Ebi uwẹ ha rẹ re ọne ebe nan ha luẹ iBaibo yẹ
Fẹ emhin nan gbẹn bhi ọne apapale nan ghe, nan rẹ tẹmhọn ọne ebe. Yẹ ghe ọne IVIDIO.
OBỌ NIN ỌHẸNHẸN
Nin uwẹ rẹ muegbe khẹ iluẹmhin Baibo nọnsẹ, tie obọ ọhẹnhẹn ọsi ọne iluẹmhin. Inọnta (A) bi Baibo nan re ikpebe ne manman bhihi gbẹn (B), ele rẹman emhin kpataki nin uwẹ ha luẹ. Yẹ tie iBaibo nan yọle nan “tie.”
ADESẸ ỌLE
Ẹmhọn nan gbẹn ọbhi obọ natiọle Manman Lẹn Otọle Nọnsẹn (C), ọle ha rẹkpa uwẹ rẹ lẹn emhin kpataki nan ha tẹmhọnlẹn. Uhọnmhọn-ọta kẹkẹ ne rẹkhan ọlẹn (D) dẹ sounun ọbhi emhin kẹkẹ nan ha zilo nyan. Uwẹ bi ọria nọn man uwẹ Baibo dẹ ko tie ene iBaibo, wanniẹn ene inọnta, yẹ ghe ene ividio ne ribhi ọne obọ ọle nan.
Nin uwẹ rẹ miẹn ọne IVIDIO, skan ọne ikodi nan, la uwẹ ha diọbhi jw.org dọ fẹ ọne ebe natiọle Sọnyẹnmhẹn bhi Ighegheghe!
Bha dẹ yẹ fẹ ene ifoto ghe, bi ebi a gbẹn rẹkhan ele (E). Bha dẹ yẹ zilo nyan uwedẹ nin uwẹ ha rẹ wanniẹn inọnta nọn ribhi obọ natiọle Ẹbho Eso Sabọ Yọle (F).
OBỌ NỌN KIKE
Obọ natiọle Ebi Mhan Luẹle bi inọnta ne ribhi obọ natiọle Uwẹ Be Yẹ Yere? ele a rẹ ku ọne iluẹmhin gbe (G). Gbẹn ukpẹdẹ nin uwẹ luẹ ọne iluẹmhin fo ọbhi ẹho nọn ribhi enin. Ebi uwẹ ha lu, ọle ribhi obọ natiọle Lu Ọnan (H). Ebe bi ividio ebhebhe nin uwẹ ha sabọ fẹghe, ele ribhi obọ natiọle Fẹ Ene Emhin Nan Ghe (I).
Obọ Kẹkẹ Ne Ribhi Ọne Ebe Nan
|
|
|
|
|
Ebi uwẹ ha rẹ miẹn eji a ho nin uwẹ tie yẹ bhi Baibo nọnsẹ
Ebe 66, ele ribhi ẹkẹ iBaibo. Obọ eva a wa ene ebe diọ. Ene obọ hi: Obọ nan re urolo Hebrew bi Aramaic gbẹn, nin ẹbho eso tiọle “Old Testament,” bi obọ nan re urolo Greek gbẹn, nin ẹbho eso tiọle “New Testament.”
Bhi ọne ebe nan, ahamiẹn a sounun bhi eji a ho nan tie bhi Baibo, Elin ọsi ọne ebe iBaibo (A), ọle a ka gbẹn, uhọnmhọnlẹn (B) ki rẹkhan ọlẹn, uwẹ kuẹ miẹn ulọnlẹn nan ha tie (C).
Bhi ọsi ijiẹmhin, uwẹ ha miẹn John 17:3, ebe nọnsi John, uhọnmhọnlẹn 17, ulọnlẹn nọnzi 3, ọle a tẹmhọnlẹn.