ẸZAYA

 2 Ene ribhi okhun, bha kaehọ!

Sẹyẹ, ene ribhi otọ, bha gbehọkotọ,

Bha kaehọ ebi Jehova tale:

“Imọn nin mẹn bẹẹ wanre sọtẹ da mẹn.

 3 Ogho-ẹmena lẹn ọnọn dẹ ọle,

Sẹyẹ, jaki lẹn uwa nin ọnọn nyan ọlẹn da re ebale nanlẹn le;

Sokpan, ibhokhan Izrẹl bha lẹn mẹn,

Ẹbho nesẹmhẹn i lu emhin bii ene mhọn ilẹn-otọ-emhin.”

 4 Ọkhọbhegbe hi ọsi agbaẹbho nin olukhọ vuọnlẹn,

Ẹbho nin emhin ebe nọnsele khua ele bii ihẹ,

Ikpia ne i mhẹn, bi imọn ne sankan an ele khin!

Ele zẹ Jehova obọ;

Ele bha mun ekpẹn nin Ọnọn Khiale ọsi Izrẹl;

Ele fikekegbe ọle.

Itẹ vuọn ibha uhọnmhọn,

Sẹyẹ, emianmhẹn wẹghẹ ibha udu a.

Itẹ-itẹ ọkpa vuọn ọlẹn

—A bha sẹ kpe ene itẹ,* re emhin gbanọ ele, la re abhii gbo ele.

 8 Ọmokhuo ọsi Zaiyọn diabe ibọkpọ nan zẹ ọle obọ bhi ugbo eran anyọn,

Bọsi obhi uwa* nọn ribhi ugbo kokumba,

Bọsi agbaẹbho nan mun okhọn bu.

 9 Sade Jehova nọn nyan ene eyokulo bha hinmhin ikpeta bhi ẹwẹ mhan nọn,

Mhan ha rẹ diabe Sodọm,

Sẹyẹ, inian mhan ha rẹ diabe Gomora.

Ogho-ohuan, bi abhii ọsi elanmhẹn ne manman mhẹn nin bha rẹ lu izọese nan tuẹ a ji mẹn, egbe ele wo lọ mẹn,

Sẹyẹ, aranlẹn ọsi ogho-ẹmena, ọsi ihuan, bi ọsi ẹbhe i ti mẹn bhọ.

12 Họla yọle nin bha vae bhi uwa nọnsẹmhẹn,

Bhi ẹghe nọn hi ki rẹ ha khin nin bha rẹ vae,

Yẹ dọ ha khian nẹga ẹgodo nọnsẹmhẹn?

Ibha lu iluemhin ọsi uki ọsọgbọn, iluemhin ọsi sabati, yẹ do usikoko kẹkẹ

—Ọkpakinọn, mẹn i da re otọ nin bha rẹ ha lu ilọnmhọn idunan bhi usikoko nọn khiale nọnsẹbha.

Ihẹ ele ki khin rẹji mẹn;

Egbe ele bhọ ki lọ mẹn.

15 Mẹn denọ ẹlo kie bhi eji bha ye

Sade bha taan obọ nesẹbha a.

Arẹmiẹn bha nan erọnmhọn igba ne bunbun,

Mẹn i kaehọ;

Ranmhude, aranlẹn vuọn ibha obọ.

16 Bha khọ a, bha ha yẹ kpe egbe bha khia;

Bha ne emhin ebe nesẹbha si mẹn bhi ẹlo re;

Bha hẹi yẹ lu emhin ebe.

17 Luẹ ebi a rẹ lu emhin esili yẹ, hẹi ha lu eku,

Re adia nin ọnọn denyẹnyẹn ẹbho,

Ha khọnlẹn nin ọmọn nọn i mhọn aba,

Ha khọnlẹn nin okhuo nin ọdọ ọle yu.”

Aharẹmiẹn olukhọ nesẹbha manman gian,

Imẹn dẹ re ele manman ha fua;

Aharẹmiẹn ele gian bii ukpọn nọn manman gian,

Imẹn dẹ re ele diabe ikuolu.

19 Bha ha degbere yẹ ka mẹn ehọ,

Ibha ki le emhin ne mhẹn ne ribhi ọne otọ.

20 Ahakimiẹn ibha bha ka mẹn ehọ, sẹyẹ, bha sọtẹ da mẹn,

A ki re agbada gbono bha a,

Imẹn nin Jehova tale.”

Ọle rẹ wo ha bhuohiẹn nọn gbale;

Ikhiale a rẹ wo ha miẹn bhi isi ọle,

Sokpan, ejayenan nian, ene gbugbele ki vuọn ọlẹn.

22 Isiliva nọnsẹbha kiẹn iku,

Sẹyẹ, a re amẹn gua anyọn nọnsẹbha.

Ele i bhuohiẹn nọn gbale nin ọmọn nọn i mhọn aba,

Rẹ deba ọnin, ele i talọ bhi ẹmhọn ọsi okhuo nin ọdọ ọle yu.

24 Bhiriọ, inian Jehova nọn nyan ene eyokulo tale, Ebeanlẹn ọsi ẹmhọanta,

Osẹ Ọsi Izrẹl Nin Osẹ Nọn Mhọn Ahu,

“Ghọle, mẹn dẹ khu eghian nesẹmhẹn sibhi eji mẹn ye re,

Sẹyẹ, mẹn dẹ re oya nin eghian imẹn.

25 Mẹn dẹ re obọ mun ibha,

Imẹn dẹ re itọn nọn ribhi egbe nọnsẹbha kie sẹsẹsẹ,

Yẹ ne iku nesẹbha rebhe kie.

26 Imẹn dẹ ne ebhuohiẹn nin bha beji mẹn ka lu khẹ,

Bi ene ha re adia nin bha beji mẹn ka lu bhi ẹghe ọhẹnhẹn.

27 A dẹ ranmhude ibhuohiẹn nọn gbale hinmhin Zaiyọn,

Yẹ hinmhin ẹbho nesọle ne fikiere ranmhude ikhiale.

28 Ene sọtẹ, bi ene lu olukhọ, a dẹ fuẹn ele a kugbe,

Sẹyẹ, ene zẹ Jehova obọ, ọsi ele dẹ fo sẹsẹsẹ.

29 Ẹkhọle dẹ lo ele, ranmhude ene udede eran ne yẹẹ bha,

Sẹyẹ, a dẹ re ẹkhọle lo bha, ranmhude ene ogba* nin bha zẹle.

30 Ibha dẹ diabe okporan nin ebe nesọle khakha kua,

Yẹ diabe ogba nin otọ nọnsọle i mhọn amẹn.

31 Okpia nọn ziẹnlẹn dẹ kiẹn ilunmhun nọn kaka a,

Sẹyẹ, ebi ọle lu dẹ kiẹn ufieranlẹn;

Ele veva dẹ ko to a bhi eranlẹn,

Ọria i ribhọ nọn ha fuẹn ọne eranlẹn an.”

 2 Bhi ọkike ọsi ene ikpẹdẹ,*

Oke ọsi uwa nọnsi Jehova

Dẹ manman deziẹn, yẹ khua okhun gbera oke nekẹle,

A dẹ khua ọle okhun gbera oke nekẹle,

Sẹyẹ, agbaẹbho rebhe dẹ ha vẹ diọbhọ.

“Bha vae, nin mhan ha khian oke nọnsi Jehova,

Nin mhan ha khian uwa ọsi Osẹnobulua ọsi Jekọp,

Ọle dẹ man mhan ẹmhọn uwedẹ nesọle,

Bhiriọ, mhan ki ha khian bhi uwedẹ nesọle.”

Ranmhude, uhi* dẹ na bhi Zaiyọn dagbare,

Sẹyẹ, ọta nọnsi Jehova dẹ na bhi Jerusalẹm dagbare.

 4 Ọle dẹ re ẹmhọn ọi nọnsẹn bhi ẹwẹ ene agbaẹbho,

Yẹ dia emhin nin ẹbho ne bunbun.

Ele dẹ re agbada nọnsele kiẹn ebi a rẹ gua,*

Sẹyẹ, ele ki re opolo nọnsele rẹ kiẹn ọghale nan rẹ kọnọ emhin ekọnọn.

Agbaẹbho i da yẹ mun okhọn bu agbaẹbho,

Ele i da yẹ ha luẹ ebi a rẹ khọnlẹn yẹ.

 5 Eo, azagba-uwa ọsi Jekọp, bha vae,

Bha ji mhan ha khian bhi ẹfua nọnsi Jehova.

 6 Uwẹ fikekegbe ẹbho nesẹ, nọn yi azagba-uwa ọsi Jekọp,

Ranmhude, emhin nan lu bhi obọ ọsi isti* ki vuọn ele obọ;

Ele lu ilọnmhọn idunan bọsi ibhokhan Filistia,

Sẹyẹ, imọn ọsi eriọbhe vuọn ẹwẹ ele.

 7 Isiliva bi igolu vuọn otọ nọnsele,

A i sabọ ka emhin ne ghanlen nin ele mhọn.

Akasi vuọn otọ nọnsele,

Sẹyẹ, a i sabọ ka awẹnẹwẹnẹ nin ele mhọn.

Ele deuhọnmhọnre nin iwẹnna obọ nọnsele,

Emhin nin ele re obọ nọnsele man.

 9 Ele re egbe kpe eyẹyẹ, ele i yẹ mhọn ekpẹn bhi egbe.

Ranmhude ọnan, uwẹ i da rẹhunmhan ele.

10 Bha nabhi ẹkẹ uhio ne ribhi udo, bha ha yẹ nẹhe bhi ẹkẹ ẹbubu

Ranmhude ahu nọnsi Jehova nọn re ofẹn mun

Bi ranmhude uyi bi ukpọnọmhin nọnsọle.

11 Ene tẹngbemun, a dẹ faa ele a,

Ikpia ne wo bhi uhọnmhọn, a dẹ re ekpẹn si ele bhi egbe re.

Bhi ọne ukpẹdẹ nin, ọle dẹ re oya nin ọrebhe ne tẹngbemun bi ọrebhe ne wo bhi uhọnmhọn,

Sẹyẹ, ọle dẹ re oya nin ọrebhe, aharẹmiẹn okpọria ọle khin la obhioguele ọle khin,

13 Rẹ dọ sẹbhi eran isida* rebhe ọsi Lẹbanọn ne yi okporan

Bi eran oki* rebhe ọsi Beshan,

14 Ọle dẹ re oya nin ene oke rebhe ne manman kpọnọ,

Ene oke rebhe ne yoyo,

15 Ene uwa ne yoyo rebhe, bi ene ogbe rebhe ne ziẹnlẹn,

16 Rẹ dọ sẹbhi ene udede okọ rebhe ọsi Tashish

Bi ene okọ nekẹle rebhe.

17 Ene tẹngbemun, a dẹ faa ele a,

Ikpia ne wo bhi uhọnmhọn, a dẹ re ekpẹn si ele bhi egbe re.

19 Ẹbho dẹ ha nẹko bhi uhio ne ribhi udo

Bi uhio ne ribhi otọ,

Ranmhude ahu nọnsi Jehova nọn re ofẹn mun

Bi ranmhude uyi, bi ukpọnọmhin nọnsọle,

Bhi ẹghe nin ọle ha rẹ vae dọ lueghe otọ, yẹ re ofẹn mun ẹbho ne ribhọ.

20 Bhi ọne ukpẹdẹ nin, ẹbho dẹ ne osẹ ihoho nọnsele nin ele re isiliva bi igolu man kua

Osẹ nin ele tobele re obọ nọnsele man ha ga

Ele ki ne ele kua nin efẹn bi akogan,*

21 Beji ele ha da dọ nẹhe bhi uhio ne ribhi ene udo

Bi ẹho ne ribhi ẹwẹ ene udo,

Ranmhude ahu nọnsi Jehova nọn re ofẹn mun

Bi ranmhude uyi, bi ukpọnọmhin nọnsọle

Bhi ẹghe nin ọle ha rẹ vae dọ lueghe ọne otọ, yẹ re ofẹn mun ẹbho ne ribhọ.

22 Ahamiẹn bha guanọ nin iẹnlẹn mhẹn nin bha, bha hẹi yẹ ha mun udu nyan ọria ọkhọnkhan,

Nọn ha gbẹtin sotọ, ọsi ọle folo.

3 Ghọle! Jehova nọn nyan ene eyokulo nin Ebeanlẹn ọsi ẹmhọanta,

Dẹ zobọ bhọ rẹ ha re iyobọ nọn hi ki rẹ khin nin Jerusalẹm bi Juda;

Ọle i da yẹ re ebale bi amẹn nin ele.

 2 Ele i da yẹ ha mhọn ikpia ne ziẹnlẹn bi eyokulo,

Ene bhuohiẹn bi ene akhasẹ, ene ewanlẹn bi ene sabọ ta ebe ha sunu bhi ẹghe odalo,

 3 Sẹyẹ, ele i da yẹ ha mhọn ọdiọn nọn sun itue igbe nyan egbọ eva,* ene hẹn usi, bi ene bhu ẹbho ude,

Ene foẹlo ilọnmhọn idunan, bi ene guẹ ebi a rẹ re ikhunmhun mun ẹbho yẹ.

 4 Mẹn dẹ re usẹn ikpia kiẹn ekhaẹmhọn nesele,

Sẹyẹ, ene i rẹ ẹwanlẹn lu emhin dẹ gbẹloghe ele.

 5 Ene ẹbho dẹ ha denyẹnyẹn egbe ele,

Ọdeọde ki ha denyẹnyẹn ibo ọle.

Obhokhan ki ha ne ọwanlẹn suan.

Eria ne bha sẹ emhin soso ki ha re ẹlo gbe ẹbho nan mun ekpẹn nan an.

“Mẹn i da ha kpe itẹ nọnsẹbha;

Mẹn i mhọn ebale la ukpọn bhi uwa nọnsẹmhẹn.

 8 Jerusalẹm dele,

Sẹyẹ, Juda dele,

Ranmhude, ele re ọta nin ele ta bi emhin nin ele lu sọtẹ da Jehova;

Ele da sọtẹ da ọle arẹmiẹn ele ribhi iyalo nọnsọle, ọle nọn khẹke nan ha re ogẹn je.

 9 Ebi ẹlo nọnsele diayẹ bhi uhọnmhọn sọsali gbe ele,

Ele wo wewe olukhọ nọnsele bọsi ibhokhan Sodọm;

Ele i re ọle rẹko hiehie.

10 Taman ene lu emhin esili ghe, emhin dẹ mhẹn nin ele;

Ele dẹ miẹn elele bhi emhin nin ele lu.

Ọkakale dẹ dekhuan ọlẹn;

Ebi ọle lu da ẹbho, ọle a ha yẹ lu da ọle!

12 Rẹji ẹbho nesẹmhẹn, ene gha ẹsọn nin ele re obọ oya mun ele,

Sẹyẹ, ikhuo gbẹloghe ele.

Ẹbho nesẹmhẹn, ene sun bha re ibha ha zozo,

Sẹyẹ, ibha bha yẹ lẹn uwedẹ nọn gbale ranmhude ele.

13 Jehova wo ha muegbe nin ọle rẹ talọ bhi ọne ẹmhọn;

Ọle kpanọ mundia nin ọle da bhu ẹbho ohiẹn.

“Bha tuẹ ugbo eran anyọn nọnsẹmhẹn an,

Sẹyẹ, emhin nin bha do ne bhi obọ ibhioguele ribhi uwa nesẹbha.”

15 Jehova Nin Ebeanlẹn Nọn Ke Okhun Nẹ nọn nyan ene eyokulo da yẹ yọle:

“Be re ibha gbudu ha re obọ oya mun ẹbho nesẹmhẹn yẹ manman ha denyẹnyẹn ene ibhioguele?”

16 Jehova yọle: “Ranmhude imikhuo ọsi Zaiyọn tẹngbemun,

Muno ijianbọ okhun sade ele khian,*

Minọ ẹlo yẹ fieghe egbe khian,

Sẹyẹ, ileghe nin ele gba bhi oẹ sogho rẹkhan ele,

17 Jehova dẹ lu ọle nin akpakpa le uhọnmhọn ọsi imikhuo ọsi Zaiyọn,

Sẹyẹ, Jehova dẹ rie eto nọn ribhi ẹhae nọnsele kie.

18 Bhi ọne ukpẹdẹ nin, Jehova dẹ miẹn ele emhin nin ele rẹ ho ose, bọsi, emhin-obọ,

Ebi a rẹ gba eto bi emhin nin ele re ọbhi uhọnmhọn nọn diabe uki ọgbọn nọn la hẹnre,

19 Emhin-ehọ, ileghe nan ne bhi obọ bi ukpọn nan rẹ gue uhọnmhọn,

20 Ugbaneto, ileghe nan gba bhi oẹ, umuinyẹn,

Ukoko ọsi emhin nọn viohin* bi emhin ose nin ele gbanọ bhi egbe rẹ gbega egbe,

21 Ukpolika nan ne ọbhi ikpẹn-obọ bi emhin ose nan ne ọbhi ihue,

22 Ukpọn ne ghanlẹn,* awegbe, ukpọn nan yọ ke okhun, bi obhi ẹkpa nan re mhọn bhi obọ,

23 Ughegbe nan ne mhọn bhi obọ bi ene ukpọn linẹn,

Ukpọn nan rẹ gba eto, bi ene a rẹ gue uhọnmhọn.

24 Nin ele rẹ ha viohin bọsi abhii basam, ele dẹ ha ya bii emhin nọn wea;

Nin ele rẹ ha re ugbakun ọsaje gba akun, ele dẹ ha noo uri ọkhọnkhan;

Nin ele rẹ ha mhọn eto nọn mhọnse, ele ki gbakpan;

Nin ele rẹ ha ruẹn ukpọn nọn mhọnse, ele dẹ ha ruẹn ukpọn-akhiẹ;

Sẹyẹ, nin egbe nọnsele rẹ mhọnse a, aman* dẹ vuọn ele egbe.

25 A dẹ re agbada fuẹn ikpia nesẹbha a,

Sẹyẹ, ikpia ne ziẹnlẹn nesẹbha dẹ yu bhi okhọnlẹn.

26 Zaiyọn dẹ diabe okhuo nọn viẹ yẹ lu akhiẹ bhi igeti nesọle,

Ọle dẹ dotua bhi otọ ha viẹ.”

“Mhan dẹ ha le ebale nesẹmhan

Yẹ ha yọ ukpọn nesẹmhan;

Ebi mhan gheghe guanọ hi, nan ha tie elin nọnsẹmhan mun uwẹ

Nin mhan rẹ re ọne ẹkhọle nan sibhi egbe re.”*

5 Mẹn dẹ so illo ji ọne imẹn hoẹmhọnlẹn,

Illo rẹji ọne imẹn họemhọnlẹn bi ugbo eran anyọn nọnsọle.

Ọle da kọ ikperan anyọn ne mhẹn an bhọ,

Yẹ bọn uwa nan da khẹ ughe bhi adesẹ ọne ugbo,

Sẹyẹ, ọle da hian eji a da lu anyọn ọbhọ.

Bhiriọ, ọle da ha khẹ nin ebi ọle kọle mọn ikpẹ,

Sokpan, ọ ki mọn ikpẹ, ọ da mọn ikpẹ ne i mhẹn.

 3 Ọne imẹn hoẹmhọnlẹn da yọle: “Ibhokhan Jerusalẹm bi ikpia nesi Juda,

Bha bhuohiẹn imẹn bi ugbo nọnsẹmhẹn, bha ha tare ọnọn lu khọlọ.

 4 Be khẹke nin mẹn lu bhi ugbo eran anyọn nọnsẹmhẹn

Nin mẹn bha sẹ lu?

Bezẹle nan da miẹn ghe mẹn khẹ nọn mọn ikpẹ,

Ọ da dọ ha mọn ikpẹ ne i mhẹn?

 5 Bhi ejayenan nian, bha ji mẹn taman bha ebi mẹn ha lu da ọne ugbo nọnsẹmhẹn:

Mẹn dẹ vuno ene ogba sibhọre,

Yẹ tuẹ ele a sẹsẹsẹ.

Sẹyẹ, ọne ogbe nan re udo lu nẹga ọle,

Mẹn dẹ dunmhun ọlẹn an.

Bhiriọ, a ki re idia ha nunu ọne ugbo.

 6 Imẹn dẹ re ọle kiẹn otọ nan mun fia;*

A i da hie ọle la gbẹn ọlẹn.

Ilunmhun bi igbẹn bi ikhiakhiọ ki vuọn ọlẹn,

Sẹyẹ, imẹn i da ji amẹn da rọ ọbhọ.

 7 Uwa ọsi Izrẹl, ọle hi ọne ugbo eran anyọn ọsi Jehova nọn nyan ene eyokulo;

Ene ikpia nesi Juda, ele hi ebi a kọle nin ẹmhọn ele ti ọle bhọ.

Ọle da ha khẹ nin ele ha bhuohiẹn nọn gbale;

Sokpan, ele da ha bhuohiẹn eku;

Ọle da ha khẹ nin ele ha lu ẹbho nọnsẹn,

Sokpan, eviẹ ọsi ẹbho nan ha lu khọlọ ọle ki ha họn.”

 8 Ọkhọbhegbe hi ọsi ene ẹbho ne muno uwa ebhebhe ba ọsi ele.

Sẹyẹ, ọkhọbhegbe hi ọsi ẹbho ne muno otọ ebhebhe ba ọsi ele,

Rẹ sẹbhọ ghe, ẹbho nekẹle bha yẹ miẹn otọ noo.

Ele ọkpa ki nyẹnlẹn bhi ọne otọ rebhe!

 9 Jehova nọn nyan ene eyokulo ve ihẹn ọbhọ ghe,

Uwa ne bunbun dẹ siẹn sotọ,

Arẹmiẹn ele kpọnọ yẹ mhọnse.

Ẹbho i yẹ da ha nyẹnlẹn bhọ.

10 Anyọn nọn ha vuọn ukodo nọn kpọnọ sẹ bii bat ọkpa,* ọle ọkpa a ha miẹn bhi ugbo eran anyọn nan mun bhi otọ nọn manman kpọnọ,*

Ebale nọn ha vuọn ifa* ọkpa, ọle ọkpa sẹsẹ a ha miẹn bhi ugbo nan kọ ikpẹ nọn vuọn homa* ọkpa ọi.

11 Ọkhọbhegbe hi ọsi ene ẹbho ne riọ bhi owe ọsewewiẹ dọ ha da anyọn,

Ne i re unun sibhi anyọn re, rẹ dọ sẹbhi ẹghe nin ebi ha rẹ lo, rẹ sẹbhi ẹghe nin ọne anyọn ha rẹ ha mun ele!

12 Ele noo afan, gita,

Okede, bi ufele rẹ khue illo bhi iluemhin nọnsele; ele yẹ da anyọn bhọ.

Ọkpakinọn, ele i gbẹlokotọ bhi emhin nin Jehova lu,

Sẹyẹ, ele i daghe iwẹnna obọ nọnsọle.

13 Bhiriọ, a dẹ muno ẹbho nesẹmhẹn ha khian imun

Ranmhude, ele i mhọn ilẹnmhin;

Ohanmhẹn dẹ ha gbe ikpia ne khua nesele,

Sẹyẹ, ohanmhẹn amẹn dẹ ha gbe ẹbho nesele rebhe.

14 Idin* bhia ba egbe,

Sẹyẹ, ọ manman tuje unun an;

Ẹbho* nin Jerusalẹm rẹ hio, ẹbho nesọle ne nyanagban, bi ẹbho nesọle ne duje

Dẹ nabhi ẹkẹ ọne Idin.

15 A dẹ faa okpia a,

Sẹyẹ, a dẹ re ekpẹn si okpia bhi egbe re.

Ene tẹngbemun, a dẹ re ekpẹn si ele bhi egbe re.

16 A dẹ ha gẹn Jehova nọn nyan ene eyokulo, ranmhude uwedẹ nin ọle rẹ bhuohiẹn;*

Osẹnobulua ọsi ẹmhọanta, Osẹ Nọn Khiale, dẹ re emhin ne gbale nin ọle lu rẹ rẹman ghe, Osẹ nọn khiale ọle khin.

