Ebi A Ha Luẹ Bhi Obọle Nọnzi 12

Jesu da man ẹbho ẹmhọn Agbejele nọn ribhi okhun. Ọle da yẹ man ele ghe, nin ele ha bhii nan kpe elin nọnsi Osẹnobulua khia, nin Agbejele nọnsọle vae, sẹyẹ, nan ha lu iho nọnsọle bhi ọne otọ nan. Ahamiẹn aba la inẹn uwẹ khin, re otọle man ọmọn nọnsẹ ebi ọne erọnmhọn nan khin rẹji mhan. Jesu bha ji Esu da re ọle miẹn ghe, ọle bha yẹ ha sun rẹkhan Jehova. Jesu da zẹ etuegbe nesọle. Ene etuegbe da ha yi eria ọhẹnhẹn nan zẹ ne ha deba Jesu gbẹloghe bhi okhun, sẹyẹ, ele dẹ miẹnsọn kpataki bhi ọne Ejele. Gbẹlokotọ bhi ebi oga ẹmhọanta rẹ ha ti Jesu bhọ yẹ. Ranmhude Jesu guanọ nin ọle rẹkpa ẹbho, ọle da re egbe dan ene khọnmhọn, re ebale nin ene ohanmhẹn gbe, yẹ riọ ene yu kpanọ. Ọle da re ene emhin ọhan-ilo nan rẹ rẹman ebi Agbejele nọnsi Osẹnobulua ha lu nin eria.