EMHIN NE GHANLẸN NE RIBHI BAIBO | MARK 3-4
Jesu Da Hinmhin Ẹbho bhi Ukpẹdẹ ISabbath
Bezẹle nin uwedẹ nin ene iscribe bi ene iPharisee rẹ ha lu emhin da manman ba iJesu bhi egbe? Ranmhude ene iscribe bi Pharisee re uhi ọsi Sabbath kiẹn udede ihẹ. Ele tobele hian ba ọne uhi nan. Bhi ọsi ijiẹmhin, ele yọle ghe akhailu nọn nan rẹ gbe ukpikhiẹn bhi ukpẹdẹ iSabbath, la nan rẹ hinmhin ọria nan miẹn ghe ọiyi uu ọ ye. Ranmhude ọnan, a ida sabọ si ọria ugue la gbanọ ọẹ ọsi ọria nọn khuẹn ọẹ bhi ukpẹdẹ iSabbath. Ọ gene wo khia bhi ẹlo ghe ohan ọne okpea nin obọ ọle nẹghẹa bha ha to ene iscribe bi ene iPharisee hiehie.