17 Ene ihuan ki ha le ebale bọsi ghe otọ nọnsele ele ye;

Eriọbhe dẹ ha le ebale bhi ọne otọ nan ki mun fia, nin elanmhẹn ne le ebale nọnsẹn da rẹ ka ha nyẹnlẹn.

18 Ọkhọbhegbe hi ọsi eria ne bha ohoghe, ne re ohoghe rẹ si emhin ebe bi olukhọ nọnsele rẹkhan egbe,

Beji elanmhẹn rẹ re uri rẹ si awẹnẹwẹnẹ;

19 Ene yọle: “Ji Ọle tua lu iwẹnna nọnsọle;

Ji Ọle jẹje lu ọle, nin mhan da daghe ọle.

Ji iho ọsi Ọnọn Khiale Ọsi Izrẹl munsẹ

Nin mhan da lẹn ọlẹn!”

20 Ọkhọbhegbe hi ọsi ẹbho ne yọle ghe, emhin ebe, ọle emhin esili khin, emhin esili, ọle emhin ebe khin,

Ene re ebiuki kiẹn ẹfua, yẹ re ẹfua kiẹn ebiuki,

Bi ene re emhin nọn riala kiẹn emhin nọn lẹnlẹn, yẹ re emhin nọn lẹnlẹn kiẹn emhin nọn riala!

21 Ọkhọbhegbe hi ọsi ẹbho ne riale ghe ele wanlan gbe,

Ne yẹ riale ghe, ẹwanlẹn ribhi uwedẹ nin ele rẹ ghe emhin!

22 Ọkhọbhegbe hi ọsi ẹbho ne manman da anyọn

Bi ene ikpia ne manman fuẹlo ebi a rẹ re anyọn gua anyọn yẹ,

23 Ọkhọbhegbe yẹ hi ọsi ọria nọn fan ọluemhiebe fia, ranmhude emhin nan do re nanlẹn bhi ikeke.

Sẹyẹ, ọkhọbhegbe hi ọsi ọnọn bhuohiẹn gbe ọnọn khiale!

24 Ọnan zẹle nan ha da fuẹn ele a.

Ele dẹ diabe ilunmhun nan gbẹn ọlẹn ọgiagia ne kale nin eranlẹn tuẹ a,

Nin iniẹn nọnsele wea,

Nin eghọn nọnsele khakha kua bii ẹmun,

Ranmhude, ele fikekegbe uhi* nọnsi Jehova nọn nyan ene eyokulo,

Sẹyẹ, ele re ẹlo gbe ọta ọsi Ọnọn Khiale Ọsi Izrẹl a.

25 Ọnin zẹle nin Jehova da manman khọẹkẹ ẹbho nesọle,

Bhiriọ, ọle dẹ niẹn obọ nọnsọle a rẹ fi ele emhin.

Ene oke dẹ mun lueghe,

Ẹbho nan gbono a ki diabe iku bhi ughe.

Ranmhude ene emhin* nan rebhe, ẹkẹ bha sẹ fu ọle re,

Ọle sẹyẹ wo niẹn obọ nọnsọle a, nin ọle rẹ re oya nin ele.

26 Ọle re eran fiba bhi otọ rẹ lu aman, nin agbaẹbho nọn ribhi eje ree ha daghe ọle;

Ọle da fi ukpuhiele rẹ datie ele bhi eje ree nẹ bhi otọ, nin ele vae;

Ghọle! ele vade ẹjẹje.

Ugbakun nin ele rẹ gba akun sẹyẹ wo toto,

Sẹyẹ, uri nin ele rẹ gba ibata nọnsele bha tanọn an.

28 Ufẹnmhẹn nesele rebhe manman mun,

Uhẹn nọnsele rebhe kuẹnre.*

Inian atata-oẹ* ọsi akasi nesele diabe udo,

Sẹyẹ, awẹnẹwẹnẹ nọnsele manman nẹ bọsi okpahoho nọn manman ha fi.

29 Usomhin nọnsele diabe ọsi oduman;

Ele so bii usasa-oduman.*

Ele dẹ reso yẹ mun elanmhẹn nin ele ho nin gbe ele;

Ele ki mun ọlẹn kpanọ, ọnọn ha hinmhin ọlẹn bhi obọ ele i ribhọ.

30 Bhi ọne ukpẹdẹ nin, ele dẹ so nẹga ọne elanmhẹn nin ele mun

Beji okpẹdẹ rẹ wie.

Ọria nọn hi ki rẹ khin nọn ghe ọne otọ, ọbalọ bi ebiuki ọle ha daghe;

Ẹfua bhọ kiẹn ebiuki, ranmhude ene adudu amẹn.

Imẹn wo diabe ọnọn yu,*

Ranmhude, ọta ne si mẹn bhi unun re bha khia,

Sẹyẹ, ẹwẹ ẹbho ne ta ọta ne bha khia mẹn da nyẹnlẹn;

Rẹ deba ọnin, mẹn daghe Jehova tobọle nin Ojie, nọn nyan ene eyokulo!”

A rẹhunmhan olukhọ nọnsẹ,

Sẹyẹ, a kpe olukhọ nọnsẹ kua.”

‘Ibha dẹ họn ọne uhọnmhunje igba ne bunbun,

Sokpan, bha i da lẹn otọ ọle;

Ibha dẹ daghe ọle igba ne bunbun,

Sokpan, bha i da ha mhọn ilẹnmhin soso.’

10 Re ọkhọle ọsi ene ẹbho gbin,

Lan ehọ nọnsele,

Uwẹ ha yẹ gue ele ẹlo.

Beji a ha da miẹn ghe, ele bha re ẹlo nọnsele daghe,

La re ehọ nọnsele họn ẹmhọn,

Sẹyẹ, beji a ha da miẹn ghe, ele i da sabọ re ọkhọle lẹn otọ ebi a tẹmhọnlẹn,

Yẹ fikie bu mẹn re nin mẹn da hinmhin ele.”

“Ọ dẹ bue sẹ ẹghe nan ha rẹ dunmhun ọne agbaẹbho a, ẹghe nan ha rẹ miẹn ghe ẹbho bha yẹ ha nyẹnlẹn bhọ,

Ẹghe nan ha rẹ miẹn ghe, ẹbho i yẹ ribhi ene uwa,

Sẹyẹ, ẹghe nin ọne otọ ha rẹ kiẹn otọ nan dunmhun an bi otọ nan mun fia;

12 Rẹ dọ sẹbhi ẹghe nin Jehova ha rẹ khu ikpia diọbhi eje manman ree,

Rẹ dọ sẹbhi ẹghe nin eji a dunmhun an bhi ọne otọ ha rẹ manman ha kpọnọ.

“Ọ i da kiẹn ọlẹn nin ele,

Sẹyẹ, ọ i da sunu.

 8 Damaskọs hi ẹguale ọsi Siria,

Rizin hi ojie ọsi Damaskọs.

Bhi ẹkẹ ikpe isẹn nyan egbọ ea*

A dẹ dunmhun Ifrem a sẹsẹsẹ, bhiriọ, a i da yẹ ha miẹn ọne agbaẹbho natiọle Ifrem.

 9 Sameria hi ẹguale ọsi Ifrem,

Ọmọn nọnsi Rẹmalaya hi ojie ọsi Sameria.

Ahamiẹn uwẹ i mhọn urẹọbhọ nọn ziẹnlẹn,

Ugbẹloghe nọnsẹ i da sabọ deziẹn.”’”

 6 “Ranmhude ene ẹbho he amẹn ọsi Shailoa nọn fẹkẹ na,

Sẹyẹ, ele ghọnghọn ranmhude Rizin bi ọmọn nọnsi Rẹmalaya,

 7 Ghọle! Jehova dẹ je ojie ọsi Asiria

Bi eyokhọnlẹn nesọle rebhe nin ele dọ khọn ele,

Ọle dẹ vae bọsi Ẹdẹ Yufretis nọn manman dinmhin, nọn yẹ manman nẹ,

Nọn nẹ gbera ughu nọnsọle,

Yẹ nẹ nabhi otọ khọnkhan.

 8 Ọle dẹ nẹ diọbhi otọ ọsi Juda.

Ọle dẹ diabe ologho nọn khua nọn ha nẹ vuọn ọne agbaẹbho yẹ lọ ẹbho sẹbhi uru;

Bọsi afianmhẹn nọn tan igẹn an, ọle dẹ tan igẹn nọnsọle a sẹbhi ijerebhe bhi otọ nọnsẹ,

Eo Imanuẹ!”*

Ibha ta ebe ghọn bha, sokpan, ọ i da munsẹ,

Ranmhude Osẹnobulua ne mhan dia!*

Ebi ele mun ofẹn ọlẹn, hẹi mun ofẹn ọlẹn;

Hẹi ji ọle ha re udu nọnsẹ lueghe.

13 Jehova nọn nyan ene eyokulo—ọle uwẹ ha tiọle Ọnọn khiale,

Ọle hi Ọne uwẹ ha mun ofẹn ọlẹn,

Sẹyẹ, ọle hi Ọnọn ha re udu nọnsẹ ha guọ.”

14 Ọle dẹ diabe uwa oga,

Sokpan, rẹji uwa ọsi Izrẹl veva,

Ọle ki diabe udo nọn dua ọria oẹ

Yẹ diabe udo nọn mun ọria gbe a.

Rẹji ene nyẹnlẹn bhi Jerusalẹm,

Ọle ki kiẹn ifi bi akube.

15 Ene bunbun bhi ẹwẹ ele dẹ dua oẹ, yẹ de dunmhun an;

A dẹ ke ifi khẹ ele rẹ mun ele.

16 Khi ọne ebe nin uwẹ gbẹn ọne uhọnmhunje ọi;

Uwẹ ha re emhin gbanọ ọne ebe nin ọne uhi ye, yẹ re nin edibo nesẹmhẹn!

 2 Ẹbho ne rẹ ha khian bhi ẹkẹ ebiuki

Da daghe ẹfua nọn khua.

Ẹfua da bha nyan ẹbho

Ne nyẹnlẹn bhi otọ nọn manman so ebiuki a.

 3 Uwẹ re ẹbho bunbun bhi ọne agbaẹbho;

Uwẹ re ele manman ha ghọnghọn.

Ele ghọnghọn bhi odalo uwẹ

Beji ẹbho rẹ ghọnghọn bhi ẹghe nan rẹ rọ emhin ugbo,

Bi beji ẹbho rẹ re eghọnghọn gha emhin nin ele ne bhi agbaẹbho nin ele khọn miotọ.

 4 Ranmhude, uwẹ khuẹnẹn eran nin ele rẹ mun ihẹ a,

Ukpokpo nọn ri ele bhi ijianbọ, ukpokpo ọsi ọnọn gha ẹsọn nin ele,

Beji ọ ha khin bhi ẹghe nan rẹ khọn Midian miotọ.

 5 Ibata ọsi eyokhọnlẹn rebhe nin ele rẹ so idia bhi otọ, rẹ mun otọ lueghe

Bi ukpọn nọnsele rebhe nin aranlẹn vuọnlẹn

Dẹ tuẹ a bhi eranlẹn.

 6 A biẹ ọmọn nin mhan,

A re ọmokpia nin mhan;

Ọle dẹ ha mhọn ọne ahu rẹ ha gbẹloghe.*

 7 Ugbẹloghe nọnsọle dẹ gba ijerebhe.

Sẹyẹ, ọfure nọn ribhi ojukhuo nọnsi Devid,

Bi ejele nọnsọle i da fo ghẹdẹ.

A dẹ mun ọne ejele gbọ nọnsẹn,

Sẹyẹ, a ki re ikhiale bi ibhuohiẹn nọn gbale rẹ ha re ọle khian,

Rẹ nabhi ọne ẹghe nan rẹ ha khian ighegheghe.

 8 Jehova sekha nin Jekọp,

Ebi ọle tale munsẹ bhi egbe Izrẹl.

 9 Ọrebhe dẹ lẹn ọnan

—Ọrebhe bhi Ifrem bi ene nyẹnlẹn bhi Sameria—

Ne re ẹhio bi ẹgbọ yọle:

10 “Uwa nan man ekẹn rẹ bọn siẹn kua,

Ọkpakinọn, udo mhan ki da ha noo rẹ bọn uwa.

A giagia eran natiọle sikamọ* kua,

Ọkpakinọn, eran natiọle sida* mhan ki da ha noo.”

11 Jehova dẹ je eghian nesi Rizin ọle bhi egbe

Sẹyẹ, ọle dẹ lu ọle nin eghian ọlẹn mun okhọn bu ọle,

12 Ibhokhan Siria ki na obọ ọsi isti* vae, sẹyẹ, ibhokhan Filistia ki na obọ ọsi wẹst* vae,

Ele ki nyan unun an rẹ so Izrẹl lọlọ.

Ranmhude ene emhin nan rebhe,* ẹkẹ bha sẹ fu ọle* re,

Ọle sẹyẹ wo niẹn obọ nọnsọle a, nin ọle rẹ re oya nin ele.

13 Ene ẹbho bha fikie bu Ọnọn re oya nin ele;

Ele bha dọ guanọ Jehova nọn nyan ene eyokulo.

14 Jehova dẹ hian uhọnmhọn bi ukpẹrunmhun an, yẹ gia ukhu bi ilunmhun ne tantan*

Sibhi Izrẹl re bhi ukpẹdẹ ọkpa.

15 Ọwanlẹn bi ọne a manman mun ekpẹn nan, ọle hi ọne uhọnmhọn,

Akhasẹ nọn ta ọta ohoghe man ẹbho, ọle hi ọne ukpẹrunmhun.

16 Ene re ene ẹbho nan khian re ele bibi,

Sẹyẹ, ene ẹbho nin ele rẹ khian bha lẹn ebi ele ha lu yẹ.

17 Ọnin zẹle nin ẹmhọn usẹn ikpia nesele i da ha re Jehova ghọnghọn,

Sẹyẹ, ọle i da mhọn itohan da imọn nesele ne i yẹ mhọn aba, bi ikhuo nesele nin ọdọ ele yu,

Ranmhude, eluemhiebe ele rebhe khin, sẹyẹ, ele fikekegbe Osẹnobulua.*

Rẹ deba ọnin, ọrebhe wo ta ọta uhuki.

Ranmhude ene emhin nan rebhe,* ẹkẹ bha sẹ fu ọle re,

Ọle sẹyẹ wo niẹn obọ nọnsọle a, nin ọle rẹ re oya nin ele.

18 Inian emhin ebe vẹ beji eranlẹn rẹ vẹ,

Nọn tuẹ ẹwẹ igbẹn bi ilunmhun an.

Ọ ki to nabhi eran bi ilunmhun nọn ribhi ẹgbo,

Ele ki to a yẹ na ighogho rie.

19 Ọne otọ to

Ranmhude okpohu nọn re Jehova nọn nyan ene eyokulo,

Ọne eranlẹn ki tuẹ ene ẹbho a.

20 Ọria dẹ le ebale bhi obera nọnsọle,

Sokpan, ohanmhẹn ki yẹ ha gbe ọle;

Sẹyẹ, ọria dẹ le ebale bhi obọ agobọ,

Ọkpakinọn, ọle i da khọn.

Ọdeọde ki ha le efun ọsi obọ nọnsọle,

21 Manasẹ ki hẹ da Ifrem,

Sẹyẹ, Ifrem ki hẹ da Manasẹ.

Ranmhude ene emhin nan rebhe,* ẹkẹ bha sẹ fu ọle re,

Ọle sẹyẹ wo niẹn obọ nọnsọle a, nin ọle rẹ re oya nin ele.

10 Ọkhọbhegbe hi ọsi eria ne gbuhi ne i mhẹn ẹbho bhi egbe,

Ne gbuhi ẹghe rebhe rẹ denyẹnyẹn ẹbho,

 2 Beji a ha da miẹn ghe, a bha talọ bhi ẹmhọn ọsi ibhioguele,

A bha bhuohiẹn nọn gbale nin ẹbho ne i mhọn-ọkpa-mhọn-ẹva bhi ẹwẹ ẹbho nesẹmhẹn,

Sẹyẹ, beji a ha da miẹn ghe, ele ki ha re ikhuo nin ọdọ ele yu rẹ lu ọle a

Yẹ gbe imọn ne i mhọn aba* miẹn ele ebi ele mhọnlẹn!

 3 Be ibha ha lu yẹ bhi ukpẹdẹ ibhuohiẹn,*

Ẹdẹ nin ugbekhuelo ha rẹ na eje reele vae?

Họla bha ha nẹ bu nọn rẹkpa bha?

Sẹyẹ, họla bha ha zẹ ẹfe nọnsẹbha obọ nan?

 4 Emhin ebhebhe i ribhọ nin bha ha sabọ lu rẹ gbera nin bha rẹ ha deba ene onighan dijẹn.

Ahamiẹn ibha bha lu iriọ, a ki gbono bha a.

Ranmhude ene emhin nan rebhe,* ẹkẹ bha sẹ fu ọle re,

Ọle sẹyẹ wo niẹn obọ nọnsọle a, nin ọle rẹ re oya nin ele.

 5 “Ẹhẹn! ọne obhokhan Asiria,

Ọle hi ukpokpo nin mẹn ha noo rẹ re ohu nọnsẹmhẹn man,

Sẹyẹ, ukpokpo nọn ribhi obọ nọnsọle mẹn ha noo rẹ re oya nin bha!

 6 Mẹn dẹ je ọle bu ọne agbaẹbho nọn fikekegbe mẹn, nin ọle mun okhọn bu ele;

Mẹn dẹ yẹ je ọle bu ẹbho ne re ohu re imẹn;

Mẹn dẹ taman ọlẹn nin ọle manman ne emhin nesele bi emhin ne ghanlẹn nesele

Yẹ re oẹ nunu ele bii ekhuọrọ nọn ribhi ughe.

 7 Ọkpakinọn, ọle i da ha guanọ nin ọle re iriọ lu ọle,

Sẹyẹ, ọ i da ha ri ọle bhi ọkhọle rẹ lu ọle bhi ọne uwedẹ nan;

Ranmhude, ọ wo ri ọle bhi ọkhọle rẹ gbono ẹbho a,

Agbaẹbho ne bunbun ọle ho nin ọle fuẹn an, ọ i yi ikpeta.

 8 Ọle wo yọle,

‘Ene imẹn ne ọbhi ihe, ọ i be yi ijie ele rebhe khin?

10 Mẹn khọn ene agbaẹbho ne ga osẹ ọsi ihoho miotọ,

Agbaẹbho nin amanzẹ nesele bun nẹ ọsi Jerusalẹm bi Sameria!

11 Beji mẹn lu da Sameria bi osẹ ihoho nesọle,

Imẹn i da be sabọ yẹ lu iriọ da Jerusalẹm bi osẹ nesọle?’

12 “Ẹghe nin mẹn nin Jehova ha rẹ lu iwẹnna nesẹmhẹn rebhe fo bhi egbe Oke Ọsi Zaiyọn bi Jerusalẹm, mẹn ki re oya nin ojie ọsi Asiria, ranmhude ọle tẹngbemun, ranmhude ọle hio, yẹ ghe egbọle bii okpọria. 13 Ranmhude, ọle yọle,

‘Ahu obọ mẹn imẹn ha rẹ lu ọnan,

Ẹwanlẹn nọnsẹmhẹn mẹn ha rẹ lu ọle, ranmhude mẹn mhọn ẹwanlẹn.

Mẹn dẹ ne ughu ọsi agbaẹbho sibhọre

Mẹn ki muno emhin ne ghanlẹn nesele,

Yẹ khọn ene ẹbho miotọ bọsi okpia nọn ziẹnlẹn.

14 Bọsi okpia nọn di obọ bhi ẹkẹ akolo ọsi afianmhẹn,

Yẹ ne ẹkẹn rebhe ne ribhi ẹkẹ ọle,

Mẹn dẹ re obọ nọnsẹmhẹn muno emhin ne ghanlẹn ọsi ene ẹbho,

Mẹn dẹ rọ emhin rebhe ne ribhi otọ agbọn rebhe!

16 Bhiriọ, Jehova nọn nyan ene eyokulo nin Ebeanlẹn ọsi ẹmhọanta,

Dẹ re ibhokhan Asiria ne huhu khuia,

Asiria i da yẹ ha mhọn uyi, ọ ki diabe ebi a re eranlẹn tuẹ a sẹsẹsẹ.

17 Ẹfua ọsi Izrẹl ki kiẹn eranlẹn,

Sẹyẹ, Ọnọn Khiale nọnsọle ki ha yi eranlẹn nọn bhala;

Ọ dẹ vẹ mun ilunmhun bi ẹwẹ igbẹn nesọle* yẹ tuẹ ele a bhi ukpẹdẹ ọkpa.

18 Ọle ki re ẹgbo bi ugbo nọnsọle ne rẹ ha mhọnse kiẹn ihoho;

Ọ ki dọ diabe okpia nin emianmhẹn le ọle egbe kua.

19 Eran ne ha kẹre bhi ẹgbo nọnsọle i da yẹ bun,

Rẹ sẹbhọ ghe obhokhan khere ki sabọ ha ka ele.

20 Bhi ọne ukpẹdẹ nin, ene kẹre bhi Izrẹl

Bi ene miuhọnmhọn bhi ulin-uwa ọsi Jekọp

I da yẹ ha mun udu tẹ ọnọn re oya nin ele;

Ọkpakinọn, Jehova nin Ọnọn Khiale ọsi Izrẹl,

Ọle ele ki da ha re ọkhọle rebhe mun udu tẹ.

21 Ikpeta ẹbho ọkpa ha fikiere,

Ikpeta ẹbho bhi ulin-uwa ọsi Jekọp, ele da fikiere bu Osẹnobulua Nọn Mhọn Ahu.

22 Eo Izrẹl, arẹmiẹn ẹbho nesẹ

Bunbun bii ekẹn nọn ribhi okpẹdẹ,

Ikpeta ọkpa ha fikiere.

A mhanmhanlẹn fo nan rẹ fuẹn ele a,

A dẹ fuẹn ele a beji ologho rẹ fuẹn emhin an.

23 Bhi ọsi ẹmhọanta, ọne ufuẹn an nin Jehova nọn nyan ene eyokulo nin Ebeanlẹn Nọn Ke Okhun Nẹ mhanmhanlẹn,

Dẹ sunu bhi ọne otọ rebhe.

27 Bhi ọne ukpẹdẹ nin, ihẹ nọnsọle dẹ sibhi ijianbọ nọnsẹ re,

Sẹyẹ, eran nọnsọle nan rẹ mun ihẹ dẹ si uwẹ bhi akhọle re,

Ranmhude abhii nan sa ọbhi uhọnmhọn ọsi ojie,* a dẹ khuẹn ọne oran an nan rẹ mun ihẹ.”

28 Ọle vae bhi Ayat;

Ọle na Migrọn gbera;

Ọle muno ihẹ nesọle ọbhi Mikmash.

29 Ọle na eje bha dinmhin bhi ẹdẹ gbera;

Ọle gbe asọn bhi Giba;

Ẹbho ne nyẹnlẹn bhi Rema guọ, sẹyẹ, ẹbho ne nyẹnlẹn bhi Gibia nin agbaẹbho ọsi Sọl nẹgbe.

Ọle ki niẹn obọ nọnsọle da oke nọn ribhi agbaẹbho ọsi Zaiyọn,

Oke nọn ribhi Jerusalẹm.

33 Ghọle! Jehova nọn nyan ene eyokulo nin Ebeanlẹn ọsi ẹmhọanta giagia ikpabọ-eran kua,

Ene ikpabọ-eran wo denọ bhi otọ;

A wo giagia ene eran ne tantan kua,

Sẹyẹ, a gbono ene yoyo ku ọbhi otọ.

34 Ọle re ọpia* gbe ẹgbo;

Ọria nọn ziẹnlẹn dẹ gbono eran ne ribhi Lẹbanọn kua.

