Ijiẹmhin ọsi Wheat bi Ilunmhun

Jesu da re ijiẹmhin ọsi wheat bi ilunmhun rẹ tẹmhọn ebi ọle ha rẹ zẹ usun ọsi enanzẹle yẹ bhi ẹwẹ agbọn. Ọne ijiẹmhin da yẹ rẹman ẹghe nin ọle ha rẹ lu ọle. Ukpe 33 C.E., ọle da munhẹn ha hannọ ẹbho ne ribhi ọne usun nan.

13:24

‘Okpea ọkpa da kọ ikpẹ ne mhẹn bhi ugbo nọnsọle’

• Okpea nọn kọ emhin: Jesu Kristi

• A kọ ikpẹ ne mhẹn: A re ahu ẹlinmhin nọn khiale rẹ zẹ edibo nesi Jesu nin ele kiẹn enanzẹle

• Ugbo: Ẹbho ne ribhi ọne otọ nan

13:25

“Ẹghe nin eria ki rẹ ha wẹ, oghian nọnsọle da vae dọ kọ ilunmhun bhi ẹkẹ ọne ugbo iwheat”

• Oghian: Esu

• Ẹghe nin eria ki rẹ ha wẹ: Ẹghe nin etuegbe nesi Jesu ki rẹ yu fo

13:30

“Ji eveva ko ha wanre ọkuẹsẹ ẹghe nan rẹ khuan emhin nan kọ”

• Wheat: Enanzẹle

• Ilunmhun: Ene ribhi otuẹ ohoghe

“Bha ka koko ene ilunmhun . . . ; bha kuẹ khuan ene iwheat”

• Eguọmhandia/Ene khuan emhin nan kọ: Ẹhi

• A koko ene ilunmhun: A ne ene ga oga ohoghe sibhi ẹwẹ enanzẹle re

• A khuan ene iwheat nanbhi ẹkẹ uwa ebale: A koko enanzẹle nanbhi ẹkẹ agbotu nan kie mun gbọ

Ẹghe nan rẹ munhẹn ha khuan emhin nan kọ, be bhọ hi emhin nọn re ene ga oga ẹmhọanta dikẹ bhi ene ga oga ohoghe?

Be bhọ elele nin mhẹn miẹn bhọ nin mhẹn ki rẹ lẹn otọ ọne ijiẹmhin nan?