ILLO 161
Iho Nọnsẹ Ti Mẹn Bhọ
(Psalm 40:8)
1. Ẹghe n’Ọmọn nọnsẹ rẹ mianmẹn,
Ọle da regbe guẹ nuwẹ.
Ọle da yọle ọle muegbe
N’ọle rẹ luiho nọnsẹ.
A bha miokan soso bh’egbọle,
Ọle da hẹnmhọn n’uwẹ.
Egbe rebhe ọle rẹ ga ẹ.
Mẹn ho nin mẹn diab’ọle.
(KORỌS)
Ọ ti mẹn bhọ Osẹ n’Aba,
Nin mẹn rẹ ha luiho nọnsẹ.
Oyẹẹ nọn khua, nu rẹman mẹn,
Ọle rẹ mẹn dagh’ẹfua.
Ọ ti mẹn bhọ Osẹ n’Aba,
Nin mẹn rẹ ha luiho nọnsẹ.
Ai mi’Osẹ, nọn diab’uwẹ.
Mẹn dẹ ga ẹ s’ọkpẹnlẹn.
Ọ ti mẹn bhọ.
2. Ikolu nọnsẹ iJehova,
Gene wo re’ghọnghọn nin mẹn.
Mẹn dẹ r’ọyaya rẹ tẹmhọn ẹn
Man ọrebhe nin mẹn miẹn.
Mẹn dẹ deba ẹbho ne ga ẹ
Ha r’uyi j’elin nọnsẹ.
Mẹn dẹ r’egbe rebhe rẹ ga ẹ.
Ọnan h’ebe khẹke mẹn.
(KORỌS)
Ọ ti mẹn bhọ Osẹ n’Aba,
Nin mẹn rẹ ha luiho nọnsẹ.
Oyẹẹ nọn khua, nu rẹman mẹn,
Ọle rẹ mẹn dagh’ẹfua.
Ọ ti mẹn bhọ Osẹ n’Aba,
Nin mẹn rẹ ha luiho nọnsẹ.
Ai mi’Osẹ, nọn diab’uwẹ.
Mẹn dẹ ga ẹ s’ọkpẹnlẹn.
Ọ ti mẹn bhọ.
Ọ gene ti mẹn bhọ.
(Sẹyẹ fẹ enan ghe bhi Baibo: Ps. 40:3, 10.)