Ene Biọmọn Sẹlo Bhọnan
Ẹsele ne mhẹn nẹ nuwẹa lu nin imọnẹn? Emhin bun bun ne guanọ bho bọẹ deba ihọẹmhọn egbe, ugbẹlo ghe bi ugbaga. Ẹsele nọn kokhun nẹ rebhe nuwẹa rẹ nele hi ilẹn mhin nọnsi Jehova bi Ẹmhọnata nonsọle nọn ribhi ibaibo. (Jọni 17:3) Ilẹnmhin niriọ dẹi sabọ rẹkpa imọnẹn rẹ wanre họẹmhọn i Jehova, eki rudu rebhe gale rẹ negbo okhan.—Matiu 21:16.
Ebiọmọn ne bun bun ikhian kere, iluẹmhin ne bha tangbe, ibhokhan kaehọ nẹ bi ebalu. Ọnazẹle ọti mhan bhọ rẹ re ọne benan dagbare, Iluẹmhin Ibaibo Nọn Sẹnmhẹn. Odẹ nọn lekhẹle arẹ gbọnlẹn nọnja rẹha luẹ ibhokhan ebe. Ibhokhan rẹnin ikpea rẹ reotọ alue enan aduduna nan bi ọta nan gbẹn rẹkhanlẹn. Aiyẹ gbin izilo eba-alu kẹkẹ bale. Iluẹmhin Ibaibo Nọn Sẹnmhẹn ii yeebi ibhokhan rẹkhiẹn. Ebarẹ man ibhokhan emhin nọn. Agbọnlẹn bhu uwedẹ nea rẹha tiọle rẹkhanẹn, bha kiha rọ negbe zilo.
Man wọ rẹọbhọ ghe ọne ebe na dẹi sabọ rẹkpaẹ bọ nua rẹha luẹ ibhokhan nesẹ ẹmhọn-ata nebhi Ibaibo “rẹ negbo okhan.”—2 Timoti 3:14, 15.
Man ni ibhioẹ nọn,
Ene Suo Otue Esali Jehova
[Adudu nọn ribhi apapale 3]