EMHIN NE GHANLẸN NE RIBHI BAIBO | JEREMIAH 51-52
Ẹmhọn Nọnsi Jehova Munsẹ Beji Ọle Rẹ Tale Te
IJehova da tale tee ebi emhin da rẹ sunu yẹ bhi ẹghe odalo
Ọkhẹughe nọnsi Persia nọn guẹ rẹ fi ufẹnmhẹn
‘Fan ene ufẹnmhẹn’
51:11, 28
Ibhokhan iMedes bi Persia wo manman guẹ ebi arẹ noo uhẹn bi ufẹnmhẹn rẹ khọnlẹn yẹ. Ele manman fan ufẹnmhẹn nọnsele nọn da sabọ a ha egbe ọsi ọria nọnsẹn
‘Eyokhọnlẹn nesi Babylon zobọ bhi okhọnlẹn’
51:30
Ebi a gbẹn ọbhi ọne udo natiọle Nabonidus Chronicle da yọle: ‘Ọ bha nọghọ eyokhọnlẹn nesi Cyrus rẹ khọn iBabylon hiehie.’ Iriọ iJeremiah yẹ wo rẹ tale tee
Nabonidus Chronicle
‘Babylon dẹ kiẹn otọ ido-ido nan dunmhun an, ẹbho iyẹ da nyẹnlẹn bhọ rẹ sẹbhi ighegheghe’
51:37, 62
Rẹ nanbhi ukpe 539 ọkuẹsẹ iJesu vae, ọle uyi nọnsi Babylon rẹ ha kẹa. Ojie nan tiọle Alexander the Great rẹ ha guanọ nin ọle re otọ iBabylon kiẹn ẹguare ọsi agbaẹbho nọnsọle, ọkpakinọn ọbha fo ọle, ọle da yu. Bhi ore nin ọhẹnhẹn, ibhokhan iJew eso rẹ ha nyẹnlẹn bhi Babylon. Ọnin zẹle nin Peter nin odibo da re ẹnẹ sẹbhi Babylon. Ọki sẹbhi ore nọnzi enẹn, ọne otọ iBabylon da kiẹn otọ nan dunmhun an sẹsẹsẹ, ẹbho bha yẹ ha nyẹnlẹn bhọ hiehie