11 Ukhu dẹ jẹre bhi ugungunmhoran ọsi Jesi;

Ukhu dẹ jẹre bhi iniẹn nesọle yẹ mọn ikpẹ.

 2 Ẹlinmhin nọnsi Jehova dẹ ha ri ọle bhi egbe,

Bhiriọ, ọle ki ha wanlan, yẹ ha mhọn ilẹn-otọ-emhin,

Ọle dẹ manman ha mhọn ahu, yẹ sabọ ha re adia nọn gbale nin ẹbho,

Ọle ki ha mhọn ilẹnmhin, yẹ ha mun ofẹn Jehova.

Ọle i da re ebi ọle gheghe re ẹlo daghe rẹ bhuohiẹn,

La, re ebi ọle gheghe re ehọ họn rẹ re adia nin ọria.

 4 Ọle dẹ re uwedẹ nọn gbale rẹ bhuohiẹn ẹbho nan re ẹlo gbe a,

Ọle dẹ ne adia nin ẹbho, adia ne ha mhẹn ene mhọn ẹkẹ-omẹnhiẹn bhi egbe.

Ọle dẹ re ukpokpo nọn ri ọle bhi unun rẹ fi ọne otọ nan emhin

Yẹ re ọta nọn si ọle bhi unun re rẹ gbono eria ebe a.

 5 Ikhiale dẹ ha yi ugbakun nọn ri ọle bhi akun,

Sẹyẹ, asun-rẹkhan dẹ ha yi ugbakun nin ọle rẹ gba akun.

 6 Wof* bi ohuan ki ha kọn kugbe ẹgheso,

Sẹyẹ, obhi ẹbhe bi liopad* ki nowẹ sikẹ egbe,

Obhi ẹmena, oduman, bi elanmhẹn nọn kpọnọ ki ha nyẹnlẹn kugbe;*

Sẹyẹ, obhokhan khere ki ha re ele kọn.

 7 Ẹmena bi biẹ* ki ha le ebale kugbe,

Sẹyẹ, imọn nesele ki nowẹ sikẹ egbe.

 8 Ọmọn nọn sẹyẹ nyẹn, ki ha khiẹn bhi eji ebi dia i,

Sẹyẹ, ọmọn nan zẹ ọle ukpẹ bhi inyẹn ki di obọ bhi uhio ọsi ẹnyẹn nọn mhọn obi.

 9 Ele i da kuan ọria soso

La riia emhin soso a bhi ijerebhe bhi oke nọn khiale nọnsẹmhẹn,

Ranmhude, ilẹnmhin nọnsi Jehova dẹ vuọn ijerebhe bhi ọne otọ nan

Beji amẹn rẹ vuọn okpẹdẹ.

Agbaẹbho rebhe dẹ bu ọle* nin ọle ha dia ele,

Sẹyẹ, eji ọle da nyẹnlẹn ki ha mhọn uyi.

13 Ifrem i yẹ da ha mhọn ikhu,

Sẹyẹ, ene re obọ oya mun Juda, a dẹ fuẹn ele a.

Ifrem i da ha mhọn ikhu da Juda,

Sẹyẹ, Juda i da ha re obọ oya mun Ifrem.

14 Ele dẹ hẹ da ibhokhan Filistia bhi ukpolofia* ọsi oke nọn ribhi obọ ọsi wẹst;*

Ele dẹ kugbe khọn ẹbho ne ribhi obọ ọsi isti* yẹ miẹn ele ebi ele mhọnlẹn.

Ele dẹ khọn Idọm bi Moab yẹ miẹn ele otọ.

Sẹyẹ, ibhokhan Ammọn ki ha ribhi otọ ugbẹloghe nọnsele.

15 Jehova ki waa* obọ ọkpa a bhi okpẹdẹ ọsi Ijipt

Yẹ fieghe obọ da ẹdẹ Yufretis.

Ọle dẹ re ohiẹnhiẹn nọnsọle nọn to rẹ ka amẹn sibhi ene ẹdẹ ihinlọn re,

Sẹyẹ, ọle ki lu ọle, nin ẹbho da sabọ fan ọne ẹdẹ ra aharẹmiẹn ele bha kuọ ibata.

16 Ukhuo dẹ ha ribhọ nin ẹbho nesọle ne kẹre ha na sibhi Asiria re,

Beji ọ dia bhi ukpẹdẹ nin Izrẹl sibhi otọ Ijipt re.

“Eo Jehova, mẹn khuẹnmhẹn uwẹ,

Ranmhude, arẹmiẹn ẹkẹ mẹn rẹ ha khọ ẹ,

Ohu nọn re ẹ da fẹkẹ lọre, sẹyẹ, uwẹ da ko mẹn udu re.

Imẹn dẹ mun udu nyan ọlẹn, sẹyẹ, ọfẹn i da ha mun mẹn;

Ranmhude, Jah* Jehova hi ahu nọnsẹmhẹn, ọle hi ọnọn gbega mẹn.

Sẹyẹ, ọle hi umiẹnfan nọnsẹmhẹn.”

 3 Bha dẹ re eghọnghọn sa amẹn

Bhi ẹdẹ ọsi umiẹnfan.

“Bha re ekhuẹnmhẹn ji Jehova, bha tie elin nọnsọle,

Bha ji ẹbho lẹn emhin kẹkẹ nin ọle lu!

 6 Ene nyẹnlẹn bhi Zaiyọn, bha reso, bha re eghọnghọn so dagbare,

Ranmhude, Ọnọn Khiale Ọsi Izrẹl, nọn manman kpọnọ ribhi ẹwẹ ibha.”

Datie ele, lueghe obọ nin ele,

Nin ele vae dọ rẹkhan igeti ọsi okperia.

Sẹyẹ, mẹn datie ekakulo nesẹmhẹn, nin ele re ohu nọnsẹmhẹn man,

Ele da wo ha ghọnghọn yẹ si ijianbọ okhun.

 4 Bha kaehọ! Usun ẹbho ribhi uke oke;

Ele kpokeke bii ẹbho ne bunbun!

Bha gbehọkotọ! Ejele kẹkẹ wo kpokeke re,

Bọsi agbaẹbho kẹkẹ ne sikoko!

 5 Otọ nọn ree ele na vade,

Eje ree nẹ bhi otọ ele na vade,*

Jehova bi ene ọle ha rẹ re ohu nọnsọle man vade,

Nin ọle rẹ fuẹn otọ rebhe a.

 7 Ọnin zẹle nin obọ ọsi ọrebhe ha da nẹghẹ a,

Sẹyẹ, udu ọsi ọrebhe ki ha lueghe ranmhude ofẹn nọn mun ele.

Ele ribhi ọbalọ yẹ guọ zizi,

Bọsi okhuo nin ubiẹmhin lu.

Ele ghe egbe ẹlo-ẹlo ranmhude ọ han ele ilo,

Sẹyẹ, ẹlo nọnsele gian bhi uhọnmhọn ranmhude ọbalọ nin ele ye.

 9 Ghọle! Ukpẹdẹ nọnsi Jehova vade,

Ukpẹdẹ nin ọle ha rẹ re okpohu bi ẹkẹkhọmhin man,

Nin ọle rẹ dunmhun ọne otọ a, yẹ re ọle kiẹn emhin ọnyunuan,

Yẹ fuẹn ene lu emhin ebe ne ribhọ a.

10 Ahiẹnhiẹn ne ribhi okhun bi usun* nin ele ye

I da yẹ ha bhala;

Oẹnlẹn ki so ebiuki a sade ọ hẹnre,

Sẹyẹ, uki i da ha bhala.

11 Mẹn dẹ bhuohiẹn gbe ene nyẹnlẹn bhi otọ ranmhude emhin ebe nin ele lu,

Yẹ bhuohiẹn gbe eria ebe ranmhude olukhọ nọnsele.

Mẹn ki re ọkpẹnlẹn ọbhi ẹhio ọsi ọnọn tẹngbemun,

Sẹyẹ, ene si egbe okhun yẹ denyẹnyẹn ẹbho, mẹn dẹ re ekpẹn si ele bhi egbe re.

12 Mẹn dẹ re igolu nọn manman mhẹn bun gbera eria,

Sẹyẹ, igolu nan miẹn bhi Ofia dẹ kpọ gbera eria.

13 Bhiriọ, mẹn ki mun okhun lueghe,

Sẹyẹ, otọ ki lueghe sibhi eji ọ ye re,

Ranmhude okpohu nọn re Jehova nọn nyan ene eyokulo bhi ukpẹdẹ nin ọle ha rẹ re ẹkẹkhọmhin nọnsọle man.

14 Ọdeọde ki fikie bu ẹbho nesọle;

Ọdeọde ki nẹgbe ha khian otọ nọnsọle,

Bọsi elanmhẹn* nọn nẹ nin ohuẹ, bi bọsi ihuan ne i mhọn ọsun-ohuan.

15 Ọria nọn hi ki rẹ khin nan miẹn, a ki di ọkuọ ọle bhi egbe rẹ gbe ọle a,

Sẹyẹ, ọria nọn hi ki rẹ khin nan miẹn mun, a ki re agbada gbe ọle a.

16 A dẹ gbono imọn nesele a bhi isira ele,

A ki ne emhin ne ribhi uwa nesele,

Yẹ muno ikhuo ele ho.

17 Ghọle, mẹn dẹ je ibhokhan Midia ele bhi egbe,

Ne i ghe isiliva bii emhin soso

Sẹyẹ, nin igolu i sa ele bhi ẹlo.

18 Ele dẹ re uhẹn nesele gbono usẹn ikpia a;

Ele i da mhọn ẹkẹ-ẹjẹjẹ da ọmobọ

La mhọn itohan da ibhokhan.

19 Babilọn nin agbaẹbho nọn mhọn uyi nẹ bhi ẹwẹ agbaẹbho rebhe,

Agbaẹbho nọn manman mhọnse nọn re ibhokhan Kadia hio,

Dẹ diabe Sodọm bi Gomora bhi ẹghe nin Osẹnobulua rẹ gbe ele khuelo.

20 Ẹbho i da yẹ ha nyẹnlẹn bhọ ghẹdẹ,

Sẹyẹ, re na ore rẹ sẹbhi ore, ẹbho i da yẹ ha debhọ a.

Obhokhan Arebia soso i da bọn ibọkpọ nọnsọle bhi enin,

Sẹyẹ, ọsun-ohuan soso i da ji ihuan nesọle da koahua bhi enin.

21 Elanmhẹn nan miẹn bhi otọ ugbẹnẹbubu ki ha nowẹ bhi enin;

Ikpẹkpughu ki vuọn uwa nọnsele.

Ọstrich* ki ha nyẹnlẹn bhi enin,

Sẹyẹ, ẹbhe nan miẹn bhi ẹwẹ* ki ha san-yo-san-re bhi enin.

22 Elanmhẹn ẹwẹ ki ha so bhi uwa ne yoyo nesọle,

Elanmhẹn natiọle jaka* ki ha nyẹnlẹn bhi udede uwa ọsi ijie nesọle.

 5 Jehova khuẹn eran ọsi ọluemhiebe a,

Ọle khuẹn ukpokpo ọsi ọnọn gbẹloghe a,

 6 Ọle khuẹn ukpokpo ọsi ọnọn wo ha re ohu fi ẹbho etin an,

Ọnọn wo ha re ohu denyẹnyẹn agbaẹbho kẹkẹ yẹ kpokpo ele.

 8 Eran junipa bhọ ghọnghọn ranmhude ebe sunu ji uwẹ,

Iriọ yẹ hi eran sida ne ribhi Lẹbanọn.

Ele yọle, ‘Re na bhi ẹghe nan rẹ gbe uwẹ khuelo,

Ene gbe eran soso bha yẹ vae dọ gbono mhan kua.’

 9 Idin* bhọ ghọnghọn khẹ ẹghe nin uwẹ ha rẹ vae,

Beji ọle ha da miẹn uwẹ ọbhi egbe.

Ranmhude uwẹ, Idin riọ ene yu kpanọ—

Ọrebhe* ne rẹ ha re obọ oya gbẹloghe ẹbho bhi otọ.

10 Ele rebhe da ha taman uwẹ yọle,

‘Uwẹ dọ wẹghẹ a bii mhan.

11 Illo nan khue nin uwẹ,

Bi ẹhio nin uwẹ rẹ ha mhọn rẹkhan ẹ nabhi ẹkẹ Idin.*

Uke ekhọle uwẹ ki da nowẹ,

Sẹyẹ, ele uwẹ ki rẹ hin egbe.’

12 Eo, ghe ebi uwẹ rẹ na okhun dere yẹ,

Uwẹ nin ahiẹnhiẹn nọn fi wanlan-wanlan bhi ọsewewiẹ bhibhibhi!

Uwẹ nọn fuẹn agbaẹbho a,

Ghe ebi a ki rẹ sua uwẹ fi ọbhi otọ yẹ!

Mẹn dẹ khua ojukhuo nọnsẹmhẹn okhun gbera ahiẹnhiẹn nesi Osẹnobulua,

Mẹn dẹ dotua bhi oke nan da do ikolo oga,

Bhi eje ree nẹ bhi obọ ọsi nọt.*

14 Mẹn dẹ diọbhi okhun gbera eji adudu-amẹn ye;

Mẹn dẹ re egbe mẹn diabe Ọnọn Ke Okhun Nẹ.’

15 Sokpan, Idin* a ha mun uwẹ fiọ i;

Eje ree nẹ bhi ẹkẹ uhio, ọle uwẹ khian.

16 Ene miẹn uwẹ ki ha ghe uwẹ;

Ele ki ha fẹ uwẹ ghe yẹ yọle,

‘Ọnan i be yi ọne okpia nọn mun otọ lueghe,

Yẹ re ijie ọsi agbaẹbho kẹkẹ guọ?

17 Ọ i be yi ọle re ọne otọ nan kiẹn ojẹgbo

Yẹ khọn agbaẹbho ne ribhọ miotọ?

Sẹyẹ, ọ i be yi ọle bha ji onighan nesọle da ha khian uwa?’

18 Ene ijie ọsi agbaẹbho nekẹle rebhe,

Uwedẹ ekpẹn a rẹ re ele rebhe tọ

Bhi idin* nọnsele kẹkẹ.

19 Sokpan, a wo mun uwẹ fia, a bha re uwẹ tọ bhi idin.

Uwẹ wo diabe ikpaberan* nọn i mhọn ebi a rẹ lu.

Eku-olinmhin ọsi ene a re agbada gbono a denọ nyan uwẹ,

Nan rẹ tọ bhi idin nin udo-udo vuọnlẹn.

Uwẹ diabe olinmhin nan re idia nunu a.

20 A i da re uwẹ tọ ba ene ijie,

Ranmhude, uwẹ riia otọ nọnsẹ a,

Uwẹ gbono ẹbho nesẹ a.

21 Mhanmhan eji a ha da gbono imikpia nesọle a

Ranmhude emhin ebe ọsi aba ele nin ẹdẹlẹ,

Beji a ha da miẹn ghe ele bha dọ jẹ igẹn, yẹ re otọ rebhe kiẹn ọsi ele,

Yẹ bẹnẹ agbaẹbho ọbhi ijerebhe bhi uke otọ.”

“Beji ọ rẹ ri mẹn bhi ọkhọle, iriọ ọ ha rẹ sunu,

Sẹyẹ, beji mẹn rẹ mhanmhan ọlẹn, iriọ ọ ha rẹ munsẹ.

25 Mẹn dẹ gbe obhokhan Asiria a nọn ribhi otọ nọnsẹmhẹn,

Mẹn ki yẹ re oẹ nunu ọlẹn an bhi okhun oke nesẹmhẹn.

Oran nọnsọle nan rẹ mun ihẹ, mẹn dẹ miẹn ele le,

Sẹyẹ, mẹn ki mun ihẹ nọnsọle si ele bhi ijianbọ re.”

26 Ọnan hi ebi a mhanmhan nọn ha sunu ji otọ rebhe,

Sẹyẹ, ọnan hi obọ nan niẹn da agbaẹbho rebhe.

27 Jehova nọn nyan ene eyokulo mhanmhan ọlẹn fo,

Họla ha ki zagha ọle a?

Ọle niẹn obọ nọnsọle a,

Họla ha sabọ kuẹn ọlẹn re?

29 “Ọria soso bhi Filistia hẹi ghọnghọn,

Ranmhude a gheghe khuẹn ukpokpo ọsi ọria nọn fi bha emhin an.

Ranmhude, ẹnyẹn nọn mhọn obi dẹ na bhi ẹkẹ ọsi ẹnyẹn dagbare,

Sẹyẹ, ọmọn nọnsọle dẹ ha yi ẹnyẹn nọn tin, nọn yẹ mhọn obi.

30 Imọn ọsi obhioguele dẹ miẹn ebale le

Ọnọn i mhọn ọkpa mhọn eva, ki nowẹ bhi ọfure,

Ọkpakinọn, mẹn dẹ re ohanmhẹn gbono ẹbho nesẹ a,

Sẹyẹ, a ki gbono ene kẹre bhi ẹwẹ ele a.

Ranmhude ighogho zẹ vade bhi obọ ọsi nọt

Sẹyẹ, ọ re usun vade, ọsoso bha bibi sibhi ọne usun re.”

Ele ki wanniẹn yọle ghe, Jehova gbe ayotọ ọsi Zaiyọn,

Sẹyẹ, ene ibhioguele bhi ẹwẹ ẹbho nesọle dẹ miẹn ugbega bhi ẹkẹ ọle.

Ranmhude a dunmhun ọlẹn an bhi ukpasọn ọkpa,

Ijerebhe hiẹ a bhi Ar bhi otọ ọsi Moab.

Sẹyẹ, ranmhude a dunmhun ọlẹn an bhi ukpasọn ọkpa,

Ijerebhe hiẹ a bhi Kiẹ bhi otọ ọsi Moab.

 2 Ọle kpanọ ha khian Uwa;* ọle kpanọ ha khian Daibọn;

Ọle diọbhi eje yoyo dọ ha viẹ.

Ele rebhe viẹ bhi ogbakha bi okhun uwa nesele;

Ele de ọbhi otọ ha viẹ.

 4 Hẹshbọn bi Ẹli-ela so dagbare;

Ene ribhi Jehaz bhọ họn urulu nọnsele.

Ele viẹ khian beji ele rẹ ha hẹn oke ọsi Luhit;

Ele viẹ beji ele rẹ khian Horoneim, ranmhude emhin ọhanabẹ nọn sunu ji ele.

 6 Ẹdẹ ne ribhi Nimrim kale;

Ilunmhun ne ribhọ kaka a,

Ilunmhun i yẹ ribhọ, sẹyẹ, emhin rebhe kaka a.

 7 Ọnin zẹle nin ele da ha muno ẹfe nesele kpanọ, bi emhin ne kẹre nin ele ne ya;

Ele na iyala nin eran natiọle pọpla* vuọnlẹn gbera.

A họn eviẹ nọnsele bhi Ẹgleim;

A họn eviẹ nọnsele bhi Biẹ-ilim.

 9 Aranlẹn vuọn ẹdẹ ne ribhi Daimọn,

Oya nin mẹn ha rẹ nin Daimọn bha sẹ fo:

Mẹn dẹ je oduman bu ẹbho ne nẹgbe bhi Moab nọn gbono ele a

Bi ene kẹre bhi ọne otọ.

16 Mun ogho-ohuan ji ọnọn gbẹloghe ọne otọ,

Dọ mun ọlẹn bhi Sila, uwẹ ha mun ọlẹn rẹkhan ojẹgbo

Ha khian oke ọsi ọmokhuo nọnsi Zaiyọn.

 2 Bọsi afianmhẹn nan khu fia bhi akolo nọnsọle,

Iriọ a ha rẹ khu imikhuo nesi Moab fia, ele ki rẹkhan eje bha dinmhin bhi ẹdẹ ọsi Anọn nẹgbe.

A dẹ gbe ọnọn denyẹnyẹn ẹbho khuelo,

A i da yẹ ha fuẹn emhin soso a,

Sẹyẹ, ene denyẹnyẹn ẹbho bhi otọ, a dẹ fuẹn ele a.

Ugbẹloghe nọnsọle dẹ deziẹn ranmhude ahoẹmhọn-egbe nọn i beghe nin ọle mhọn.

Ọle dẹ bhuohiẹn bhi uwedẹ nọn gbale, yẹ re ẹjẹje ha re emhin ọi nọnsẹn.”

 6 Mhan wo họn re ghe, Moab mhọn okpẹhio.

Ọle manman wo si egbe ọle okhun yẹ dẹgbọ; ọle tẹngbemun, yẹ manman re ohu;

Ọkpakinọn, ọta-ẹgbọ nesọle dẹ kiẹn ihoho.

 7 Ibhokhan Moab dẹ ha viẹ ranmhude emhin ne ha sunu ji Moab;

Ele rebhe dẹ ha viẹ.

 8 Emhin nan kọ bhi ugbo ne ribhi Hẹshbọn kaka a,

Iriọ yẹ hi ugbo eran anyọn ọsi Sibma.

Ene gbẹloghe ene agbaẹbho nunu ikpabọ ọsi ene eran anyọn ne mọn ikpẹ a,

Ikpaberan ne rẹ tan obọ a sẹbhi Jeza,

Yẹ tan obọ a sẹbhi ojẹgbo.

Eo Hẹshbọn bi Ẹli-ela, mẹn dẹ re amẹn-eviẹ nọnsẹmhẹn rẹ vuọn ibha egbe,

Ranmhude, ene rọ emhin ugbo bi emekọnọn nọnsẹbha bhi ẹghe okale i yẹ so usomhin ọsi eghọnghọn.*

10 A i yẹ ghọnghọn la dujie bhi ugbo nọnsẹ,

Sẹyẹ, a i yẹ so illo la re eghọnghọn so dagbare bhi ugbo eran anyọn nesẹ.

Ene lu anyọn i yẹ ri ikpẹ ọsi eran anyọn bhi eji a da lu anyọn nesẹ,

Ranmhude, mẹn re ọkpẹnlẹn ọbhi ọne usomhin eghọnghọn.

11 Ọnin zẹle nin ẹkẹ egbe nọnsẹmhẹn da guọ ranmhude akhiẹ nin mẹn lu nin Moab,

Beji ukpiri ọsi afan* rẹ guọ sade a khue ọle.

Sẹyẹ, ẹkẹ egbe nọnsẹmhẹn guọ ranmhude Kiẹ-harẹsẹt.

“Ghọle! A i da yẹ ha miẹn agbaẹbho natiọle Damaskọs,

Ranmhude, a dẹ dunmhun ọlẹn an, udo-udo ọkpa ki da ha ribhọ.

 2 A i da yẹ ha nyẹnlẹn bhi agbaẹbho ne ribhi otọ Aroa;

Ele ki kiẹn eji ihuan da nowẹ,

Ọria soso i ribhọ nọn da ha re ofẹn mun ele.

 3 A i da yẹ ha miẹn agbaẹbho ne ziẹnlẹn bhi Ifrem,

Damaskọs i yẹ da ha mhọn ejele;

Sẹyẹ, ene kẹre bhi Siria i da yẹ ha mhọn uyi,

Beji ibhokhan Izrẹl i yẹ rẹ mhọn uyi.” Iriọ Jehova nọn nyan ene eyokulo tale.

 4 “Bhi ọne ukpẹdẹ nin, Jekọp i yẹ da manman ha mhọn uyi,

Egbe nọnsọle nọn dia bọkọbọkọ* ki le kua.

 5 Ọ dẹ dia beji ọ dia sade ọria rọ emhin ugbo,

Sade ọle re obọ hian emhin nan kọle,

Bi, beji ọ dia sade a yaya ugbo bhi Iyala ọsi Rẹfeim.

 6 Ebi a ha sabọ yaya ọkpa ha ki kẹre,

Beji eran oliv dia sade a kọnọn ikpẹ ne ribhọ sibhọre.

