẹman ọne okpea yẹ ghe ọle dẹ sẹyẹ sabọ kie mun ọne iman-emhin iBaibo hẹn bhi ẹghe odalo?