Jesu Yẹ Yu Nin Obhio Uwẹ

Jesu vae dọ yu nin mhan ranmhude olukhọ nọnsẹmhan. (Ro 5:8) Ọ gene wo manman ti mhan bhọ ghe Jesu re oyẹẹ nọn sẹnian man mhan. Ọkpakinọn, ẹghe eso, ọkhẹke nin mhan yere ghe ọiyi mhan ọkpa iJesu yu nan. Ọle yẹ yu nin obhio mhan. Ọbha yẹ gba nin ele fo. Bhiriọ, be imhan ha rẹ rẹman yẹ ghe mhan hoẹmhọn ele beji Jesu rẹ hoẹmhọn ele? Bha ji mhan tẹmhọn uwedẹ ea. Ọhẹnhẹn, mhan sabọ lu imọẹ ba imọẹ nin mhan ka mhọn khẹ. Ọ bha khẹke nan miẹn ghe ibhio mhan nin mhan ko nanbhi agbaẹbho ọkpa vae, la ene ribhi ihe nin mhan ye, ele ọkpa mhan nan lu imọẹ. (Ro 15:7; 2Co 6:12, 13) Ọzeva, ọkhẹke nin mhan ha ria ẹmhọn nin mhan ta bi emhin nin mhan lu nọnsẹn fo, mhan kuẹ tale la lu ọle. Bhiriọ, mhan ida ta ọta la lu emhin nọn ha khọ ibhio mhan bhi ẹkẹ. (Ro 14:13-15) Ọnọnzea, ahamiẹn ghe obhio mhan lu emhin nọn khọ mhan bhi ẹkẹ, mhan ki jẹje rẹhunmhan ọlẹn. (Lu 17:3, 4; 23:34) Mhan ha re egbe khọkho iJesu bhi ene uwedẹ nan, Jehova ki nan eronmhọn nin mhan. Okugbe bi ọfure nin mhan mhọn bhi ẹkẹ agbotu ki ha tuẹn okhun.

GHE ỌNE IVIDIO NATIỌLE MANMAN KIẸN ỌRIA NỌN MHỌN-OSE! BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• 

  Be bhọ emhin dia iMabel bhi egbe yẹ ẹghe nin ọle rẹ vae bhi agbotu nọnsọle ọsọhẹnhẹn?

• 

  Be bhọ ki fi ọkhọle nọnsọle denọ?

• 

  Be bhọ ijiẹmhin nọnsi Jesu rẹ rẹkpa iMabel yẹ, nin ọle da sabọ kie ha re ẹlo esili ghe agbotu nin ọle ye? (Mr 14:38)

• 

  Be bhọ ọta nọn ribhi Proverbs 19:11 ha rẹ rẹkpa mhan rẹ ha re ẹlo esili ghe ibhio mhan?