A ha kọnọn ikpẹ sibhi eran olive re, ikpẹ eva la ea ne bholo ọkpa kẹre bhi ikpabọ nọn ribhi okhun ọlẹn,

Sẹyẹ, ikpẹ enẹn la isẹn ọkpa kẹre bhi ikpabọ nesọle ne mọn.” Iriọ Jehova nin Osẹnobulua ọsi Izrẹl tale.

 9 Bhi ọne ukpẹdẹ nin, agbaẹbho ne ziẹnlẹn nesọle dẹ diabe eko nan mun fia bhi ẹgbo,

Bọsi ikpaberan nan ranmhude ibhokhan Izrẹl nẹgbe fiya;

Ọ ki kiẹn otọ nan mun fia.

10 Ranmhude, uwẹ ye Osẹnobulua a nọn re umiẹnfan nin uwẹ;

Uwẹ ye Udo nin uwẹ da miẹn ugbega a.

Ọnin zẹle nin uwẹ da mun ugbo ne mhọnse

Yẹ gbọ ukhu ọbhọ, ukhu nin uwẹ mun re bhi agbaẹbho ọbhebhe.*

11 Bhi ọne ukpẹdẹ nin uwẹ rẹ fẹkẹ gbe ogba nẹga ugbo nọnsẹ,

Ọsewewiẹ ikpẹ nin uwẹ kọle da jẹre.

Sokpan, uwẹ i da miẹn ebi uwẹ kọle rọ ẹghe nin emianmhẹn bi ọbalọ nọn i fo ha rẹ vae.

12 Gbehọkotọ! Ẹbho ne bunbun kpokeke re,

Ele wo wie bọsi okpẹdẹ!

Agbaẹbho kẹkẹ wie re,

Ele wie bọsi ẹdẹ nọn fi-yo-fi-re!

Osẹnobulua dẹ ne ele gui, bhiriọ, ele ki nẹgbe ha khian eje reele,

Ele ki nẹgbe bọsi iku nin ahoho hoho sibhi oke re,

Ele dẹ nẹgbe bọsi igbẹn nin efi mun.

Ọnan hi ebe ha sunu ji ene gbe mhan miẹn mhan emhin,

Bi ene re udu-udu miẹn mhan ebi mhan mhọnlẹn.

18 Ọkhọbhegbe hi ọsi ọne otọ nin emhin ne tinọn da so,

Bhi egbe ẹdẹ ọsi Ẹtiopia!

 2 Ọle je ukọ na okpẹdẹ gbera;

Okọ nan re ilunmhun natiọle papairọs* lu ele rẹ fan ọne ẹdẹ ra. Ọle da taman ele yọle:

“Bha ha khian, ibha nin ukọ ne i riia ẹghe a,

Bha ha khian agbaẹbho nin ẹbho ne tantan ye, nin egbe nọnsele yẹ kpoloa,

Ẹbho nan mun ofẹn ele bhi ijerebhe,

Agbaẹbho nọn ziẹnlẹn, nọn yẹ khọn ẹbho miotọ,

Ẹbho nin ẹdẹ kpe otọ nọnsele kua.”

 3 Ibha rebhe ne nyẹnlẹn bhi otọ,

Ebi bha ha daghe dẹ diabe eran nan ba ọbhi okhun oke rẹ lu iyaman,

Sẹyẹ, bha dẹ họn usomhin nọn diabe ọsi akala nan khue.

“Imẹn i da zẹwẹ ha kpokpo egbe, mẹn dẹ denọ ẹlo da eji mẹn zẹle,*

Beji ovuẹn rẹ zẹ nyan ebi a kọle bhi ugbo,

Bi beji ebhu rẹ bhu nyan otọ bhi ẹghe okale nan rẹ rọ emhin ugbo.

 5 Ọkuẹsẹ ọne ẹghe nan rẹ rọ emhin ugbo,

Ẹghe nin ebi a kọle rẹ gbeghọn yẹ mọn ikpẹ, ọne ikpẹ ki yẹ dọ bholo,

A dẹ re ebi a rẹ gia emhin rẹ gia ene ukhu kua,

Sẹyẹ, a ki gia iri nesọle kua.

 6 A dẹ zẹ ele rebhe obọ nin afianmhẹn ne le efun, ene afianmhẹn nan miẹn bhi uke oke,

Bi elanmhẹn ẹwẹ ne ribhi otọ.

Ene afianmhẹn ne le efun dẹ le ele bhi ẹghe okale,

Sẹyẹ, ene elanmhẹn ẹwẹ rebhe ne ribhi otọ dẹ le ele bhi ẹghe nan rẹ rọ emhin ugbo.

 7 Bhi ọne ẹghe nin, agbaẹbho nin ẹbho ne tantan ye, nin egbe nọnsele yẹ kpoloa

Dẹ mun emhin rẹ lu ẹsele ji Jehova nọn nyan ene eyokulo.

A mun ofẹn ọne agbaẹbho nan bhi ijerebhe,

Agbaẹbho nọn ziẹnlẹn ele khin, ne yẹ khọn ẹbho miotọ,

Agbaẹbho nin ẹdẹ kpe otọ nọnsele kua.

Ele dẹ mun ọne ẹsele ha khian Oke Ọsi Zaiyọn nan tie mun elin nọnsi Jehova nọn nyan ene eyokulo.”

Osẹ ihoho nesi Ijipt dẹ ha guọ ranmhude ọle,

Sẹyẹ, udu dẹ wa ibhokhan Ijipt.

 2 “Mẹn dẹ lu ọle nin ibhokhan Ijipt ha ne egbe ele suan,

Ele ki ha ne egbe ele khọnlẹn,

Ọdeọde ki ha ne obhio ọle bi idiake nọnsọle khọnlẹn,

Agbaẹbho ki ha ne agbaẹbho khọnlẹn, sẹyẹ, ejele ki ha ne ejele khọnlẹn.

 3 Ọ dẹ han ibhokhan Ijipt ilo, ele i da lẹn ebi ele ha khian yẹ,

Sẹyẹ, mẹn dẹ zagha emhanmhan nọnsele a.

Ele ki dọ ha guanọ urẹkpa bhi obọ ene osẹ ọsi ihoho,

Bhi obọ ene kpe ikhunmhun ebe, ene ọbo, bi ene tare ebi odalo ha diayẹ.

 4 Mẹn dẹ ne ibhokhan Ijipt ọbhi obọ ọsi ebeanlẹn nọn ha re obọ nọn kaka mun ele,

Sẹyẹ, ojie nọn to ki ha gbẹloghe ele.” Iriọ Jehova nọn nyan ene eyokulo, nin Ebeanlẹn ọsi ẹmhọanta tale.

 5 A dẹ ka amẹn nọn ribhi okpẹdẹ a,

Sẹyẹ, ẹdẹ ki kiẹn otọ ọkhọnkhan, amẹn i da yẹ ha ribhọ.

 6 Ene ẹdẹ ki ha ya;

Amẹn ne na ẹdẹ Nai nẹ diọbhi ije kẹkẹ bhi otọ Ijipt ki ha si, rẹ sẹbhọ ghe, ele ki ka sẹsẹsẹ.

 7 Ene ilunmhun ne ribhi egbe Ẹdẹ Nai, bhi unun Ẹdẹ Nai,

Bi ene otọ rebhe nan da mun ugbo bhi egbe Ẹdẹ Nai ki ka.

 8 Bhiriọ, ene gbe ehẹn ki ha viẹ,

Ene fi ebi a rẹ gbe ehẹn ọbhi Ẹdẹ Nai ki ha kiọya,

Sẹyẹ, ene fi ọgan ọbhi ẹdẹ i da yẹ ha bun.

 9 Ene re olu rẹ do ukpọn,

Bi ene re ebi a rẹ fi ukpọn rẹ fi ukpọn nọn fua ki miẹn ẹkhọle bhi egbe.

10 Egbe iẹnlẹn ki lọ ene so ukpọn bhi otọ Ijipt;

Ene wẹnna nin ẹbho ki ha viẹ.

“Imọn ọsi ene wanlan mhan khin,

Imọn ọsi enijie ne ka gbẹloghe bhi ẹghe ẹdẹlẹ”?

13 Ene ekhaẹmhọn nesi Zoan gbuhuki;

A hiẹ ekhaẹmhọn nesi Nọf;*

Ediọn ọsi ulin-uwa nesi Ijipt re Ijipt bibi odẹ.

14 Jehova si ozughu Ijipt bhi egbe;

Ene sun ọlẹn re ọle bibi khian bhi emhin rebhe nin ọle lu,

Bọsi ọdanyọn nọn fuẹn bhi ẹkẹ ekpa nọnsọle.

15 Ọsoso bhi Ijipt i da sabọ lu emhin soso,

Ele ha rẹ ha yi ene khua la ene khere,* ene hẹn usi la ene ibhioguele.*

Ọkakale vade bọsi efi nọn na obọ ọsi saot* fi vade.

Ọ na ojẹgbo vade, ọ rẹkhan otọ nọn manman gboriri vade.

Ọne agbaẹbho nọn i mhẹn wo ha re obọ nọn kaka rẹ mun ẹbho,

Sẹyẹ, ọne agbaẹbho nọn riia emhin an, wo ha riia emhin an.

Mẹn manman wo ha guọ ranmhude ọbalọ nin mẹn ye,

Bọsi okhuo nin ubiẹmhin lu.

Mẹn bha yẹ sabọ họn ẹmhọn ranmhude ọbalọ nin mẹn ye;

Sẹyẹ, mẹn bha yẹ sabọ daghe ranmhude ebe kpokpo mẹn.

 7 Ọle da daghe awẹnẹwẹnẹ nan rẹ yo okhọnlẹn nin usun akasi si vade,

Awẹnẹwẹnẹ nan rẹ yo okhọnlẹn nin usun jaki si,

Bi awẹnẹwẹnẹ nan rẹ yo okhọnlẹn nin usun kẹtẹkẹtẹ si.

“Eo, Jehova, uwa nan da khẹ ughe mẹn da mundia ha khẹ ughe ẹdẹ-ẹdẹ,

Sẹyẹ, eji a yọle nin mẹn mundia ọi, ọle mẹn da khẹ ughe asọn-asọn.

10 Eo ẹbho nesẹmhẹn nan gbe beji a rẹ gbe emhin-ugbo,

Ibha nin ikpẹ* nin mẹn gbe bhi eji mẹn da gbe emhin-ugbo,

Mẹn taman bha fo ebi mẹn họn bhi unun Jehova nọn nyan ene eyokulo, nin Osẹnobulua Ọsi Izrẹl.

Eo, ibhokhan Didan ne re usun khian ẹbho,

Eji eran eso* ye bhi otọ ugbẹnẹbubu, ọle bha ha da gbe asọn.

14 Ibha ne nyẹnlẹn bhi otọ ọsi Tima,

Bha sa amẹn ji ene ohanmhẹn amẹn gbe.

Sẹyẹ, bha mun ebale ji ene nẹ khian.

15 Ele nẹ khian ranmhude agbada, ọne agbada nan yo a,

Ranmhude ọne uhẹn nan kuẹnre, bi ọbalọ nin okhọn sire.

 2 Uwẹ nin agbaẹbho nọn manman titi yẹ hio,

Ẹbho da wo ha si ozughu bhi ẹkẹ uwẹ.

Ẹbho nesẹ ne yu, ọ i yi agbada a rẹ gbono ele a,

Sẹyẹ, ọ i yi okhọn ele da yu.

Ọrebhe nan miẹn, a da re ele kiẹn igbọn,

Arẹmiẹn ele nẹ diọbhi eji manman ree.

 4 Ọnin zẹle nin mẹn da yọle: “Bha denọ ẹlo sibhi egbe mẹn re,

Bha hẹi ko mẹn udu re.

Bha ji mẹn da viẹ egbe mẹn

Ranmhude ẹbho nesẹmhẹn nan fuẹn an.

 5 Ukpẹdẹ ọsi ugbekhuelo, ukpẹdẹ ọsi ozughu bi ọsi ikpokpo-egbe, ọle ọne ukpẹdẹ da ha khin,

Ọne ukpẹdẹ nin Jehova nọn nyan ene eyokulo, nin Ebeanlẹn Nọn Ke Okhun Nẹ

Ha rẹ vae bhi Iyala Nan Da Miẹn Imianlo.

A dẹ dunmhun ọne ogbe sotọ.

Sẹyẹ, ẹbho ki ha viẹ rẹ sẹbhọ ghe a ki ha họn ukpuru eviẹ nọnsele bhi uke oke.

 6 Ibhokhan Ilam mun ẹkpa ufẹnmhẹn mhọn.

Ele hẹn akasi bi awẹnẹwẹnẹ nan rẹ yo okhọn.

Ibhokhan Kiẹr ne ugue nọnsele mhọn.*

 7 Awẹnẹwẹnẹ nan rẹ yo okhọnlẹn

Dẹ vuọn iyala nesẹbha ne manman yẹẹ bha,

Sẹyẹ, usun akasi* ki mundia bhi igeti nọnsẹbha,

 8 Rẹ deba ọnin, a ki re ugue* ọsi Juda sibhọre.

12 Bhi ọne ukpẹdẹ nin, Jehova nọn nyan ene eyokulo, nin Ebeanlẹn Nọn Ke Okhun Nẹ

Dẹ yọle nin bha ha viẹ, yẹ ha lu akhiẹ,

Nin bha gbẹn eto a, yẹ ruẹn ukpọn-akhiẹ.

13 Ọkpakinọn, bha i da lu iriọ, bha ki ha dujie yẹ sọnyẹnmhẹn,

Bha ki ha gbono ẹmena bi ihuan an,

Bha ki ha le elanmhẹn yẹ da anyọn.

 3 Ẹdẹ ne bunbun Taya da miẹn elele. Ọle na bhi Ẹdẹ Shaihọ* muno ebale* re,

Yẹ na bhi Ẹdẹ Nai muno emekọnọn re.

Iriọ ọle yẹ rẹ re agbaẹbho kẹkẹ fe.

 4 Eo Saidọn, uwẹ nin agbaẹbho nọn ziẹnlẹn nọn ribhi egbe okpẹdẹ, ji ẹkhọle ha lo uwẹ,

Ranmhude ọne okpẹdẹ yọle:

“Ubiẹmhin bha sẹ lu mẹn ghẹdẹ, sẹyẹ, mẹn bha sẹ biẹ,

Mẹn bha sẹ bẹẹ usẹn ikpia la imanmhẹn* wanre.”

 5 Ẹbho dẹ ha lu akhiẹ ranmhude ebi ele họn ghe ọ sunu ji Taya,

Beji ele lu bhi ẹghe nin ele rẹ họn ebe sunu ji Ijipt.

 8 Họla yọle ọle dẹ lu ọnan da Taya,

Ọne agbaẹbho nọn mọn da re eria kiẹn ojie?

Ekhaẹmhọn ene do ẹki ne ribhọ rẹ ha khin,

Sẹyẹ, ikpia ne do ẹki ne ribhọ, a rẹ wo ha mun ekpẹn nin ele bhi otọ agbọn rebhe.

 9 Jehova tobọle nọn nyan ene eyokulo yọle ghe,

Ọle dẹ re ọkpẹnlẹn ọbhi ẹhio ọsi Taya nin ose nọnsọle re ọle ha mhọnlẹn,

Yẹ fa ọrebhe a nan rẹ ha mun ekpẹn nan bhi otọ agbọn rebhe.

11 Osẹnobulua niẹn obọ nọnsọle da ọne okpẹdẹ;

Ọle mun ejele kẹkẹ lueghe.

12 Sẹyẹ, Osẹnobulua da yọle: “Eo ibhokhan Saidọn* nan denyẹnyẹn,

Ibha i da yẹ ha ghọnghọn ghẹdẹ.

Ibhokhan Kadia, ele hi ẹbho ne dunmhun ọlẹn* an, ọ i yi ibhokhan Asiria.

Ele re ọle kiẹn otọ nin elanmhẹn ẹwẹ ne tuakọn da nyẹnlẹn.

Ele bẹnẹ eje yoyo nin ele ha da mundia khọn ọne agbaẹbho,

Ele dunmhun uwa ne ziẹnlẹn nesọle sotọ,

Yẹ dunmhun ọne agbaẹbho a sẹsẹsẹ.

14 Okọ ọsi Tashish, bha ha viẹ,

Ranmhude a dunmhun eje ziẹnlẹn nọnsẹbha a.

Khue ọne afan nọnsẹn,

Uwẹ ha yẹ so illo ne bunbun,

Beji a ha da miẹn ghe ele ki ye uwẹ re.”

Ene ẹbho bi ọne ohẹn,

Ọguọmhandia nin okpia bi ebeanlẹn ọlẹn,

Ọguọmhandia nin okhuo bi ebeanlẹn ọlẹn nin okhuo,

Ọnọn khiẹn emhin bi ọnọn dẹ emhin,

Ọnọn mọnmọn emhin bi ọnọn re emhin nin ọria mọnmọn,

Ọnọn mọnmọn igho bi ọnọn re igho nin ọria mọnmọn.

 3 A dẹ ne ọrebhe sibhi ọne otọ re sẹsẹsẹ;

A ki khiokhio emhin rebhe ne ribhi ọne otọ sibhọre.

Jehova hi ọnọn ta ọne ọta nan.

 5 Ẹbho ne nyẹnlẹn bhi ọne otọ riia ọne otọ a,

Ele gbobọra ene uhi,

Ele fi uwedẹ nan rẹ lu emhin bhi ọne otọ denọ,

Yẹ san ọne akovẹn ọsi ẹdẹdẹmhẹndẹ* a.

 6 Ọnin zẹle ihẹn riia ọne otọ a,

Sẹyẹ, a bhuohiẹn gbe ene nyẹnlẹn bhi ọne otọ ranmhude olukhọ nin ele lu.

Ranmhude ọnan, ene nyẹnlẹn bhi ọne otọ bha yẹ bun,

Sẹyẹ ikpeta ki kẹre bhi ene ikpia.

 7 Anyọn ọgbọn lu akhiẹ,* ranmhude eran anyọn kaka a,

Sẹyẹ, ọrebhe ne rẹ ha ghọnghọn kiọya.

 8 Illo eghọnghọn nan re okede khue folo;

Okeke ọsi ene dujie folo;

Sẹyẹ, illo eghọnghọn nan re afan khue folo.

 9 Ele i yẹ so illo beji ele rẹ da anyọn,

Sẹyẹ, anyọn nọn mun riala bhi unun ọsi ene da ọle.

10 Ọne agbaẹbho nan mun fia, a dunmhun ọlẹn an;

A khue uwa rebhe ne ribhọ, beji a ha da miẹn ghe ọria soso bha sabọ nabhọ.

A i yẹ dujie,

Sẹyẹ, eghọnghọn nọn ribhi ọne otọ folo.

12 A dunmhun ọne agbaẹbho a,

Sẹyẹ, a dunmhun ọne igeti sotọ sẹsẹsẹ.

Bi beji ọ dia sade a yaya ugbo eran anyọn fo,

Iriọ otọ ọsi ẹbho nesẹmhẹn ha dia bhi ẹwẹ agbaẹbho nekẹle.

14 Ele dẹ si urulu okhun,

Yẹ re eghọnghọn ha so dagbare.

15 Ọnin zẹle nin ele ha da ha gẹn Jehova bhi otọ ọsi ẹfua;*

Sẹyẹ, ele dẹ ha gẹn elin nọnsi Jehova nin Osẹnobulua ọsi Izrẹl bhi agbaẹbho ne ribhi egbe okpẹdẹ.

Ọkhọbhegbe hi ọsẹmhẹn! Ene lu emhin ebe manman wo lu emhin ebe;

Ehe! Ele wo mun ibo ele khiẹn yẹ hiẹ ẹbho.”

18 Ọnọn hi ki rẹ khin nọn nẹ khian ranmhude ọle họn ghe ugboriri vade, dẹ de ọbhi uhio.

Ọnọn hi ki rẹ khin nọn dagbare bhi ọne uhio nin ọle de ọi ki de ọbhi ifi.

Okpamẹn dẹ wo manman rọ,

Sẹyẹ, ayotọ ọsi ọne otọ dẹ mun lueghe.

19 Ọne otọ vanọ a;

A mun ọne otọ lueghe;

Ọne otọ ki manman ha guọ.

20 Ọne otọ de gọ-gọ bii okpia nin anyọn mun,

Sẹyẹ, ọ bi-yo-bi-re bọsi obhi uwa* nin ahoho mun.

Olukhọ nọnsọle wo manman khua ọle,

Bhiriọ, ọle dẹ de, beji a ha da miẹn ghe ọle i da yẹ sabọ kie kpanọ ghẹdẹ.

21 Bhi ọne ukpẹdẹ nin, Jehova dẹ re oya nin ene mhọn ahu ne ribhi okhun,

Bi ene ijie ne ribhi otọ.

22 Ọle dẹ si ele rebhe koko,

Yẹ muno ele ọbhi ẹkẹ uhio bọsi onighan,

Ọle ki khue ele ze bhi ẹkẹ ọne uhio;

Ikpẹdẹ ne bunbun ha ki gbera, ọle ki bhuohiẹn nọnsele.

23 Jehova nọn nyan ene eyokulo kiẹn Ojie bhi Jerusalẹm bi Oke Ọsi Zaiyọn.

Ewanlẹn ọsi ẹbho* nesọle dẹ daghe ọle ghe Osẹ nọn khua ọle khin.

Bhi otọ ugbẹloghe nọnsọle nọn mhọn uyi, uki nọn vuọnlẹn i da ha mhọn ẹfua,

Sẹyẹ, ovuẹn nọn rẹ manman ha zẹ i da yẹ ha zẹ.

Mẹn rolo ẹ, sẹyẹ mẹn gẹn elin nọnsẹ,

Ranmhude, uwẹ lu emhin ọhan-ilo ne bunbun

Nin uwẹ rẹyi rẹ na bhi ẹghe ẹdẹlẹ ha vade,

Uwẹ mun ọta nin uwẹ tale sẹ, sẹyẹ uwẹ rẹman ghe, Osẹ nan ha sabọ mun udu nyan uwẹ khin.

 2 Uwẹ dunmhun agbaẹbho a rẹ kiẹn udo-udo,

Uwẹ re agbaẹbho nọn ziẹnlẹn kiẹn eji a dunmhun an.

Uwẹ re ọne agbaẹbho nọn ziẹnlẹn nin eriọbhe da nyẹnlẹn kiẹn agbaẹbho nọn i yẹ ribhọ;

A i da yẹ kie bọn ọlẹn ghẹdẹ.

 3 Ọnin zẹle nin ẹbho ne ziẹnlẹn ha da ha re ogẹn ji uwẹ;

Sẹyẹ, agbaẹbho ne denyẹnyẹn ẹbho dẹ ha mun ofẹn uwẹ.

 4 Ranmhude, uwẹ kiẹn ugbega rẹji ene i mhọn-ọkpa-mhọn-eva,

Uwẹ kiẹn ugbega rẹji ene ibhioguele bhi ẹghe ọkakale,

Uwẹ kiẹn ugue rẹji ele bhi ẹghe okpamẹn,

Bi ọfu rẹji ele bhi ẹkẹ ovuẹn.

Bhi ẹghe nin ene denyẹnyẹn ẹbho ha rẹ ha re ohu nọnsele man bọsi okpahoho nọn sua egbuwa sade amẹn rọ,

 5 Bi bọsi ovuẹn nọn zẹ nyan otọ nọn ka amẹn an,

Uwẹ ki re ọkpẹnlẹn ọbhi usomhin nin ene eriọbhe re ohu so.

Beji adudu-amẹn rẹ degue ovuẹn nọn zẹ,

Iriọ uwẹ ha rẹ re ọkpẹnlẹn ọbhi illo ọsi ene denyẹnyẹn ẹbho.

 6 Bhi ọne oke nan, Jehova nọn nyan ene eyokulo

Dẹ ne ebale kẹkẹ ne mhẹn bhi unun nin ọrebhe,

Ebale ne mhẹn nan re elanmhẹn nin egbe gba nan* nyẹn,

Ọle dẹ yẹ ne anyọn kẹkẹ ne mhẹn bhi unun nin ọrebhe,

Anyọn ne mhẹn bhi unun ne yẹ sẹn an.

