UNYẸNMHIN NỌN KHẸKE ENE RẸKHAN IJESU
Uwedẹ Nọn Khẹke Nin Mhan Rẹ Ha Lu Emhin Sade Mhan Tẹmhọn Osẹnobulua Nanbhi Ukuwa Rẹsi Ukuwa
IBaibo da tale ghe, ẹbho ne ga iJehova diabe ‘ughe nin ọne agbọn nan ghe.’ (1Co 4:9) Bhiriọ, ọbha han mhan ilo ghe ẹbho eso sabọ nanbhi iwindo ha ghe mhan la ele nanbhi ikeke odẹ ha ka mhan ehọ sade mhan tẹmhọn Osẹnobulua nanbhi ukuwa rẹsẹbhi ukuwa. Ẹbho eso bhọ sabọ ha mhọn kamẹra nin ele ba ọbhi odẹ. Ele dẹ sabọ re ọne kamẹra daghe mhan, ka mhan ehọ yẹ rẹkọdi ebi mhan ta. Bhiriọ, uwedẹ nela ọda khẹke nin mhan da ha lu nọnsẹn sade mhan tẹmhọn Osẹnobulua nanbhi ukuwa rẹsi ukuwa?—2Co 6:3.
EMHIN NIN MHAN LU (Php 1:27):
Ọkhẹke nin mhan mun ekpẹn nin ọnọn nyan uwa bi uwa nọnsọle. Bhiriọ, ọbha khẹke nin mhan ha je uhọnmhọn bhi ẹkẹ ọne uwa rẹ ghe ẹkẹ ọle. Ọbha khẹke nin mhan ha le ebale, mun amẹn ọn, re ifoni talọ la re ifoni gbẹni emhin ji ọria beji imhan ribhi unuro ọsi ọria
ỌTA NIN MHAN TA (Eph 4:29):
Mhan aha ribhi odẹ ọsi ọria, ọbha khẹke nin mhan ta emhin soso nin mhan iguanọ nin ọnọn nyan uwa họn. Mhan bhọ sabọ wo huẹan fo, ha re ọkhọle nanbhi ebi mhan ho nin mhan ta ọkuẹsẹ ọnọn nyan uwa dagbare