Guẹ Ebi A Rẹ Lu Iwẹnna Itẹmhọn Osẹnobulua Yẹ—Afikie Yo

EBEZẸLE NỌN DA YI EMHIN NỌN KHẸKE: Eria ne bunbun ne ka mhan ehọ sade mhan tẹmhọn Osẹnobulua gene guanọ ẹmhọanta rẹji Osẹnobulua. (Isa 55:6) Nin mhan rẹ sabọ man ele emhin nọnsẹn, ọkhẹke nin mhan ha fikie bu ele dọ ha man ele iBaibo. Ọnọghọ kẹkẹ ẹbho miẹn. Bhiriọ, mhan a ha guanọ nin iluẹmhin iBaibo ha ti ele bhọ, uwedẹ kẹkẹ mhan da rẹ ha man ele emhin. Ọrẹyiriọ, ọkhẹke nin mhan ha muegbe nọnsẹn. Mhan ki yẹ ha mhọn ọlẹn bhi ọkhọle ebi mhan ha ta nin mhan rẹ sabọ munhẹn ha man ọne ọria iBaibo.

EBI A RẸ LU ỌLE YẸ:

• Kẹ fikie bu ọne ọria. Hẹi ji ọle bue gbe uwẹ kuẹ bu ọne ọria.—Mt 13:19

• Nin ọne ọria talọ bii ọria nọn nin ọmọẹ nọnsọle talọ. Yẹ re ekpẹn nanlẹn talọ

• Uwẹ ha sẹbhi enin, re oyaya rẹ tuẹ ọne ọria. Tie ọle elin nọnsọle. Yẹ taman ọlẹn ebezẹle nin uwẹ da vae. Asabọ miẹn ghe ewanniẹn uwẹ dọ re ọbhi inọnta nin ọle ka nọọn, la ebe uki-uki nesẹmhan uwẹ re ji ọle, la wẹbsaiti nọnsẹmhan uwẹ dọ rẹman ọlẹn, la ividio uwẹ dọ rẹman ọlẹn, la ebi mhan rẹ deba ẹbho luẹ iBaibo yẹ uwẹ dọ rẹman ọlẹn. Ahamiẹn ọne ọria mhọn uhọnmhọn-ọta ọbhebhe nin ọle guanọ nin bha talọ nyan, uwẹ sabọ fi emhin nin uwẹ rẹ mhanmhan denọ.—Php 2:4

• Uwẹ ha fikie bu ọne ọria, re iBaibo nanlẹn talọ. Uwẹ sabọ yẹ re ọkpa bhi ebe nesẹmhan nanlẹn. Iriọ uwẹ ha rẹ sa amẹn ọbhi ikpẹ ọsi ẹmhọanta nin uwẹ kọ bhi ọkhọle nọnsọle bhi ẹghe nin uwẹ rẹ miẹn ọlẹn ọsọhẹnhẹn (1Co 3:⁠6) Dọnmhegbe nin uwẹ rẹ re ọle kiẹn ọmọẹ

• Taman ọne ọria ebi bha ha tẹmhọn ọlẹn sade uwẹ kie vae