 7 Bhi ọne oke nan, ọle dẹ re ọne ukpọn-olinmhin* nan rẹ gbanọ ọrebhe kie,

Bi ọne ukpọn nan taan nyan ene agbaẹbho rebhe.

 8 Ọle dẹ so uu lọlọ* rẹ ha khian ighegheghe,

Sẹyẹ, Jehova nin Ebeanlẹn Nọn Ke Okhun Nẹ dẹ gbo amẹn eviẹ sibhi ẹlo ọsi ọrebhe re.

Emhin ne si ẹkhọle ji ẹbho nesọle, ọle dẹ ne ele sibhi otọ agbọn rebhe re.

Jehova tobọle tale.

Ọle mhan khuaẹloghe,

Sẹyẹ, ọle dẹ miẹn mhan fan.

10 Obọ nọnsi Jehova dẹ ha ribhi ọne oke nan.

A dẹ re oẹ nunu agbaẹbho ọsi Moab a

Beji a rẹ re oẹ nunu ilunmhun rẹ kiẹn ebale rẹji ebi a kọle.

11 Osẹnobulua dẹ niẹn obọ nọnsọle a rẹ gbe ọle

Beji ọria nọn gua ẹdẹ rẹ re obọ gbẹ ẹdẹ.

Ranmhude itẹngbemun ọsi Moab,

Osẹnobulua dẹ noo ẹwanlẹn rẹ re obọ nọnsọle de ọle re.

12 Ọne agbaẹbho nan gbega, nan rẹ re ogbe ne yoyo rẹ gbega,

Ọle dẹ guọghọ ọle a.

Ọle dẹ dunmhun ọlẹn sotọ sẹsẹsẹ.

 2 Tuje ene igeti a beji ọne agbaẹbho nọn khiale ha da sabọ nabhọ,

Ọne agbaẹbho nin ẹbho nesọle wo ha nyẹnlẹn nọnsẹn.

 3 Uwẹ dẹ gbega ẹbho ne re ọkhọle rebhe mun udu nyan uwẹ;*

Uwẹ dẹ re ọfure nọn i da fo ghẹdẹ nin ele,

Ranmhude uwẹ ele mun udu tẹ.

 4 Bha mun udu nyan Jehova rẹ ha khian ighegheghe,

Ranmhude Jah* Jehova hi ọne Udo ọsi ẹdẹdẹmhẹndẹ.

Ọle siẹn ọlẹn sotọ,

Ọle siẹn ọlẹn sotọ sẹsẹsẹ;

Ọle siẹn ọlẹn kuọbhi ẹbubu.

 6 A ki re oẹ ha nunu ọlẹn,

Ene a re obọ oya mun ki ha re oẹ nunu ọlẹn, sẹyẹ, ene ibhioguele ki ha nunu ọlẹn.”

Uwẹ dẹ riẹriẹ uwedẹ ọsi ọria nọn lu ebe diale,

Ranmhude Osẹ nọn lu ebe gbale uwẹ khin.

 8 Eo Jehova, uwẹ mhan mun udu tẹ

Nọn rẹ mhan khian bhi uwedẹ nọn gbale.

 9 Bhi ọsasọn, mẹn ki re egbe rebhe rẹ ha guanọ uwẹ

Ehe, mẹn ki wo re ọkhọle rebhe ha guanọ uwẹ;

Ẹghe nin uwẹ ha rẹ ha bhuohiẹn ọne agbọn nan,

Ene nyẹnlẹn bhi otọ ki ha luẹ ebi a rẹ lu ebe gbale yẹ.

10 Aharẹmiẹn a mhọn itohan da ọria ebe,

Ọle i da luẹ rẹ ha lu emhin ne mhẹn.

Aharẹmiẹn otọ nan da lu emhin nọn gbale ọle da nyẹnlẹn, ọle dẹ sẹyẹ ha lu emhin ebe.

Bhiriọ, ọle i da daghe uyi nọnsi Jehova.

12 Eo Jehova, uwẹ dẹ re ọfure nin mhan,

Ranmhude, emhin rebhe nin mhan sabọ lu,

Uwẹ hi ọnọn rẹkpa mhan rẹ lu ọle.

13 Eo Jehova nin Osẹnobulua nọnsẹmhan, rẹ gbera uwẹ, ebeanlẹn kẹkẹ sẹ wo gbẹloghe mhan,

Ọkpakinọn, elin nọnsẹ ọkpa mhan sounun ọlẹn.

Sẹyẹ, ele i da yẹ kie kpanọ,

Ranmhude, uwẹ re oya nin ele yẹ fuẹn ele a, yẹ gbo elin nọnsele a sẹsẹsẹ.

15 Uwẹ re ẹbho nesẹ bunbun, Eo Jehova,

Uwẹ re ẹbho nesẹ bunbun;

Uwẹ re uyi ji egbe ẹ.

16 Eo Jehova, uwẹ ele bu sade ele ribhi ọkakale;

Ẹghe nọn hi ki rẹ khin nin uwẹ rẹ re adia nin ele, ele ki si urulu ke otọ yẹ ta ebe ri ele bhi ọkhọle rebhe man uwẹ bhi erọnmhọn.

17 Beji ubiẹmhin rẹ lu okhuo nọn hanmhan,

Bi beji ọle rẹ so ranmhude ọbalọ nin ọle ye,

Iriọ mhan dia ranmhude uwẹ, Eo Jehova.

18 Mhan rẹ ha hanmhan, ubiẹmhin rẹ ha lu mhan,

Ọkpakinọn, ahoho mhan ki biẹ.

Mhan bha sabọ re umiẹnfan re bhi ọne otọ,

Sẹyẹ a bha biẹ ọmọn soso nọn ha nyẹnlẹn bhi ọne otọ.

Bha riọkpanọ, bha ha yẹ re eghọnghọn so dagbare,

Ibha ne ribhi ẹkẹ otọ!

Inian ebhu nọn bhu nyan bha diabe ebhu nọn bhu ọsewewiẹ,

Sẹyẹ, ẹbho nin uu mun gba bhi ẹkẹ otọ dẹ kie dọ ha nyẹnlẹn.

20 Ẹbho nesẹmhẹn, bha ha khian, bha nabhi uwa nọnsẹbha, bha diọbhi ugha ne ribhi ẹkẹ ọle vuun,

Bha ha khue egbe bha ze bhi enin.

Bha nẹko bhi obhi ẹghe khere

Rẹ dọ sẹbhi ẹghe nin ohu nọnsẹmhẹn ha rẹ lọre.

21 Ghọle! Jehova na bhi eji ọle ye vade,

Nin ọle dọ guiẹzọ ọsi ene nyẹnlẹn bhi ọne otọ ranmhude olukhọ nọnsele;

Ẹbho nan gbono a bhi ọne otọ, ọne otọ dẹ re ele man,

Ọ i da yẹ re ele nẹko.”

27 Bhi ọne ukpẹdẹ nin, Jehova dẹ noo udede agbada nọnsọle nọn manman ziẹn, nọn yẹ manman mun,

Rẹ gbe Lẹvayatan* an, ọne ẹnyẹn nọn kpo khian,

Lẹvayatan nin ẹnyẹn nọn khiẹn-yo-khiẹn-re.

Sẹyẹ, ọle dẹ gbe ọne udede elanmhẹn nọn ribhi okpẹdẹ a.

Asọn bi odanmhẹn mẹn rẹ gbega ọle,

Beji a ha da miẹn ọria soso bha kuan ọlẹn.

Ji ọle vae nin mhan ko re ẹmhọn ọi nọnsẹn;

Ji ọle deba mẹn ha ribhi ọfure.”

 6 Ẹghe vade nin Jekọp ha rẹ fi iniẹn mun otọ bọsi oran,

Izrẹl ki sọnọn re yẹ ha gbeghọn,

Ele ki mọn vuọn ọne otọ rebhe.

 9 Ọnan hi ebi a ha lu ọbhi olukhọ ọsi Jekọp,

Sẹyẹ, enan hi emhin ne ha sunu sade a re emhin ebe nesọle kie:

Ọle dẹ guọghọ ene udo nan rẹ bọn ọne ukhuo-izọese a, rẹ sẹbhọ ghe ọ ki diabe ẹre nan guọghọ a.

Ene eran nin ẹbho ga* i da yẹ ha ribhọ,

Sẹyẹ, ene emhin nan da tuẹ emhin ne viohin i da yẹ ha ribhọ.

10 A ki mun ọne agbaẹbho nọn ziẹnlẹn fia;

A ki mun ẹwẹ nesọle fia yẹ zẹ ele obọ bọsi ojẹgbo.

Ibhi ẹmena dẹ ha kọn bhi enin yẹ nowẹ bhọ.

Ele dẹ yẹ ha le ikpabọ ọsi eran ne ribhọ.

11 Ene kẹre bhi ene ikpaberan ha ki yuno,

Ikhuo ki dọ ko ele

Yẹ re ele fi eranlẹn.

Ọnin zẹle nin Ọnọn man ele i da mhọn itohan da ele,

Sẹyẹ, Ọnọn man ele i da re ẹlo esili ghe ele.

28 Ọkhọbhegbe hi ọsi ukparu-ojie* nin edanyọn-gbe-egbe ne ribhi Ifrem rẹ hio,

Ukparu-ojie nọn i yẹ mhọnse, nọn diabe aroro nọn ki bhiẹbhiẹ a,

Nọn ribhi uhọnmhọn ọsi iyala nin otọ nọnsọle manman mhẹn, nin ene da anyọn gbe egbe da nyẹnlẹn.

Ọne ọria dẹ re ahu rebhe mun ọne ukparu-ojie fi diọbhi otọ,

Beji udede esia rẹ de, beji okpahoho rẹ riia emhin an,

Bi beji ologho nọn khua rẹ manman nẹ.

 3 A dẹ re oẹ nunu ene ukparu-ojie

Nin ibhokhan Ifrem ne danyọn gbe egbe rẹ hio.

 4 Ọne ukparu-ojie nọn i yẹ mhọnse, nọn diabe aroro nọn ki bhiẹbhiẹ a,

Nọn ribhi uhọnmhọn ọsi iyala nin otọ nọnsọle manman mhẹn,

Ki diabe ikpẹ nin eran fig ka mọn bhi ukpe,

 7 Anyọn wo ha re ene ohẹn bi akhasẹ bibi;

Ele ha da anyọn fo, ele ki ha de gọgọ.

Anyọn re ele ha bibi;

Anyọn bha ji ele da lẹn ebi ele lu bhi obọ,

Ele wo de gọgọ ranmhude anyọn nin ele da;

Imianlo nin ele miẹn re ele ha bibi,

Bhiriọ, ele i bhuohiẹn nọn gbale.

 8 Ekpa vuọn uke itebu nesele

—Eji ọ bha sẹ i ribhọ.

 9 Ele ki ha yọle: “Họla ọle ha man ọlẹn emhin?

Họla ọle ha gbe otọ ọne uhọnmhunje fanọn an man?

Ọmobọ nan wo la zẹ ọle ukpẹ bhi inyẹn mhan be khin,

Nan bha yẹ re inyẹn nan nyẹn?

10 Ọle ki ha yọle, ‘Bha lu ọnan, bha hẹi lu ọnan. Bha lu ọnan, bha hẹi lu ọnan,

Bha lu ọle inian, bha hẹi lu ọle inian.’

Adia ne bha kiọnlẹn ọkpa si ọle bhi unun re.”

“Bha lu ọnan, bha hẹi lu ọnan. Bha lu ọnan, bha hẹi lu ọnan,

Bha lu ọle inian, bha hẹi lu ọle inian.

‘Adia ne bha kiọnlẹn ọkpa si ọle bhi unun re.’”

Ranmhude ọnan, ele a ha khian,

Ele ki ha dua oẹ yẹ de re ikeke.

Ele ki kuan egbe, de ọbhi okhẹnan, sẹyẹ, a ki yẹ muno ele.

14 Bhiriọ, bha kaehọ ọta nọnsi Jehova, ibha ne dẹgbọ,

Ibha ne gbẹloghe ene ẹbho ne nyẹnlẹn bhi Jerusalẹm,

15 Bha yọle:

“Mhan bi uu re obọ bhọ ghe ọle i da gbe mhan an

Sẹyẹ mhan bi Idin* re obọ bhọ* ghe ọle i da so mhan lọlọ.

Ẹghe nin ologho ha rẹ manman ha nẹ,

Ọ i da sẹ mhan egbe,

Ranmhude mhan re ohoghe rẹ lu ugue nọnsẹmhan,

Sẹyẹ, mhan re ohoghe kiẹn eji mhan da nẹko.”

“Mẹn re udo nọn manman ziẹn* rẹ gbe ayotọ bhi Zaiyọn,

Ọne udo kpataki nọn ghanlẹn, nan rẹ gbe ayotọ nọn ziẹnlẹn.

17 Mẹn dẹ re ibhuohiẹn nọn gbale kiẹn ukpiri nan rẹ mhaan emhin,

Sẹyẹ, mẹn ki re ikhiale kiẹn ebi a rẹ dia emhin.

Ohoghe nin bha rẹ lu ugue, esia ki dunmhun ọlẹn kua,

Sẹyẹ, eji bha da nẹko, ologho ki re ọle nẹ kua.

18 Ebi bha bi uu ko re obọ ọi i da wẹnna,

Sẹyẹ, ebi bha bi Idin* ko ta i da wẹnna.

Ẹghe nin ologho ha rẹ manman ha nẹ,

Ọ ki rẹ bha nẹ kua.

19 Ẹghe nọn hi ki rẹ khin nọn rẹ ha nẹ,

Ọ ki rẹ bha nẹ kua;

Ọ dẹ ha nẹ re ukpẹdẹ-ukpẹdẹ,*

Bhi ọsasọn bi ọsodanmhẹn.

20 Uke ukhuo* khere gbe nan ha da niẹn egbe a,

Sẹyẹ, ukpọn nan do bha bhia sẹ nan rẹ hin egbe.

21 Jehova dẹ kpanọ yẹ lu emhin, beji ọle ka rẹ kpanọ lu emhin bhi Oke Ọsi Pẹrezim;

Ọle dẹ kpanọ yẹ lu emhin, beji ọle ka rẹ kpanọ lu emhin bhi iyala nọn sikẹ Gibiọn;

Ọle dẹ lu ojiemhin,

Sẹyẹ, ọle dẹ lu emhin bhi uwedẹ nin ọle bha sẹ ka rẹ lu emhin khẹ.

22 Bha hẹi re ene ẹmhọn nan zọojiẹ,

Beji a ha da miẹn ghe, a bha kie manman toto uri* nan rẹ gbanọ bha,

Ranmhude, Jehova nọn nyan ene eyokulo, nin Ebeanlẹn Nọn Ke Okhun Nẹ taman mẹn ghe,

A mhanmhanlẹn fo nan rẹ fuẹn otọ rebhe a.

23 Bha gbehọkotọ, ibha ha kaehọ ebi mẹn ta;

Bha gbehọkotọ nọnsẹn, ibha ha re ehọ ọbhi ebi mẹn ta.

25 Ọle ha re ọne otọ ọi nọnsẹn fo,

Ọle i da be khakha ikpẹ kumin* nọn bhihi ọbhọ yẹ kọ ikpẹ kumin ọkhọnkhan ọbhọ?

Sẹyẹ, ọle i da be kọ wit, milẹt, bi bali ọbhọ,

Yẹ kọ unan wit ọbhebhe* nẹga ehọ-ehọ ọle?

26 Osẹnobulua dia ọria ọbhi uwedẹ nọn gbale;

Osẹnobulua ọsi ọria, ọle man ọlẹn emhin.

27 A i re kpatako* nan si bhi otọ rẹ luọluọ kumin nọn bhihi,

Sẹyẹ, a i re iwili ọsi awẹnẹwẹnẹ rẹ nunu kumin.

Sokpan, ugbolo a rẹ gbe kumin nọn bhihi,

Sẹyẹ, eran a rẹ gbe kumin ọkhọnkhan.

Eye, ọle i wo ha gbe ọle rẹ ha khian;

Sẹyẹ, ahamiẹn ọle noo akasi nọnsọle rẹ si awẹnẹwẹnẹ rẹ nunu emhin ugbo,

Ọle i guọghọ ene ikpẹ a.

29 Jehova nọn nyan ene eyokulo sẹyẹ ta ene ẹmhọn nan.

A i miẹn ebi a rẹ khọkhọ adia nọnsọle,

Sẹyẹ, emhin kẹkẹ nin ọle sẹ lu wo manman kiọnlẹn.

Bha wo ha lu iluemhin nesẹbha;

Bha ha lu ọle ukpe-ukpe.

 2 Mẹn dẹ si ọbalọ ji Ariẹ,

A ki ha viẹ yẹ lu akhiẹ bhọ.

Rẹji mẹn, ọ ki kiẹn ukhuo-izọese nan da tuẹ emhin an.

 3 Mẹn dẹ mun eko nẹga uwẹ bhi obọ rebhe, nin mẹn rẹ khọn uwẹ,

Mẹn dẹ gbe ogba nẹga uwẹ rẹ khue uwẹ ze

Yẹ bọn emhin rẹ hẹn okhun ogbe nọnsẹ dọ khọn uwẹ.

 4 A dẹ sua uwẹ fiọbhi otọ;

Eji uwẹ ye bhi otọ uwẹ ha da ha talọ,

A i da yẹ họn ebi uwẹ ta nọnsẹn ranmhude nin uwẹ rẹ sẹ ẹlo ru bhi ẹbubu.

Otọ a da ha họn urulu nọnsẹ

Bọsi urulu ọsi ọbo nọn bọ,

Sẹyẹ, ọta nọnsẹ ki ha na ẹkẹ ẹbubu dagbare khere-khere.

 5 Usun ẹbho ne yi eghian* nesẹ dẹ diabe ẹmun,

Usun ẹbho ne denyẹnyẹn ẹbho dẹ diabe iku nin ahoho hoho kua.

 6 Jehova nọn nyan ene eyokulo dẹ vae dọ hinmhin uwẹ,

Ọle ki noo avan, otọ nọn munvẹa, usomhin, okpahoho,

Efi, bi eranlẹn nọn manman to rẹ hinmhin uwẹ.”

 7 Ẹghenin, ene usun agbaẹbho rebhe ne ne Ariẹ suan

—Ọrebhe ne nanlẹn khọnlẹn,

Ene ogbe ne yoyo nan gba nẹga ọle nan rẹ mun okhọnlẹn bu ọle,

Bi ene si ọbalọ ji ọle—

Ki diabe ẹbhohiẹ nin ọria bhohiẹ bhi ọsasọn.

 8 Ehe, ọ ki diabe beji ọ dia

Sade ọria nin ohanmhẹn gbe bhohiẹ ghe ọle le ebale,

Ọkpakinọn, ọle ha riọre, ohanmhẹn ki yẹ ha gbe ọle,

Bi sade ọria nin ohanmhẹn-amẹn gbe bhohiẹ ghe ọle wọn amẹn,

Ọkpakinọn, ọle ha riọre, egbe ki lọ ọle, sẹyẹ, ohanmhẹn-amẹn ki yẹ ha gbe ọle.

Iriọ ọ ha dia rẹji ene usun agbaẹbho rebhe ne ne Oke Ọsi Zaiyọn suan.

 9 Ọ dẹ han bha ilo, yẹ kiẹn emhin ọnyunuan rẹji bha;

Bha ru egbe ibha ẹlo, nin ibha hẹi yẹ daghe.

Anyọn mun ele, sokpan ele bha da anyọn;

Ele de gọgọ, sokpan ọ i yi anyọn re ele lu iriọ.

10 Jehova re ibha manman wẹ dinmhin.

Ọle gue ene akhasẹ ẹlo;

Ọle re emhin gue uhọnmhọn ọsi ene miẹn imianlo.

13 Jehova yọle: “Unun, ọle ene ẹbho nan rẹ gheghe yọle ghe ele ga mẹn,

Sẹyẹ, ikpunun ele rẹ gẹn mẹn,

Sokpan, ọkhọle nọnsele i zẹwẹ ribhi eji mẹn ye;

Sẹyẹ, ele re obọ rẹkhan uhi ọsi eria nan man ele le, yẹ riale ghe imẹn ele mun ofẹn ọlẹn.

14 Bhiriọ, mẹn dẹ kie lu emhin ọhan-ilo ne bunbun rẹ han ene ẹbho nan ilo,

Mẹn dẹ lu emhin ọhan-ilo kẹkẹ;

Ẹwanlẹn ki yulu ikpia nesele ne wanlan,

Sẹyẹ, ikpia ne wanlan nesele i da yẹ ha mhọn ilẹn-otọ-emhin.”

Ẹkẹ ebiuki ele da lu iwẹnna nọnsele.

Ele ki ha yọle: “Họla kuẹ daghe mhan?

17 Bhi ẹghe nọn bha yẹ ree nian, a dẹ re Lẹbanọn kiẹn ugbo emekọnọn,

A ki ha ghe ọne ugbo emekọnọn bii ẹgbo.

18 Bhi ọne ukpẹdẹ nin, ene yehọ ki họn ẹmhọn ne ribhi ọne ebe,

Sẹyẹ, ene ruẹlo ki ha daghe. A ki ne ele sibhi ebiuki bi ojobi nin ele rẹ ha ye re.

19 Ene mhọn ẹkẹ-omẹnhiẹn dẹ manman ha ghọnghọn ranmhude Jehova,

Sẹyẹ, ene ibhioguele dẹ ha sọnyẹnmhẹn ranmhude Ọnọn Khiale Ọsi Izrẹl.

20 Ranmhude, ene denyẹnyẹn ẹbho i da yẹ ha ribhọ.

A dẹ fuẹn ene dẹgbọ a,

Sẹyẹ, a ki fuẹn ọrebhe a ne guanọ nin ele wo ha kuan ẹbho.

21 Eria ne re ohoghe sin ẹbho rẹ re ele kiẹn eria ebe, a dẹ yẹ fuẹn ele a.

Ene ke ufi khẹ ọnọn guiẹzọ* bhi igeti ọsi agbaẹbho,

Bi ene khiẹn ẹmhọn an beji a ha da miẹn ghe, a bha bhuohiẹn nọn gbale nin ọria nọn lu nọnsẹn, a dẹ yẹ fuẹn ele a.

“Ẹkhọle i da yẹ ha lo Jekọp,

Sẹyẹ, ẹlo nọnsọle i da yẹ luẹluẹ* a bhi uhọnmhọn.

23 Ranmhude, ọle ha daghe imọn nesọle ne nẹga ọle,

Imọn ne yi iwẹnna obọ nọnsẹmhẹn,

Ọle bi ene imọn nesọle ki ha gẹn elin nọnsẹmhẹn;

Ehe, ele ki ha gẹn Ọnọn Khiale Ọsi Jekọp.

Sẹyẹ, ele ki ha mun ofẹn Osẹnobulua ọsi Izrẹl.

24 Ene ria eria diọbhi ọhan ki dọ ha mhọn ilẹn-otọ-emhin,

Sẹyẹ, ene zaka-zunyọn ki ha miẹn adia ọbhi egbe.”

30 Jehova yọle: “Ọkhọbhegbe hi ọsi ene imọn ne wo bhi uhọnmhọn,

Ne lu emhin nin mẹn bha je ele le,

Ne deba ẹbho kẹkẹ muobọ* arẹmiẹn mẹn bha re obọ ọbhọ,

Beji ele ha da ha lu ba olukhọ nọnsele.

 2 Ele bha nọọn mẹn ebi ele ha khian yẹ, ele kuẹ diọbhi otọ Ijipt,*

Nin ele dọ nẹko bhi enin,

Bhi odotọ ugbega nọnsi Fero.*

 3 Ọkpakinọn, ẹkhọle bha da miẹn bhi ugbega nin bha dọ guanọ bhi obọ Fero,

Sẹyẹ urẹko nin bha dọ rẹko bhi otọ Ijipt, iregbebhunun bha ha miẹn bhọ.

