UNYẸNMHIN NỌN KHẸKE ENE RẸKHAN IJESU
Re Ẹdagbọn Nọnsẹ Rẹ Gẹn IJehova!
Iẹnlẹn nọnsẹmhan, ẹsele nọn ghanlẹn nọn. Uwedẹ nin mhan rẹ nyẹnlẹn ẹdẹdẹ, ọle rẹman si ọne ẹsele gene ti mhan bhọ. Bhi ọsẹmhan nin Esali Jehova, mhan dọnmhegbe nin mhan rẹ re iẹnlẹn nọnsẹmhan bi emhin nin mhan guẹ rẹ gẹn iJehova, Osẹnobulua nọn re iẹnlẹn mhan. (Ps 36:9; Re 4:11) Ọrẹyiriọ, ekpokpo ọsi ọne agbọn nan sabọ rẹ mhan miẹn ghe mhan iyẹ khu ọbhi ilọnmhọn oga beji ọkhẹke. (Mr 4:18, 19) Ọkhẹke nin ọdeọde bhi ẹwẹ mhan nọọn egbe ọle: ‘Mhẹn gene re emhin ne mhẹn nẹ nesẹmhẹn rẹ zọese ji Jehova? (Ho 14:2) Iwẹnna nin mhẹn lu gene ji mhẹn da ga iJehova nọnsẹn? Emhin bela mhẹn ho nin mhẹn lu bhi oga? Be imhẹn ha lu nin mhẹn da sabọ lu gbera eka nin mhẹn ka lu khẹ bhi oga?’ Uwẹ ha kere ghe uwẹ mhọn eji ọ da khẹke nin uwẹ fidenọ, nan erọnmhọn ji Jehova nọn rẹkpa uwẹ, uwẹ ha yẹ dọnmhegbe nin uwẹ rẹ fidenọ. Ẹmhọanta nọn ghe ọria a ha ga iJehova ẹdẹdẹ, ọle eghọnghọn ha da gene ha ri ọle bhi iẹnlẹn.—Ps 61:8.
Ọbhọ uwẹ re emhin nin uwẹ guẹle rẹ ga?
GHE ỌNE IVIDIO NỌN YỌLE RE EMHIN NIN UWẸ GUẸLE RẸ GẸN IJEHOVA. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:
Bezẹle nọn da yi emhin uhuki nin mhan rẹ re emhin nin mhan guẹ ha khu ọbhi emhin ọsi ọne agbọn nan? (1Jo 2:17)
Elele nela ọria miẹn sade ọle re emhin ne mhẹn nesọle rẹ ga iJehova?
Iwẹnna oga nela uwẹ ha sabọ re emhin nin uwẹ guẹ rẹ lu?