ILUẸMHIN 17
Ji Ebi Uwẹ Ta Mun Ẹbho Ẹlo Kore
1 Corinthians 14:9
EBI UWẸ HA LU: Rẹkpa ene uwẹ ne talọ rẹ manman lẹn otọ ebi uwẹ ta.
EBI A RẸ LU ỌLE YẸ:
Manman luẹ ọta nọnsẹ nọnsẹn. Manman lẹn ọne uhọnmhọn-ọta nọnsẹn, beji uwẹ ha da sabọ re ikpọta nesi uwẹ rẹ re otọle man nọnsẹn bhi uwedẹ nọn lẹkhẹ.
Noo ikpọta ne bha bun gbe rẹ ha talọ, nan da lẹn otọ ebi uwẹ ta. Noo ikpọta ne bha manman bun rẹ ta ọta kpataki nin uwẹ guanọ nin ene uwẹ ne talọ lẹn.
Uwẹ ha noo ọta nin ẹbho bha lẹn, re otọle man. Ọta nin ene uwẹ ne talo bha lẹn, hẹi ji ele bunbun bhi ẹkẹ ọta nọnsẹ. Ahamiẹn uwẹ dẹ sounun bhi ọta nin ẹbho bha lẹn, la ọria bhi ẹkẹ iBaibo nin ẹbho bha lẹn, la emhin nan lu bhi ẹghe ẹdẹlẹ, jamiẹn ghe, uwẹ re otọle man nọnsẹn.