 4 Ekhaẹmhọn nesọle ribhi Zoan,

Sẹyẹ ukọ nesọle sẹbhi Henis.

 5 Ẹkhọle ele rebhe ha miẹn

Bhi obọ ẹbho ne i da sabọ re urẹkpa nin ele,

Ẹbho nan i miẹn urẹkpa la emhin soso bhi obọ ele.

Ẹkhọle bi iregbebhunun, ele ọkpa a miẹn bhi obọ ele.”

Ele muno ẹfe nọnsele ọbhi okhun jaki,

Ele muno emhin nin ele mhọn ọbhi okhun ikẹtẹkẹtẹ,

Ele muno ele rẹkhan otọ nin ọkakale bi ọbalọ ye,

Otọ nin oduman ye, oduman nọn so,

Otọ nin ọbotọ bi ẹnyẹn nọn tin ye, ẹnyẹn ne mhọn obi.

 8 “Bhi ejayenan nian, ha khian, gbẹn ene ẹmhọn ọbhi sileti* bhi isira ele,

Uwẹ ha yẹ gbẹn ọlẹn ọbhi ebe,

Beji a ha da miẹn ọlẹn noo bhi ẹghe odalo,

Nọn ha yi ọsali rẹ ha khian ighegheghe.

 9 Ẹbho ne mhọn akan-ehọ ele khin, imọn nin eku vuọn ele obọ,

Imọn ne bha muegbe rẹ re ehọ ọbhi uhi* nọnsi Jehova.

“Beji a miẹn bha he ọta nọnsẹmhẹn,

Sẹyẹ, bha rẹọ bhi ọta ohoghe bi ọta eku,

Yẹ mun udu nyan ele,

13 Ọne emhin ebe nan nin bha lu dẹ re ibha diabe egbuwa nọn vanọ a,

Egbuwa nọn yoyo nọn vanọ a, nọn yẹ muegbe rẹ siẹn kua.

14 Ọ dẹ guọghọ a beji udede akhe rẹ guọghọ a,

Udede akhe nọn guọghọ a sẹsẹsẹ rẹ sẹbhọ ghe,

Osọnmhẹn ọlẹn i da kẹre nan ha miẹn rẹ gua eranlẹn,

La nan ha rẹ bhanọ amẹn bhi otọ.”*

“Bha dẹ miẹn uhọnmhọn sade bha fikie bu mẹn re yẹ ku egbe ọi;

Bha dẹ miẹn ahu sade ibha bha ha kpokpo egbe bi sade bha mun udu nyan mẹn.”

17 Itue uli* ki ha guọ ranmhude otuọnkpa nọn re ofẹn mun ele,

Bha ki nẹgbe ranmhude itue isẹn ne re ofẹn mun bha,

Rẹ sẹbhọ ghe ene ha kẹre bhi ẹwẹ bha ki dia khere bọsi eran nan re fi ba bhi okhun oke,

Ele ki dia zẹghẹ bọsi eran nan rẹ lu iyaman bhi uke oke.

18 Ọkpakinọn, Jehova wo ziẹngbe khẹ ẹghe nin ọle ha rẹ lu bha nọnsẹn.

Ọle dẹ mhọn itohan da bha.

27 Ghọle, Jehova na bhi eje reele vade,*

Ohu manman ha re ọle, sẹyẹ, udede adudu amẹn nẹga ọle.

Ọle re ohu talọ,

Sẹyẹ, olanmhẹn nọnsọle diabe eranlẹn nọn manman to.

28 Inian ohiẹnhiẹn* nọnsọle diabe ẹdẹ nọn manman nẹ nọn sabọ lọ ọria sẹbhi uru.

Ọle dẹ re ohiẹnhiẹn nọnsọle khankhan ene agbaẹbho kua beji a rẹ re ayọ khankhan iku sibhi emhin re;

Sẹyẹ, ọle ki diẹn iri ene ẹbho bhi agban rẹ re ele ha bibi.

29 Ọkpakinọn, bha dẹ ha so illo beji bha rẹ so illo bhi ọsasọn

Sade bha muegbe* iluemhin nọnsẹbha,

Sẹyẹ, ọkhọle nọnsẹbha ki ha ghọnghọn

Bọsi ọria nọn khue ufele

Beji ọle rẹ khian oke nọnsi Jehova, nin Udo ọsi Izrẹl.

30 Jehova dẹ re ukpurulu nọn khua nọnsọle talọ nin ẹbho họn.

Ọle dẹ re ahu nọnsọle man bọsi eranlẹn nọn manman to,

Bọsi okpamẹn, bi bọsi avan bi esia nọn de,

Beji ọle ha rẹ re ohu re obọ nọnsọle gbehẹ eghian ọlẹn.

31 Ranmhude ukpurulu nọnsi Jehova, ofẹn ki ha mun Asiria,

Ọle ki re ukpokpo rẹ fi Asiria emhin.

32 Jehovah dẹ re obọ nọnsọle khọn Asiria.

Ẹghe rebhe nin Ọle ha rẹ re ukpokpo nọnsọle

Rẹ fi ọle emhin rẹ re oya nanlẹn,

A ki ha khue okede bi afan* rẹkhan ọlẹn.

33 A bhọ mhanmhan eji a ha da fuẹn Asiria fo,*

Ọle bi ojie nọnsọle;

Osẹnobulua si eran ne bunbun koko bhi eje dinmhin yẹ bhiabhia,

Ene eran manman wo bun, iriọ eranlẹn nọn ribhọ ha yẹ rẹ manman ha to.

Ohiẹnhiẹn nọnsi Jehova nọn diabe eranlẹn ọsi sọfọ* nọn nẹ bọsi ẹdẹ,

Ọle da mun eranlẹn ọbhọ.

31 Ọkhọbhegbe hi ọsi ẹbho ne diọbhi otọ Ijipt dọ guanọ urẹkpa,

Ne re udu tẹ akasi,

Ne mun udu nyan awẹnẹwẹnẹ nan rẹ yo okhọnlẹn ranmhude ele bunbun,

Yẹ mun udu nyan akasi* nan rẹ yo okhọnlẹn ranmhude ele mhọn ahu.

Ọkpakinọn, ele bha mun udu nyan Ọnọn Khiale Ọsi Izrẹl,

Sẹyẹ, ele bha dọ guanọ urẹkpa bhi obọ Jehova.

 2 Ọkpakinọn, Osẹnobulua mhọn ẹwanlẹn, bhiriọ ọle dẹ si ọkhọbhegbe ji ele,

Sẹyẹ, ọta nọnsọle i da fikie diọbhi unun nọnsọle.

Ọle dẹ re oya nin eluemhiebe,

Bi ene rẹkpa ene lu olukhọ.

 3 Eria ọkhọnkhan ibhokhan Ijipt khin, ele i yi Osẹnobulua;

Efun akasi nesele khin, ele i yi ẹlinmhin.

Jehova ha niẹn obọ nọnsọle a,

Ọnọn hi ki rẹ khin nọn rẹkpa ọria ki de,

Ọne a rẹkpa ki yẹ de;

Ele rebhe ki re osukpa fuẹn an.

“Beji usasa oduman nọn ziẹnlẹn* rẹ so, beji ọle rẹ so nẹga ebi ọle gbe,

Beji ofẹn i rẹ mun ọlẹn

Aharẹmiẹn ọle họn urulu ọsi usun ọsun-ohuan nan tiele nin ele dọ gbe ọle,

La ha hian ukpudu ranmhude okeke nọnsele,

Iriọ Jehova nọn nyan ene eyokulo ha rẹ vae

Dọ khọn nin Oke Ọsi Zaiyọn bi ene oke ne nẹga ọle.

 8 A dẹ re agbada gbe obhokhan Asiria a, ọkpakinọn, ọne agbada nan ha noo i da ha yi ọsi eria;

Sẹyẹ, a dẹ re agbada giagia ọle a, sokpan, ọne agbada nan ha noo i da ha yi ọsi eria.

Ọle ki nẹgbe ranmhude ọne agbada.

Sẹyẹ, a ki re usẹn ikpia nesọle rẹ ha miẹnsọn oya.

 9 Ọnọn diabe udo rẹji ọle dẹ nẹgbe ranmhude ofẹn nọn mun ọlẹn;

Sẹyẹ, oriri dẹ gbekuọ ekhaẹmhọn nesọle ranmhude ọne oran nan fiba bhi otọ rẹ lu iyaman,” iriọ Jehova tale,

Osẹ nin ẹfua* nọnsọle da bhi Zaiyọn, sẹyẹ, nin eranlẹn nọnsọle manman to bhi Jerusalẹm.

32 Ghọle! Ojie dẹ gbẹloghe bhi uwedẹ nọn khiale.

Ekhaẹmhọn dẹ ha bhuohiẹn nọn gbale beji ele rẹ gbẹloghe.

 2 Ọdeọde bhi ẹwẹ ele ki diabe eji a da rẹko sade ahoho fi,

Bi eji a da rẹko* sade okpamẹn rọ.

Ọdeọde bhi ẹwẹ ele dẹ diabe ẹdẹ nọn ribhi otọ nin amẹn i ye,

Bi ọfu ọsi udede udo nan miẹn bhi otọ nọn ka amẹn an.

 3 Ẹghenin, ẹlo ọsi ene daghe i da gue,

Sẹyẹ, ene họn ẹmhọn ki ha gbehọkotọ nọnsẹn.

 4 Ene i re ẹghe obhi otọ rẹ ria eria dẹ ha ria eria nyan ebi ele luẹle.

Sẹyẹ, ene bẹmhọn* ki sabọ ha talọ nọnsẹn. Ebi ele ta ki yẹ khiakhia bhi ehọ.

 5 A i da yẹ ha tie ọria ebe ọnọn zẹ emhin bhi obọ,

Sẹyẹ, a i da yẹ ha tie ọria nọn lu ebe bha gba ọria nọn nyẹnlẹn nọnsẹn.

 6 Ranmhude, ọria ebe dẹ ta ọta ebe.

Ọle dẹ mhanmhan emhin ne bha gba bhi ọkhọle,

Beji ọle ha da re ẹbho sọtẹ da Osẹnobulua yẹ re ele ta ọta ne bha gba rẹji Jehova.

Sẹyẹ, beji a ha da miẹn ghe, a i da re ebale nin ọne ohanmhẹn gbe,

La, re amẹn nin ọne ohanmhẹn-amẹn gbe.

 7 Emhin ọbe ọria nọn lu ebe bha gba wo mhanmhan;

Ọle ki ha re obọ bhi emhin ne bha gba,*

Beji a ha da miẹn ghe, a ki re ohoghe sin obhioguele nọn ribhi ọbalọ,

Aharẹmiẹn ẹmhọanta ọne obhioguele tale.

 8 Ọkpakinọn, ọ yẹẹ ọria nọn zẹ emhin bhi obọ rẹ ha lu ẹsele,

Sẹyẹ, ọ dọnmhegbe rẹ wo ha zẹ emhin bhi obọ.

10 A ha gbera ukpe ọkpa khere, ibha nin emhin i rẹtẹ ki ha guọ,

Rẹ na bhi ẹghe nan ha rẹ munhẹn ha rọ emhin ugbo, re dọ sẹbhi ẹghe nan ha rẹ rọ emhin ugbo fo, bha i da miẹn emhin ugbo soso rọ.

Bha banọn ikpọn sibhi egbe re,

Bha ha yẹ re ukpọn-akhiẹ gba akun.

12 Bha ha gbono obọ bhi udu rẹ viẹ oya

Ranmhude ebe sunu ji ugbo nesẹbha ne manman biẹ ebale, bi ugbo eran anyọn nesẹbha ne manman mọn ikpẹ.

13 Igbẹn bi ikhiakhiọ ki vuọn otọ ọsi ẹbho nesẹmhẹn;

Ele ki vuọn ene uwa rebhe nan da sọnyẹnmhẹn,

Ehe, ele ki vuọn ọne agbaẹbho nan da dujie.

14 A mun ọne uwa nọn yoyo nan manman gbega fia;

Ẹbho i yẹ nyẹnlẹn bhi ọne agbaẹbho nan da rẹ ha kpokeke,

Ofẹl* bi uwa nan da khẹ ughe kiẹn eji a mun fia sẹsẹsẹ.

Sẹyẹ, ọ kiẹn eje yẹẹ jaki nan miẹn bhi ẹwẹ da ha kọn

Bi otọ nin ihuan da kọn.

15 Iriọ ọ da wo ha ye rẹ dọ sẹbhi ẹghe nin Osẹnobulua ha rẹ biri ẹlinmhin nọnsọle nyan mhan,

Ẹghe nin ojẹgbo ha rẹ kiẹn ugbo emekọnọn,

Sẹyẹ, a ki ha ghe ọne ugbo emekọnọn bii ẹgbo.

16 Ẹghenin, a ki ha bhuohiẹn nọn gbale bhi ọne ojẹgbo,

Sẹyẹ, ikhiale ki gba ijerebhe bhi ọne ugbo emekọnọn.

17 Ọfure ki gba ijerebhe ranmhude ghe ẹbho lu ebe gbale,

Sẹyẹ, ugbega bi ọfubhegbe nọn i da fo ghẹdẹ ki ha ribhọ ranmhude ẹbho lu ebe gbale.

18 Ẹbho nesẹmhẹn dẹ ha nyẹnlẹn bhi eje fure,

Ije kẹkẹ ne mhọn ugbega, bi ije kẹkẹ ne fu bhi egbe nan da koahu a.

19 Ọkpakinọn, a dẹ re esia riia ọne ẹgbo a,

Sẹyẹ, a ki dunmhun ọne agbaẹbho sotọ sẹsẹsẹ.

20 Eghọnghọn hi ọsi bha ne kọ emhin ọbhi egbe ẹdẹ rebhe,

Ibha ne ji ogho-ẹmena bi jaki nesẹbha da ha ribhi ugbo.”

33 Ọkhọbhegbe hi ọsi uwẹ nọn gbono ẹbho a, sokpan, a bha sẹ gbe uwẹ a;

Uwẹ nọn hiẹ ẹbho, sokpan, a bha sẹ hiẹ uwẹ!

Re obọ nọnsẹ rẹ ha re iyobọ nin mhan ọsewewiẹ-ọsewewiẹ,

Ehe, ha yi umiẹnfan nọnsẹmhan bhi ẹghe ọkakale.

 4 Beji iriso rẹ vẹ ru emhin, iriọ ẹbho ha rẹ vẹ ru emhin ne ghanlẹn nesẹ;

Ẹbho ki ha hulu ele beji usun iriso rẹ hulu emhin.

 5 Jehova dẹ manman hẹn usi.

Eje yoyo bhi okhun ọle da nyẹnlẹn.

 6 Ọle hi ọnọn gbega iẹnlẹn* nọnsẹ,

Ọle hi ọnọn re umiẹnfan nọn khua re. Ọle hi ọnọn re ẹwanlẹn bi ilẹnmhin nin ọria, yẹ re ẹbho ha mun ofẹn Jehova.

Ọnan hi emhin nọn ghanlẹn nọnsọle.

 7 Ghọle! ikpia ne mhọn izebhudu bhi ẹwẹ ele* viẹ bhi ughe;

Ene ukọ nan je ne dọ khu ọbhi ọfure wo ha viẹ.

 8 Ene ukhuo fiahiẹ a;

Ọsoso i yẹ na ene ukhuo gbera.

Ọle* sa ọne akovẹn an;

Ọle he ene agbaẹbho;

Ọria soso bha sẹ emhin soso bhi ẹlo nọnsọle.

Sharọn diabe ugbenẹbubu,

Sẹyẹ, eran ne ribhi Beshan bi Kamẹl khakha ebe kua.

10 Jehova yọle, “Bhi ejayenan nian, mẹn dẹ lu emhin,

Mẹn dẹ re ahu nọnsẹmhẹn man;

Mẹn dẹ rẹman ghe Osẹ nọn khua men khin.

14 Ofẹn mun ene lu emhin ebe ne ribhi Zaiyọn;

Ene sọtẹ da Osẹnobulua guọ, ele yọle:

15 Ọnọn wo lu emhin nọn khiale ẹghe rebhe,

Nọn ta ẹmhọanta, nọn i guanọ elele ọsi ohoghe bi elele ọsi eku,

Nọn i ka re obọ so ebi a re nanlẹn bhi ikeke,

Nọn i re ehọ ọbhi ẹmhọn ọsi ugbele,

Sẹyẹ, nọn gue ẹlo nọnsọle

Beji a ha da miẹn ọle bha daghe emhin ebe.

16 Ọle dẹ ha nyẹnlẹn bhi okhun oke;

Otọ udo-udo nọn i lẹkhẹ nan rẹ na i ọle da mhọn eji ọle da rẹko,

Ebale i da ha tuẹ ọle,

A i da miẹn ọle bha miẹn amẹn wọn.”

17 Ẹlo nọnsẹ dẹ daghe ojie nọn mhọn uyi,

Ọ dẹ daghe otọ nọn ribhi eje reele.

19 Uwẹ i da yẹ ha miẹn eria ne siegbe okhun,

Ẹbho nan i sabọ lẹn otọ urolo* nin ele zẹ,

Ẹbho nin ọta nọnsele diabe ọta ọsi ẹbho ne bẹmhọn, nan i sabọ lẹn otọ ebi ele ta.

Uwẹ dẹ daghe ọle ghe, eje fu nan da nyẹnlẹn Jerusalẹm khin,

Ibọkpọ nan i da mun sibhi eji ọ ye re.

Ẹghe i ribhọ nan ha rẹ banọn ene ise kie nan rẹ khan ọne ibọkpọ,

Sẹyẹ, a i da giagia uri nesọle soso a.

21 Bhi enin, Jehova Nin Osẹ Nọn Kpọnọ Nẹ ki ha gbega mhan,

Beji ẹdẹ bi eje bhiabhia nan zẹ nin amẹn nọn ribhi ẹdẹ ha nẹ na rẹ gbega agbaẹbho,

Nin okọ nan rẹ yo okhọn i sabọ na i,

Bi nin udede okọ i sabọ na gbera.

22 Ranmhude, Jehova hi Ọbhuohiẹn nọnsẹmhan.

Jehova hi Ọnọn re uhi nin mhan.

Jehova hi Ojie nọnsẹmhan.

Ọle hi Ọnọn ha hinmhin mhan.

23 Uri ọsi ene okọ ọsi eghian ele dẹ tanọn an;

Ọ i da sabọ mun eran* ọsi ọne okọ mhọnlẹn, la tan ukpọn* ọsi ọne okọ a.

Bhi ọne ẹghenin, ele ki gha emhin ne bunbun ọsi eghian ele,

Ene bunbun bhi ene emhin ki yẹ sẹ ene akhun obọ.

34 Ene agbaẹbho, bha vae dọ ka mẹn ehọ,

Ẹbholo, bha gbehọkotọ.

Ji otọ bi emhin rebhe ne ribhọ kaehọ,

Otọ bi emhin rebhe ne nyẹnlẹn bhọ.

 2 Ẹkẹ ene agbaẹbho rebhe khọ Jehova,

Sẹyẹ, ẹkẹ eyokhọnlẹn nesele rebhe khọ ọle;

Ọle dẹ fuẹn ele;

Ọle dẹ ji a da gbono ele a.

 3 A dẹ muno ene a gbono a bhi ẹwẹ ele kua,

Olinmhin nọnsele ki ha ya bhi ijerebhe;

Sẹyẹ, aranlẹn nọnsele ki sọkọ ene oke rebhe a.*

 4 Eyokhọnlẹn rebhe ne ribhi okhun ki wea,

Sẹyẹ, a ki khi okhun beji a rẹ khi ebe nan khili.

Eyokhọnlẹn rebhe nesele ki khakha kua,

Beji ebe nọn kaka rẹ khakha kua bhi eran anyọn,

Bi beji ikpẹ fig nọn sin-sin an rẹ de sibhi eran nọnsọle re.

Mẹn dẹ re ọne agbada re oya nin Idọm bhi ẹghe nin mẹn ha rẹ bhu ọle ohiẹn,

Idọm nin agbaẹbho nin mẹn muegbe rẹ fuẹn an.

Abhii elanmhẹn dẹ vuọn ọlẹn,

Aranlẹn ọsi ẹbhe bi usasa ogho-ohuan dẹ vuọn ọlẹn,

Sẹyẹ, abhii ọsi ikpakiẹn ọsi ihuan dẹ vuọn ọlẹn.

Imẹn nin Jehova mhọn izọese nin mẹn ha lu bhi Bọzra,

Imẹn dẹ manman gbono elanmhẹn an bhi otọ Idọm.

 7 A dẹ yẹ gbono ogho-ẹmena ẹwẹ ba ele,

Ene usasa ogho-ẹmena bi ene wanre,

Aranlẹn ki vuọn otọ ọsi Idọm,

Sẹyẹ, abhii ọsi ene elanmhẹn ki lọ ọne otọ.”

 8 Ranmhude Jehova mhọn ẹdẹ nin ọle rẹyi nin ọle ha rẹ sọikhi,

Ukpe nin ọle ha rẹ re obọ mun ene lu Zaiyọn khọ.

 9 Ẹdẹ nesọle* dẹ kiẹn ikota,

Otọ nọnsọle dẹ kiẹn udo nọn to,*

Sẹyẹ, otọ nọnsọle ki diabe ikota nọn to.

10 Ọne eranlẹn ki wo ha to asọn bi odanmhẹn,

Ighogho nọnsọle ki ha zẹ diọbhi okhun rẹ ha khian ighegheghe.

Beji a rẹ dunmhun ọlẹn an ọ da ha ye rẹ na ore rẹ sẹbhi ore;

Ọria soso i da na enin gbera ghẹdẹ.

11 Ọne otọ ki kiẹn ọsi ọkhanlẹn bi afianmhẹn natiọle pẹlikan,*

Sẹyẹ, ikpẹkpughu nin ehọ nesele tantan bi akhuankhuan ki ha nyẹnlẹn bhọ.

Ọle dẹ re uri bi ebi a rẹ dia emhin* rẹ mhaan ọne otọ, nin ọle rẹ rẹman ghe, emhin soso i da kẹre bhi ọne otọ,

Sẹyẹ, a dẹ dunmhun ọlẹn an.

12 A i da re okpọria soso bhi ẹwẹ ele kiẹn ojie,

Sẹyẹ, ekhaẹmhọn nesọle rebhe i da yẹ ha ribhọ.

13 Igbẹn dẹ jẹre bhi uwa ne yoyo ne yẹ ziẹnlẹn ne ribhọ,

Igbẹn bi ikhiakhiọ ki yẹ jẹnẹ vuọn uwa ne ziẹnlẹn ne ribhọ.

Ọ ki kiẹn uwa ọsi elanmhẹn natiọle oriẹ,*

Bi eji afianmhẹn natiọle ọstrich* da nyẹnlẹn.

14 Elanmhẹn nan miẹn bhi otọ ugbẹnẹbubu bi awa-ẹwẹ ki ha nyẹnlẹn bhi enin,

Sẹyẹ, ẹbhe-ẹwẹ* ki ha tie ibo ọle bhi enin.

15 Ẹnyẹn ki ha nyẹnlẹn bhi enin yẹ họ bhọ,

Ọ ki gbe ene ẹkẹn bhi enin yẹ ha gbega ene imọn.

Ọsoso i da yulua bhi ẹwẹ ele;

Ọsoso i ribhọ nọn i da ha mhọn ọzeva,

Jehova hi ọnọn yọle nin emhin re inian sunu,

Ẹlinmhin nọnsọle ọle rẹ si ele koko.

17 Ọle hi Ọnọn mhanmhan ebe ha sunu ji ele,

Sẹyẹ, ọle re obọ nọnsọle mhaan ije kẹkẹ nin ele ha dia i,*

Enin dẹ kiẹn ọsi ele rẹ ha khian ighegheghe;

Ele dẹ ha nyẹnlẹn bhọ rẹ na ore rẹ sẹbhi ore.

35 Ọne ojẹgbo bi ọne otọ nọn ka amẹn an ki ha dujie,

Ọne otọ ugbẹnẹbubu ki ha sọnyẹnmhẹn, sẹyẹ, ọ ki kiẹn otọ nin aroro* ne mhọnse a vuọnlẹn.

