Be Ẹghe Odalo Ha Dia Yẹ?

EBI BAIBO TALE

“Osẹnobulua . . . dẹ gbo amẹn eviẹ rebhe si ele bhi ẹlo re. Uu ida yẹ ha ribhọ, la akhiẹ, la ukpuru eviẹ, la ọbalọ. Ebi a ka miẹn khẹ ki kiẹn emhin ne gbera.”​—Revelation 21:​3, 4, New World Translation.

EBI ỌNAN HA RẸ SABỌ RẸKPA UWẸ YẸ

Uwẹ ki ha lu iwẹnna nin uwẹ ha da miẹn eghọnghọn.​—Isaiah 65:​21-23.

Ekhọnmhọn bi iloya ida yẹ ha ribhọ.​—Isaiah 25:8; 33:24.

Uwẹ ki deba azagba-uwa nọnsẹ, bi imọẹ ẹ ha ghọnghọn khian rẹ sẹbhi ighegheghe.​—Psalm 37:​11, 29.

MHAN DẸ BE SABỌ RẸỌ BHI EMHIN NIN BAIBO TALE?

Ehe, ranmhude ene emhin eva nan:

• Osẹnobulua mhọn ọne ahu nin ọle rẹ mun ọne ive nan sẹ. Osẹnobulua nin Jehova, ọle ọkpa a tiọle “Ọnọn Ke Okhun Nẹ” bhi Baibo, ranmhude, ahu nọnsọle imhọn eji ọ sẹle. (Revelation 15:3) Bhiriọ, ọle dẹ sabọ mun ive nọnsọle sẹ, nin ọle rẹ re ọne agbọn nan kiẹn agbọn ọsọgbọn. Baibo yọle ghe, emhin soso iribhọ nin Osẹnobulua ida sabọ lu.​—Matthew 19:26.

• Ọ manman yẹẹ Osẹnobulua nin ọle rẹ mun ọne ive sẹ. Bhi ọsi ijiẹmhin, ọ ghọn iJehova nin ọle rẹ riọ ene yu kpanọ.​—Job 14:​14, 15.

  Baibo yẹ rẹman ghe, Jesu nin Ọmọn nọnsi Osẹnobulua ka re egbe daan ẹbho ne khọnmhọn. Bezẹle nin ọle da lu ọnan? Ranmhude, ọle guanọ nin ọle lu ọle. (Mark 1:​40, 41) Jesu wo yẹ re egbe khọkhọ Aba ọle bhi uwedẹ nin ọle rẹ ha guanọ nin ọle rẹkpa ẹbho.​—John 14:9.

  Bhiriọ, mhan rẹọbhọ ghe, Jehova bi Jesu dẹ rẹkpa mhan rẹ sabọ ha ghọnghọn bhi ẹghe odalo.​—Psalm 72:​12-14; 145:16; 2 Peter 3:9.