 2 Emhin ne ribhi ọne otọ dẹ wo ha lu nọnsẹn,

Ọne otọ ki ha ghọnghọn yẹ re eghọnghọn so dagbare.

A ki mun uyi ọsi Lẹbanọn nanlẹn,

A ki yẹ mun ose ọsi Kamẹl bi ọsi Sharọn nanlẹn.

 3 Ziẹn ene obọ ne wẹghẹ a,

Sẹyẹ, mun ene iguẹn-oẹ ne guọ ziẹn.

Ghọle! Osẹnobulua nọnsẹbha dẹ vae dọ sọikhi,

Osẹnobulua dẹ vae dọ re oya nin ene lu bha khọlọ.

 5 Ẹghenin, ene ruẹlo ki ha daghe,

Sẹyẹ, ene yehọ ki ha họn ẹmhọn.

 6 Ẹghenin, ene akhun ki ha san-yo-san-re bii ẹruẹ,

Sẹyẹ, ene odin* ki re eghọnghọn ha so dagbare.

Amẹn ki vẹ dagbare bhi ẹkẹ ojẹgbo.

Sẹyẹ, ikuẹkuẹ ẹdẹ ki ha ribhi otọ ugbẹnẹbubu.

 7 Ọne otọ nin ovuẹn vanọ a ki kiẹn odighi nin ilunmhun ye,

Sẹyẹ, ọne otọ nọn ka amẹn an ki kiẹn eji amẹn da nẹ dagbare.

Ilunmhun, ọgọdọgbọ, bi ilunmhun ne dia iriọ

Ki jẹnẹ re bhi eji elanmhẹn natiọle oriẹ* da nyẹnlẹn.

 8 Ukhuo dẹ ha ribhi enin,

Ehe, ukhuo natiọle Uwedẹ Ọsi Ikhiale.

Ọnọn khian bhi ọne uwedẹ a lu ọle khẹ;

Uhuki soso i da bibi nabhọ.

 9 Oduman i da ha ribhi enin,

Sẹyẹ, elanmhẹn soso ne tuakọn i da ha ribhi enin.

A i da miẹn ele bhi enin;

Ẹbho nan dẹkiere ọkpa da ha khian bhọ.

Ele ki wo ha dujie yẹ sọnyẹnmhẹn,

Eviẹ bi akhiẹ ki siegbe kie.

Họla uwẹ si urulu okhun ha ne talọ?

Họla uwẹ ghe kọnyọọn?

24 Uwẹ da je eguọmhandia nesẹ re nin ele dọ ha re unun ji mẹn nin Jehova, yẹ yọle,

‘Mẹn dẹ noo awẹnẹwẹnẹ nesẹmhẹn ne bunbun nan rẹ yo okhọnlẹn

Rẹ hẹn oke ne yo nẹ

Ne ribhi Lẹbanọn.

25 Mẹn dẹ tọnọ omin yẹ wọn amẹn;

Mẹn dẹ re atata-oẹ nesẹmhẹn rẹ ka ẹdẹ* ne ribhi Ijipt a.’

27 Ene nyẹnlẹn bhọ i da sabọ lu emhin soso;

Ofẹn ki ha mun ele, sẹyẹ, a ki re ẹkhọle lu ele a.

Ele ki diabe ilunmhun bi emhin nan kọ bhi ugbo,

Sẹyẹ, ele ki diabe ilunmhun ne jẹre bhi okhun uwa, nin ahoho* nọn na bhi obọ ọsi isti* vae kaka a.

28 Mẹn lẹn ẹghe nin uwẹ rẹ dotua, ẹghe nin uwẹ rẹ dagbare, bi ẹghe nin uwẹ rẹ fikiere,

Sẹyẹ, mẹn lẹnmhin sade ẹkẹ mẹn khọ uwẹ,

29 Ranmhude, mẹn họn ghe uwẹ so-yo-so-re yẹ re ohu mẹn.

Bhiriọ, mẹn dẹ fi agbede* uwẹ bhi ihue, yẹ diẹn iri* nọnsẹmhẹn bhi ikpabunun nọnsẹ,

Sẹyẹ, mẹn ki dia uwẹ fikie rẹkhan uwedẹ nin uwẹ na vae.”

“Ọle i da nabhi ẹkẹ ọne agbaẹbho nan,

La fi ufẹnmhẹn ọbhọ,

La mun ugue nan rẹ yo okhọn re bhọ,

La bọn emhin rẹ hẹn okhun ogbe mun okhọn bu ọle.”’

34 ‘Beji ọle rẹ vae, iriọ ọle ha yẹ rẹ fikie;

Ọle i da nabhi ẹkẹ ọne agbaẹbho nan.’ Iriọ Jehova tale.

35 ‘Mẹn dẹ gbega ọne agbaẹbho nan yẹ hinmhin ọlẹn ranmhude elin nọnsẹmhẹn

Bi ranmhude Devid nin ọguọmhandia nọnsẹmhẹn.’”

10 Mẹn da yọle: “A dẹ re mẹn tọ,*

Bhi ẹghe nin mẹn bha sẹ rẹ dọmanlẹn.

Mẹn i da yẹ ha ribhi ẹwẹ ẹbho ne nyẹnlẹn beji mẹn ha da miẹn umhẹnmhin ọsi Jah.

Mẹn i da yẹ ha daghe agbọn bhi ẹghe nin mẹn ha rẹ ha ribhi eji a i da nyẹnlẹn.

12 Iẹnlẹn nọnsẹmhẹn diabe ibọkpọ ọsi ọsun-ohuan nan wo re osukpa siẹn sotọ,

Yẹ mun kpanọ.

Mẹn nyẹn iẹnlẹn nọnsẹmhẹn sotọ, bọsi ukpọn nin ọria nọn fi ukpọn fi fo;

Ọle hian mẹn fia bọsi olu nọn ribhi ehọ-ehọ ukpọn nan fi fo.

Ọle wo ha guọghọ mẹn uguẹ a beji oduman re guọghọ elanmhẹn uguẹ a;

Ọle wo gbe mẹn rie rẹ na ọsewewiẹ rẹ sẹbhi ọsemuan.

14 Inian mẹn ki so fiẹn-fiẹn bọsi afianmhẹn;*

Inian mẹn ki rẹ ha so bọsi idulu.

‘Eo Jehova, egbe i yẹ ri mẹn bhọ;

Rẹkpa mẹn!’

Mẹn dẹ wo ha degbere bhi ẹdagbọn iẹnlẹn nọnsẹmhẹn rebhe,

Ranmhude ọkakale nin mẹn miẹn bhi egbe.

16 ‘Eo Jehova, ene emhin nan* zẹle nin ẹbho rebhe da nyẹnlẹn,

Sẹyẹ, ele zẹle nin mẹn da nyẹnlẹn.

17 Ghọle! Ẹghe bha fu mẹn re, mẹn da manman wo ha ribhi ọbalọ;

Ọkpakinọn, ranmhude ẹmhọn mẹn ti uwẹ bhọ,

Uwẹ da hinmhin mẹn bhi obọ uu.

18 Ene ribhi Idin* i da sabọ rolo ẹ,

Ene yu i da sabọ re ogẹn ji uwẹ.

19 Ene nyẹnlẹn ọkpa sabọ gẹn uwẹ,

Beji mẹn yẹ rẹ gẹn uwẹ ẹlẹnan nian.

20 Eo Jehova, hinmhin mẹn,

Bhiriọ, bhi ẹdagbọn iẹnlẹn nọnsẹmhan rebhe,

Mhan ki ha so illo nọnsẹmhẹn yẹ khue emhin ọbhọ bhi uwa nọnsi Jehova.’”

 2 Ta ọta nọn ha ko Jerusalẹm udu re,

Sẹyẹ, taman ọlẹn ghe iloya nọnsọle folo,

Ghe, a haosa olukhọ nọnsọle.

 4 Lan ene iyala rebhe,

Yẹ tọ ene oke rebhe sotọ.

A dẹ riẹ-riẹ ọne otọ nọn bha riẹ-riẹ,

Sẹyẹ, a dẹ re eje bha riẹ-riẹ kiẹn otọ nọn manman riẹ-riẹ.

 5 A dẹ re uyi nọnsi Jehova man,

Sẹyẹ, ọrebhe dẹ kugbe daghe ọle.

Jehova tobọle re unun nọnsọle tale.”

 7 Ene ilunmhun yuno,

Sẹyẹ ene eghọn kaka a,

Ranmhude ohiẹnhiẹn* nọnsi Jehova rẹso ele.

 8 Ene ilunmhun yuno,

Sẹyẹ, ene eghọn kaka a,

Sokpan, ọta nọnsi Osẹnobulua nọnsẹmhan dẹ ha ribhọ rẹ ha khian ighegheghe.”

 9 Uwẹ nin okhuo nọn re ọta nọn mhẹn re bhi Zaiyọn,

Diọbhi oke nọn manman yoyo.

Uwẹ nin okhuo nọn re ọta nọn mhẹn re bhi Jerusalẹm,

Re ahu si uru okhun.

10 Ghọle! Jehova Nin Ebeanlẹn Nọn Ke Okhun Nẹ dẹ vae dọ re ahu nọnsọle man.

Ọle dẹ re obọ nọnsọle gbẹloghe.

Ghọle! Ọle mhọn ebi ọle ha rẹ re ihaosa nin ẹbho,

Sẹyẹ, ọle muegbe nin ọle rẹ re ihaosa nin ẹbho.

Ọle dẹ re obọ nọnsọle rẹ si ene ihuan koko,

Sẹyẹ, ọle dẹ mun ele khua bhi udu.

12 Họla sẹ sabọ mun amẹn rebhe ne ribhi okpẹdẹ mhọn bhi obọ nọnsọle,

Yẹ re atata-obọ* nọnsọle rẹ mhaan okhun?

Họla sẹ sabọ re emhin mhaan ekẹn rebhe ne ribhi otọ,

La re ene emhin nan rẹ mhaan emhin rẹ mhaan ene oke rebhe

Nin ọle rẹ lẹn ebi ele khua sẹ yẹ?

13 Họla sẹ sabọ mhaan* ebi ẹlinmhin nọnsi Jehova kpọnọ sẹ yẹ?

Họla ha sabọ re adia nanlẹn bọsi ghe ọle hi ọnọn re ibhude nanlẹn?

14 Ọria nela ọle bu nọn rẹkpa ọle rẹ lẹn otọ emhin?

La ọria nela man ọlẹn ebi a rẹ bhuohiẹn nọn gbale yẹ?

Ọria nela man ọlẹn emhin?

Sẹyẹ, ọria nela man ọlẹn ebi ọle ha rẹ sabọ ha mhọn ilẹn-otọ-emhin ọsaje yẹ?

15 Ghọle, inian ene agbaẹbho diabe ikpamẹn nọn defia bhi bọkẹti.

Sẹyẹ, inian ele diabe ẹbubu nọn ribhi uke ebi a rẹ mhaan emhin.

16 Eran rebhe ne ribhi Lẹbanọn bhọ bha sẹ nan rẹ fie eranlẹn.

Sẹyẹ, ene elanmhẹn ẹwẹ rebhe ne ribhọ bha sẹ nan rẹ zọese.

17 Rẹji ọle, inian ene agbaẹbho rebhe diabe emhin nọn i ribhọ;

Sẹyẹ, ọle ghe ele bii ebe bha sẹ emhin soso, bọsi emhin ihoho.

19 Ọria nọn man emhin man amanzẹ,

Ọnọn lu iwẹnna ojogun re igolu ra ọle,

Sẹyẹ, ọle re isiliva lu ileghe rẹ ho ọle ose.

20 Ọle zẹ eran nin ọle ha rẹ zọese,

Eran nọn i da wea.

Ọle da guanọ ọria nọn guẹ ebi a rẹ re eran kanọ emhin yẹ,

Nọn kanọ amanzẹ mundia nọnsẹn beji a ha da miẹn ọ bha de.

22 Ọria ribhọ nọn nyẹnlẹn bhi eje yo nẹ ọne otọ nan nọn dia kholobo,*

Sẹyẹ, inian ẹbho ne nyẹnlẹn bhi ọne otọ nan diabe tete.*

Ọle taan ene okhun an bọsi ukpọn nọn dia fẹghẹ-fẹghẹ,

Sẹyẹ, ọle taan ele a bọsi ibọkpọ nan da nyẹnlẹn.

23 Ọle re ene ribhi ihe nọn khua kiẹn ene bha yẹ sẹ emhin soso.

Sẹyẹ, ọle re ene bhuohiẹn* bhi ọne otọ nan kiẹn ihoho.

24 Ọ bha sẹ bue nan kọ ele,

Ọ bhọ bha sẹ kẹ ele rẹ jẹre nọnsẹn,

Iniẹn nọnsele bha sẹ fi mun otọ,

Ahoho da fi nyan ele, yẹ kaka ele a,

Sẹyẹ, ọne ahoho da hoho ele kua bọsi ilunmhun ne kaka a.

Ọnọn ne ele dagbare bọsi eyokhọnlẹn, yẹ ka ele;

Ọle tie ọdeọde bhi ẹwẹ ele elin nọnsele.

Ranmhude ọle manman mhọn ahu, sẹyẹ ahu nọnsọle gboriri,

Ọsoso i ribhọ nọn yulua bhi ẹwẹ ele.

27 Eo Jekọp, bezẹle nin uwẹ da yọle, ‘Jehova i daghe ebe sunu bhi iẹnlẹn nọnsẹmhẹn,

Sẹyẹ, imẹn i miẹn ibhuohiẹn nọn gbale bhi obọ Osẹnobulua’?

Eo Izrẹl, bezẹle nin uwẹ da ta iriọ?

29 Ọle re ahu nin ọne egbe lọle,

Yẹ re ahu nin ene ahu fo ele bhọ.

30 Ahu dẹ fo usẹn ikpia bhọ, egbe dẹ lọ ele,

Sẹyẹ, usẹn ikpia dẹ dua oẹ yẹ de,

31 Ọkpakinọn, ene mun udu nyan Jehova, ahu dẹ do ele bhọ.

Ele dẹ runẹ, sokpan ahu i da fo ele bhọ;

Ele dẹ khian, sokpan egbe i da lọ ele.”

41 Ibha nin agbaẹbho nin ẹdẹ nẹga, “Bha koko unun, bha ha yẹ ka mẹn ehọ;

Ene agbaẹbho, bha re ahu koko.

 2 Họla zẹ ọria bhi obọ nin oẹnlẹn da hẹnre,*

Yẹ tie ọle vae bhi eji Ọle ye,* beji ọle ha da re ọle bhuohiẹn nọn gbale,

Beji ọle ha da ne ene agbaẹbho ọle bhi obọ

Yẹ re ahu nanlẹn rẹ khọn ene ijie miotọ?

Họla re agbada nọnsọle rẹ gbono ele kuọbhi otọ,

Yẹ re uhẹn nọnsọle rẹ zan-zan ele a bọsi iku nin ahoho hoho kua?

 3 Ọle da khu ele na odẹ kẹkẹ nin ọle bha sẹ ka na khẹ,

Emhin soso bha de ọle idobolo.

 4 Iwẹnna ọsi ọria nela khọnan? Họla lu ọnan?

Họla na bhi ẹghe umunhẹn ha tie ene ore kẹkẹ?

Imẹn nin Jehova, imẹn hi Osẹnobulua rẹ na bhi ẹghe umunhẹn;

Iriọ mẹn da yẹ ha ye rẹ dọ sẹbhi ore ne kike.”

 6 Ọdeọde da ha rẹkpa ibo ọle

Yẹ taman egbe yọle: “Deziẹn.”

 7 Bhiriọ, ọnọn kanọ emhin da ha re izebhudu nin ọnọn lu iwẹnna ojogun;

Ọnọn re umọnmọn* gbe emantọn nọn dia para

Da ha re izebhudu nin ọnọn re umọnmọn kuẹn emantọn re bhi uke emantọn.

 8 “Ọkpakinọn, ọguọmhandia nọnsẹmhẹn uwẹ khin, Izrẹl,

Eo uwẹ nin Jekọp nin mẹn zẹle,

Nin ọmọn ọsi Ebraham nin ọmọẹ mẹn,

 9 Uwẹ nin mẹn dọ riere bhi eje reele bhi uke otọ,

Sẹyẹ, uwẹ nin mẹn tatie bhi eje ree nẹ bhi otọ.

Mẹn da taman uwẹ yọle, ‘Ọguọmhandia nọnsẹmhẹn uwẹ khin;

Mẹn zẹ uwẹ; mẹn bha he uwẹ.

Mẹn dẹ re uwẹ deziẹn, ehe, mẹn dẹ rẹkpa uwẹ.

Mẹn dẹ gene re obera nọnsẹmhẹn nọn khiale mun uwẹ mhọnlẹn.’

12 Uwẹ ki guanọ ikpia ne ne uwẹ gbe egbe, ọkpakinọn, uwẹ i da miẹn ele.

Ene ikpia ne ne uwẹ khọnlẹn ki diabe emhin ne i nyẹnlẹn, ele ki de ihoho a.

13 Ranmhude, imẹn nin Jehova nin Osẹnobulua nọnsẹ, mẹn mun uwẹ obera mhọn,

Imẹn hi ọnọn taman uwẹ yọle, ‘Hẹi ji ofẹn mun uwẹ, mẹn dẹ rẹkpa uwẹ.’

14 Hẹi ji ofẹn mun uwẹ, uwẹ nin Jekọp nin ukpọkhọle,*

Ibhokhan Izrẹl, mẹn dẹ rẹkpa bha.” Iriọ Jehova nọn dẹ bha kiere, nin Osẹ Nọn Khiale Ọsi Izrẹl tale.

15 “Ghọle! Mẹn re uwẹ kiẹn udede kpatako* nan rẹ luọluọ emhin ugbo,*

Udede kpatako ọsọgbọn nin akọn nesọle manman wo mun.

Uwẹ dẹ gbe ene oke sotọ yẹ duẹduẹ ele a,

Sẹyẹ, uwẹ ki hoho ene ikuẹkuẹ oke kua bọsi iku.

16 Uwẹ ki hoho ele,

Bhiriọ, ahoho ki muno ele;

Okpahoho ki zagha ele kua.

Uwẹ ki ha ghọnghọn ranmhude Jehova,

Sẹyẹ uwẹ ki re Ọnọn Khiale Ọsi Izrẹl ha dẹgbọ.”

18 Mẹn ki lu ọle nin ẹdẹ ha nẹ bhi okhun oke ne kpakpa a,

Sẹyẹ, nin ikuẹkuẹ ẹdẹ ha ribhi ene iyala.

Mẹn ki re ojẹgbo kiẹn odighi nin ilunmhun vuọn,

Yẹ re otọ nin amẹn i ye kiẹn eji ikuẹkuẹ ẹdẹ ye.

19 Mẹn dẹ gbọ eran sida,*

Eran akesha,* eran mato,* bi eran paini* ọbhi otọ ugbẹnẹbubu.

Sẹyẹ, mẹn dẹ gbọ eran junipa,*

Eran ashi,* bi eran saiprẹs* kugbe ọbhi otọ ugbẹnẹbubu,

20 Beji ọrebhe ha da daghe ọle yẹ lẹn ọnan,

Beji ele ha da gbẹlokotọ yẹ lẹn otọle nọnsẹn, ghe,

Obọ nọnsi Jehova lu ọnan,

Sẹyẹ, Ọnọn Khiale Ọsi Izrẹl lu ọle.”

Bha ha yẹ taman mhan emhin ne ha sunu bhi ẹghe odalo,

Nin mhan ria eria nyan ele yẹ lẹn ebe ha nabhọre.

23 Bha taman mhan ebe ha sunu bhi ẹghe odalo,

Beji mhan ha da lẹn ghe osẹ bha khin.

Ehe, bha lu emhin, ọ ha rẹ ha yi emhin esili la emhin ebe,

Beji a ha da miẹn ghe, ọ ki han mhan ilo sade mhan daghe ọle.

24 Ghọle! Emhin nọn i nyẹnlẹn bha khin,

Sẹyẹ, ihoho emhin nin bha sẹ lu khin.

25 Ọria ribhọ nin mẹn zẹle bhi obọ ọsi nọt,* ọle dẹ vae,

Ọne imẹn zẹle bhi obọ nin oẹnlẹn da hẹnre dẹ ha tie elin nọnsẹmhẹn,

Ọle ki re oẹ nunu ẹbho ne gbẹloghe bọsi ghe ekẹn ele khin,

Bọsi ekẹn nọn khuẹrẹ nin ọria nọn re ekẹn man emhin re oẹ rino.

26 Họla ka ta ọne ẹmhọn nan bhi ẹghe nan rẹ munhẹn, beji mhan ha da lẹn,

La bhi ẹghe nọn gbera, beji mhan ha da sabọ yọle, ‘Ẹmhọanta ọle tale’?

28 Ọkpakinọn, mẹn da gbẹlokotọ, sokpan mẹn bha miẹn ọsoso;

Ọsoso bha ha ribhi ẹwẹ ele nọn ha sabọ bhu ọria ude;

Mẹn re ẹlinmhin nọnsẹmhẹn nanlẹn;

Ọle dẹ mun ibhuohiẹn nọn gbale re bhi ene agbaẹbho.

 2 Ọle i da so dagbare la ha si urulu okhun,

Sẹyẹ, a i da họn urulu nọnsọle bhi ughe.

 3 Ukpilunmhun nọn khuẹn ghẹghẹ, ọle i da nunu ọle a,

Sẹyẹ, ukpa nọn khian wẹ a, ọle i da fun ọlẹn an.

 4 Egbe i da lọ ọle, sẹyẹ, ahu i da fo ọle bhọ, rẹ sẹbhi ẹghe nin ọle ha rẹ mun ibhuohiẹn nọn gbale re bhi otọ;

Ẹbho ne nyẹnlẹn bhi ene otọ nin ẹdẹ nẹga wo khẹ uhi* nọnsọle.

 5 Ọnan hi ebi Jehova nin Osẹnobulua ọsi ẹmhọanta tale,

Osẹnobulua nọn man okhun, Osẹ Nọn Khua nọn taan ọlẹn an,

Ọnọn man otọ bi emhin ne ribhọ,

Ọnọn zẹle nin ẹbho ne nyẹnlẹn bhi otọ da hiẹnhiẹn,

Nọn yẹ re ohiẹnhiẹn nin ene khian nẹga bhọ:

 6 “Imẹn nin Jehova nọn lu emhin bhi uwedẹ nọn gbale, imẹn hi ọnọn zẹ uwẹ;

Imẹn mun uwẹ obọ mhọnlẹn.

Imẹn dẹ gbega uwẹ. Uwẹ dẹ ha yi akovẹn rẹji imẹn bi ene ẹbho.

Uwẹ dẹ ha yi ẹfua rẹji ene agbaẹbho,

 7 Beji uwẹ ha da taan ẹlo ọsi ene ruẹlo a,

Yẹ mun onighan sibhi ighan re;

Beji uwẹ ha da ne ene dotua bhi ighan nọn manman so ebiuki a sibhi ẹkẹ ọle re.

 8 Imẹn hi Jehova. Ọnin hi elin nọnsẹmhẹn;

Mẹn i re uyi nọnsẹmhẹn nin ọria ọbhebhe,*

Mẹn i da re ogẹn nọnsẹmhẹn nin ene amanzẹ nan kanọ.

 9 Ghọle, emhin nin mẹn tale bhi ẹghe nọn reele munsẹ;

Ejayenan nian, emhin ọgbọn mẹn ki wewe.

10 Bha so illo ọgbọn ji Jehova,

Bha gẹn ọlẹn bhi otọ agbọn rebhe,

Ibha ne gua okọ na okpẹdẹ, bi emhin rebhe ne nyẹnlẹn bhi ẹkẹ okpẹdẹ,

Ibha nin otọ nin ẹdẹ nẹga bi ene nyẹnlẹn bhọ.

11 Ji ọne ojẹgbo bi agbaẹbho ne ribhọ ha so dagbare,

Bi ene eko nin ibhokhan Kida da nyẹnlẹn.

Ji ene nyẹnlẹn bhi otọ nin udo-udo vuọnlẹn re eghọnghọn ha so dagbare;

Ji ele na bhi okhun ene oke ha so dagbare.

12 Ji ele re uyi ji Jehova

Yẹ ha re ogẹn ji ọle bhi ene otọ nin ẹdẹ nẹga.

Ọle dẹ reso, ehe, ọle dẹ so usomhin ọsi okhọnlẹn;

Ọle dẹ rẹman ghe ọle mhọn ahu nẹ eghian ọlẹn.

Bọsi okhuo nin ubiẹmhin lu,

Mẹn dẹ ha viẹ, ha ha-yo-ha-re, yẹ hiẹnhiẹn udu-udu.

15 Mẹn dẹ dunmhun oke ne khua bi ikuẹkuẹ oke a,

Yẹ kaka ilunmhun rebhe ne ribhọ a.

Mẹn dẹ lu ọle nin otọ nọn kale zegbere bhi ẹkẹ ẹdẹ.

Mẹn dẹ yẹ ka amẹn sibhi ene odighi re nin ilunmhun ye .

16 Mẹn dẹ sun ene ruẹlo rẹkhan uwedẹ nin ele bha lẹn,

Yẹ re ele na ukpẹfan nin ele bha lẹn khẹ.

Mẹn dẹ re ebiuki nọn ribhi odalo ele kiẹn ẹfua,

Yẹ re otọ nọn bha riẹriẹ kiẹn otọ nọn riẹriẹ.

17 Ene mun udu nyan ene amanzẹ nan kanọ,

Ene taman ene amanzẹ nan re emantọn lu yọle: “Ibha hi osẹ nesẹmhan,”

A dẹ re ele fikie diọbhi eji ele na vae, yẹ re ẹkhọle lu ele a.

18 Ibha ne yehọ, bha kaehọ;

Ibha ne ruẹlo, bha gbẹlokotọ nin bha daghe.

19 Họbhọ ruẹlo bọsi ọguọmhandia nọnsẹmhẹn,

Yẹ yehọ bọsi ukọ nin mẹn je ọle uhọnmhọn?

Họla ruẹlo sẹ bii ọne a re ihaọsa nan,

Họla ruẹlo sẹ bii ọguọmhandia nọnsi Jehova?

21 Ranmhude Osẹ nọn khiale Jehova khin,

Ọ wo yẹẹ ọle rẹ rẹman ghe, emhin kpataki uhi* nọnsọle khin, sẹyẹ ọ wo lu uhọnmhọn-emhin.

22 Ọkpakinọn, enan hi ene ẹbho nan gbe ele miẹn ele emhin nesele, nan yẹ re udu-udu miẹn ele ebi ele mhọnlẹn;

A muno ele rebhe ọbhi ẹkẹ uhio, yẹ khue ele ze bhi ighan.

A gbe ele miẹn ele emhin nin ele mhọnlẹn, sokpan, a bha miẹn ọria nọn hinmhin ele,

Sẹyẹ, a re udu-udu miẹn ele ebi ele mhọnlẹn, sokpan, a bha miẹn ọria nọn yọle: “Bha ne ele fikiere!”

24 Họla mun Jekọp dagbare nan gbe ọle miẹn ọlẹn ebi ọle mhọnlẹn,

Yẹ gbe Izrẹl miẹn ọlẹn ebi ọle mhọnlẹn?

Ele da he nin ele rẹ khian rẹkhan uwedẹ nọnsọle,

Sẹyẹ, ele bha re obọ rẹkhan uhi* nọnsọle.

25 Bhiriọ, Ọle da re oya nin ele;

Ọle da re ohu nọnsọle man ele, yẹ ji ele da miẹn ọkakale ọsi okhọnlẹn bhi egbe.

43 Eo Jekọp, ọnan hi ebi Jehova nin Aman nọn man uwẹ tale,

Osẹ nọn man uwẹ, Eo Izrẹl:

 2 Mẹn dẹ ne uwẹ dia sade uwẹ na ẹdẹ gbera,

Sẹyẹ, ẹdẹ i da lọ uwẹ egbe sade uwẹ na ele gbera.

Uwẹ ha na eranlẹn gbera, ọ i da tuẹ uwẹ a,

La nin ọne eranlẹn riaria uwẹ egbe.

 3 Ranmhude, imen hi Jehova nin Osẹnobulua nọnsẹ,

Ọnọn Khiale Ọsi Izrẹl nọn hinmhin uwẹ.

Mẹn re Ijipt rẹ dẹ uwẹ kiere,

Sẹyẹ, mẹn re Etiopia bi Siba rẹ dẹ iẹnlẹn nọnsẹ.

 4 Uwẹ da kiẹn ọnọn ghanlẹn bhi ẹlo nọnsẹmhẹn;

Mẹn da mun ekpẹn uwẹ bhi egbe yẹ hoẹmhọn uwẹ.

Bhiriọ, mẹn dẹ re iẹnlẹn ọsi ẹbho rẹ dẹ uwẹ,

Yẹ re agbaẹbho kẹkẹ rẹ dẹ iẹnlẹn nọnsẹ kiere.

Mẹn dẹ na bhi obọ ọsi isti* ne imọn nesẹ re,

Yẹ nabhi obọ ọsi wẹst* si bha koko.

Ne imikpia nesẹmhẹn ne ribhi eje reele re, bi imikhuo nesẹmhẹn ne ribhi eji otọ sẹle.

 7 Ne ọrebhe nan tie elin nọnsẹmhẹn mun re,

Bi ọrebhe nin mẹn manlẹn, nin mẹn rẹ ha re uyi ji egbe mẹn,

Ehe, ọrebhe nin mẹn manlẹn.’

 8 Ne ẹbho dagbare ne i daghe arẹmiẹn ele mhọn ẹlo,

Ene i họn ẹmhọn arẹmiẹn ele mhọn ehọ.

 9 Ji ene agbaẹbho rebhe siegbe koko bhi ijian ọkpa,

Sẹyẹ, ji ene ẹbho rebhe siegbe koko.

Ji ele ne ẹbho re ne sọsali ọbhọ ghe, ẹmhọanta ele tale,

La, nin ele họn ọne ẹmhọn yẹ yọle, ‘Ẹmhọanta nọn.’”

10 “Esali nesẹmhẹn bha khin,

Ehe, ọguọmhandia nọnsẹmhẹn nin mẹn zẹle,

Beji bha ha da sabọ lẹn mẹn yẹ mhọn urẹọbhọ da mẹn,

Yẹ lẹn sẹbhọ ghe imẹn i fidenọ.

Osẹ ọbhebhe i ribhọ nọn ka mẹn ha nyẹnlẹn,

Sẹyẹ, gbera mẹn, Osẹ ọbhebhe i ribhọ nọn zegbere,” iriọ Jehova tale.

12 “Imẹn hi Ọnọn ta ebe ha sunu, Ọnọn miẹn bha fan, bi Ọnọn re ọle man

Bhi ẹghe nin osẹ ọbhebhe bha rẹ ha ribhi ẹwẹ bha.

13 “Rẹ deba ọnin, mẹn i gbo fidenọ,

Sẹyẹ, ọria soso i da sabọ gua emhin re bhi obọ nọnsẹmhẹn.

“Ranmhude ibha, mẹn dẹ je ọria ha khian Babilọn, sẹyẹ, mẹn ki nyanọn ene igeti rebhe nesọle sotọ.

Ibhokhan Kadia ki ha vioya bhi ẹkẹ okọ nesele.

16 Ọnan hi ebi Jehova tale,

Nọn zẹ uwedẹ na okpẹdẹ,

Nọn zẹ odẹ na ẹkẹ okpẹdẹ nọn fi-yo-fi-re,

17 Ọnọn sun akasi bi awẹnẹwẹnẹ nan rẹ yo okhọnlẹn,

Yẹ sun eyokhọnlẹn bi ekakulo ne ziẹnlẹn:

18 “Hẹi ha ye emhin ne sunu bhi ẹghe nọn gbera re,

Sẹyẹ, hẹi ha ria ẹmhọn ẹghe nọn gbera.

19 Ghọle! Mẹn munhẹn ha lu emhin ọgbọn;

Ọne emhin bhọ zegbere nian.

Mẹn dẹ zẹ uwedẹ na ojẹgbo,

Yẹ lu ọle nin ẹdẹ ha nẹ gbera bhi otọ ugbẹnẹbubu.

20 Ene elanmhẹn ẹwẹ dẹ ha gẹn mẹn,

Ene jaka* bi ọstrich,*

Ranmhude mẹn lu ọle nin amẹn ha ribhi ojẹgbo,

Nin ẹdẹ ha ribhi otọ ugbẹnẹbubu,

Nin ẹbho nesẹmhẹn nin mẹn zẹle miẹn wọn,

21 Ẹbho nin mẹn manlẹn ne ha yi ọsẹmhẹn,

Beji ele ha da ha gẹn mẹn.

22 Ọkpakinọn, uwẹ bha sotie mẹn, Eo Jekọp,

Ranmhude, egbe imẹn lọ uwẹ, Eo Izrẹl.

23 Uwẹ bha mun ohuan rẹ lu izọese nan tuẹ a ji mẹn,

La re izọese nesẹ re uyi ji mẹn,

Mẹn bha sua uwẹ ọbhọ nin uwẹ lu ẹsele nin mẹn,

La re egbe lọ uwẹ ranmhude mẹn guanọ frankisẹns* bhi obọ uwẹ.

24 Uwẹ bha re igho nọnsẹ rẹ dẹ ilunmhun nọn viohin nin mẹn,

Sẹyẹ, uwẹ bha re abhii ọsi elanmhẹn zọese ji mẹn.

Ọkpakinọn, uwẹ da ha re emhin ebe nesẹ kpokpo mẹn,

Yẹ re egbe lọ mẹn ranmhude olukhọ nesẹ.

25 Imẹn hi Ọnọn gbo olukhọ nesẹ kua ranmhude elin nọnsẹmhẹn,

Sẹyẹ, mẹn i da ye olukhọ nesẹ re.

26 Ahamiẹn emhin ribhọ nin mẹn yelea, ye mẹn re; gui re nin mẹn gui re;

Gui re nin uwẹ rẹ rẹman ghe uwẹ bha lu ọbe.

27 Aba ẹ nin ọhẹnhẹn lu olukhọ,

Sẹyẹ, ene sun uwẹ* sọtẹ da mẹn.

28 Bhiriọ, mẹn dẹ fa ene ekhaẹmhọn ne ga bhi eje khiale a,

Sẹyẹ, mẹn dẹ ji a da fuẹn Jekọp a,

Yẹ re otọ nin ẹbho rẹ ha re unun je Izrẹl.

44 “Gbehọkotọ, Eo Jekọp nin ọguọmhandia nọnsẹmhẹn,

Uwẹ nin Izrẹl nin mẹn zẹle.

 2 Ọnan hi ebi Jehova tale,

Aman nọn man uwẹ, nọn re iẹnlẹn nin uwẹ,

Nọn wo ha rẹkpa uwẹ rẹ na bhi ẹghe nan rẹ biẹ uwẹ:

‘Hẹi ji ofẹn mun uwẹ Jekọp nin ọguọmhandia nọnsẹmhẹn,

Uwẹ nin Jẹshurọn* nin mẹn zẹle.

 3 Mẹn dẹ biri amẹn nyan ọne ohanmhẹn-amẹn gbe,*

Sẹyẹ, mẹn ki lu ọle nin amẹn ha nẹ bhi otọ nọn kale,

Mẹn dẹ biri ẹlinmhin nọnsẹmhẹn nyan imọn nesẹ,

Yẹ nan erọnmhọn nin ele.

 4 Ele ki wo ha wanre beji ilunmhun rẹ sọn,

Bi bọsi eran* ne ribhi egbe ẹdẹ.

Ọbhebhe ki ha tie egbọle mun elin nọnsi Jekọp.

Sẹyẹ, ọbhebhe ki gbẹn ọbhi obọ nọnsọle yọle: “Jehova nyan mẹn.”

 6 Ọnan hi ebi Jehova nin Ojie ọsi Izrẹl tale,

Ọnọn dẹ Izrẹl kiere, Jehova nọn nyan ene eyokulo:

Ji ele ta emhin ne ha kẹ sunu, bi ene ha yẹ sunu bhi ẹghe odalo,

Beji mẹn lu, rẹ na bhi ẹghe nin mẹn rẹ man eria

Bhi ẹghe nọn reele nọn gbera.

 8 Ẹbho nesẹmhẹn, bha hẹi ji ọfẹn mun bha,

Sẹyẹ, bha hẹi ji ofẹn gbe ibha ahu sotọ.

 9 Ọrebhe ne man amanzẹ dẹ kiẹn eria ihoho,

Ele i da miẹn elele bhi ẹbọ nesele ne ti ele bhọ,

Esali ne i daghe emhin soso, ne bha lẹn emhin soso, ọle ele* khin.

Bhiriọ, ene manọ ele dẹ miẹn ẹkhọle bhi egbe.

10 Họla ha man osẹ la man amanzẹ

Nin ọle i da miẹn elele bhi obọ ọle?

Ọle ki ha re umọnmọn* rẹ gbe ọle rẹ man emhin,

Ọle ki ha noo obọ nọn ziẹnlẹn nọnsọle rẹ gbe ọle,

Beji ọle rẹ lu ọle, ohanmhẹn ki ha gbe ọle, sẹyẹ ahu ki fo ọle bhọ;

Ọle i wọn amẹn, bhiriọ egbe ki lọ ọle.

Ọle kanọ ọle nọn diabe ọria,

Nọn mhọnse a bii ọria;

Ọle da yẹ mun ọlẹn dotua bhi ẹkẹ uwa.*

Ọle ki guanọ unan eran natiọle oki* bhi ẹwẹ eran ne ribhi ẹgbo

Yẹ re ẹghe nanlẹn rẹ wanre.

Ọle ki re eso bhọ rẹ fi eranlẹn yẹ ha gha ọne eranlẹn;

Ọle ki re ọle fi eranlẹn rẹ lu ibrẹd.

16 Ọle ki re obọ ọkpa bhọ fi eranlẹn;

Ọle ki re ọle rẹ tọn elanmhẹn nin ọle ha le, sẹyẹ, ọle ki le ọle khọn.

18 Ele bha lẹn emhin soso, sẹyẹ, ele i zẹwẹ mhọn ilẹn-otọ-emhin,

Ranmhude, ẹlo nọnsele guele, bhiriọ ele i daghe,

Sẹyẹ, ọkhọle nọnsele i ria eria.

19 Ọria i ribhọ nọn mhọn ọne ilẹnmhin, la lẹn otọle,

La re ọkhọle ria ọle yọle:

“Mẹn re obọ ọkpa bhọ rẹ fi eranlẹn,

Mẹn da re ọne ujiọmhẹn eranlẹn rẹ lu ibrẹd, yẹ re ọle tọn elanmhẹn nin mẹn le.

21 “Ye ene emhin nan re, Eo Jekọp, ye ele re, Eo Izrẹl,

Ghe, ọguọmhandia nọnsẹmhẹn uwẹ khin.

22 Mẹn dẹ gbo emhin ebe nesẹ kua,

Yẹ gue olukhọ nesẹ, bọsi ghe adudu amẹn mẹn rẹ gue ele.

23 Bha re eghọnghọn so dagbare, ene okhun,

Ranmhude Jehova lu emhin!

Bha re eghọnghọn so dagbare, ibha nin oke,

Ibha nin ojẹgbo bi eran rebhe ne ribhọ,

Ranmhude Jehova dẹ Jekọp kiere,

Sẹyẹ, ọle re uyi nọnsọle man bhi egbe Izrẹl.”

24 Ọnan hi ebi Jehova tale, Ọnọn dẹ uwẹ kiere,

Ọnọn man uwẹ rẹ na bhi ẹghe nin uwẹ rẹ ha ribhi ẹkẹ ẹkpọmọn:

Imẹn tobọmẹn niẹn ene okhun an,

Yẹ taan otọ a.

25 Imẹn rẹman ghe, ohoghe iyaman ọsi ene ta ọta ihoho* khin,

Ẹbho ne tare ebi ẹghe odalo ha diayẹ, Imẹn re ele lu emhin bii uhuki,

Imẹn hi Ọnọn re ikpia ne wanlan kiẹn ene bha yẹ lẹn ebi ele lu bhi obọ;

Yẹ re ebi ele lẹn kiẹn emhin uhuki;

26 Imẹn hi Ọnọn lu ọle nin ọta ọsi ọguọmhandia nọnsẹmhẹn munsẹ,

Nọn yẹ lu ọle nin ọta rebhe nesi ukọ nesẹmhẹn munsẹ;

Ọnọn tale rẹji Jerusalẹm yọle, ‘A dẹ kie nyẹnlẹn bhọ,’

Yẹ tale rẹji agbaẹbho ne ribhi Juda yọle, ‘A dẹ kie bọn ele.

Mẹn dẹ kie bọn eji a dunmhun an bhọ’;

27 Ọnọn taman amẹn ne ribhi ẹdẹ ne dinmhin yọle, ‘Bha hoho kua,

Sẹyẹ mẹn dẹ ka ẹdẹ nesẹ rebhe a’;

28 Ọnọn tale rẹji Sairọs yọle, ‘Ọsun-ohuan nọnsẹmhẹn ọle khin,

Ọle dẹ wo mun iho nesẹmhẹn rebhe sẹ’;

Ọnọn tale rẹji Jerusalẹm yọle, ‘A dẹ kie bọn ọlẹn.’

45 Ọnan hi ebi mẹn nin Jehova taman Sairọs nin mẹn zẹle,

Nin mẹn mun obera nọnsọle mhọnlẹn,

Beji ọle ha da khọn ene agbaẹbho miotọ,

Yẹ re ijie obọ sotọ.

Mẹn dẹ tuje ene odẹ a nanlẹn, ne mhọn obọ eva,

Beji a ha da miẹn ghe, a bha khue ene igeti:

 2 “Mẹn dẹ kalo nin uwẹ,

Sẹyẹ mẹn dẹ duẹduẹ ene oke sotọ,

Mẹn dẹ guọghọ ene odẹ nan re oze lu a,

Yẹ giagia ene emantọn nan rẹ mun ele mhọn an.

 3 Mẹn dẹ ne ene emhin ne ghanlẹn ne ribhi eje so ebiuki a nin uwẹ,

Bi ene emhin ne ghanlẹn nan ne nẹhe bhi ẹkhokho,

Beji uwẹ ha da lẹn ghe, imẹn hi Jehova

Nin Osẹnobulua ọsi Izrẹl, nọn tie uwẹ elin nọnsi uwẹ.

 4 Ranmhude Jekọp nin ọguọmhandia nọnsẹmhẹn bi Izrẹl nin mẹn zẹle,

Mẹn tie ẹ elin nọnsẹ.

Mẹn dẹ re ahu nin uwẹ arẹmiẹn uwẹ bha lẹn mẹn.

 6 Beji ẹbho ha da lẹn ghe,

Rẹ na bhi obọ nin oẹnlẹn da hẹnre rẹ sẹbhi obọ nin oẹnlẹn da defia,*

Osẹ ọbhebhe i ribhọ gbera mẹn.

 7 Imẹn man ẹfua bi ebiuki,

Imẹn hi ọnọn re ọfure bi ọkakale re,

Imẹn nin Jehova, imẹn hi ọnọn lu ene emhin nan rebhe.

 8 Ene okhun, bha ji amẹn nabhi okhun rọ kua ọbhi otọ,

Ji ikhiale ha na bhi ene adudu amẹn biri kua.

Ji otọ tuje unun an, nin ikpẹ ọsi umiẹnfan

Bi ikpẹ ọsi ikhiale da jẹ dagbare, ji ele veva da ha vẹ.

 9 Ọkhọbhegbe hi ọsi ọria nọn ne Ọnọn man ọlẹn ha gbe egbe,*

Ranmhude, osọmhẹn-akhe nan re ẹkẹn man ọle khin,

Bhi ẹwẹ osọmhẹn-akhe nekẹle ne ribhi otọ!

“Uwẹ dẹ be gbudu ha nọọn mẹn ẹmhọn emhin ne vade,

Yẹ ha taman mẹn ebi mẹn ha lu da imọn nesẹmhẹn bi iwẹnna obọ nesẹmhẹn?

Obọ nọnsẹmhẹn mẹn rẹ niẹn ene okhun an,

Sẹyẹ, imẹn taman emhin rebhe ne ribhi okhun* ebi ele ha lu.”

13 “Ranmhude Osẹ nọn lu emhin bhi uwedẹ nọn gbale mẹn khin, mẹn re ọria mundia, mẹn dẹ dia uwedẹ nọnsọle rebhe.

Ọle hi ọnọn ha bọn agbaẹbho nọnsẹmhẹn,

Yẹ fan ẹbho nesẹmhẹn ne ribhi imun fia.

Ọle i da haosa ọbhọ, la re igho nin ọria bhi ikeke,” iriọ Jehova nọn nyan ene eyokulo tale.

“Igho* ọsi Ijipt bi ẹki ọsi Ẹtiopia* dẹ kiẹn ọsi uwẹ, sẹyẹ, ibhokhan Siba ne tantan ki kiẹn eguọmhandia nesẹ.

Ele rebhe ki bu uwẹ re yẹ kiẹn eguọmhandia nesẹ.*

Ele ki ha nan erọnmhọn nin uwẹ yọle, ‘Gene-gene, Osẹnobulua wo ne uwẹ dia,

Ọle ọkpa hi Osẹnobulua; ehe, ọbhebhe i ribhọ.’”

15 Eo Osẹnobulua ọsi Izrẹl nin Ọmiẹnmhanfan,

Gene-gene, Osẹ nọn i re egbọle man uwẹ khin.

16 A dẹ re ekpẹn si ele rebhe bhi egbe re, yẹ re ẹkhọ lo ele a;

Ene manọ ẹbọ ki re ẹkhọle kpanọ.

18 Ọnan hi ebi Jehova tale,

Aman nọn man okhun, Osẹnobulua ọsi ẹmhọanta,

Ọnọn man otọ, nọn man ọlẹn nọn deziẹn,

Nọn bha gheghe man ọlẹn kua, sokpan, ọle man ọlẹn nan ha nyẹnlẹn bhọ:

19 Mẹn bha talọ bhi ẹkhokho, bhi otọ nọn so ebiuki a;

Mẹn bha taman ọmọn ọsi Jekọp ghe,

Nin ọle guanọ mẹn, ọkpakinọn, ọle i da miẹn elele bhọ.

Ẹbho ne muno amanzẹ nan kanọ na bhi ijerebhe,

Yẹ nan erọnmhọn ji osẹ nọn i da sabọ hinmhin ele bha lẹn emhin soso.

Họla ta ọnan ọbhi otọ bhi ẹghe nọn reele

Yẹ tale bhi ẹghe nọn gbera?

Osẹnobulua ọbhebhe i ribhọ gbera mẹn;

Osẹnobulua nọn khiale nọn yẹ re umiẹnfan re, ọle mẹn khin. Osẹ ọbhebhe i ribhọ gbera mẹn.

22 Ibha rebhe ne ribhi otọ, bha bu mẹn re nin bha da miuhọnmhọn,

Imẹn hi Osẹnobulua, Osẹ ọbhebhe i ribhọ.

23 Mẹn re egbe mẹn ve ihẹn;

Ẹmhọanta ọta nọn si mẹn bhi unun re khin,

Sẹyẹ, ọ i da fikie unun nọnsẹmhẹn.

Ọrebhe dẹ diguẹ nin mẹn,

Ọrebhe dẹ ve ghe ele dẹ ha sun rẹkhan mẹn,

24 Sẹyẹ, ele ki ha yọle, ‘Gene-gene, Jehova manman mhọn ahu, ọle yẹ lu emhin nọn gbale.

25 Ibhokhan Izrẹl rebhe ki dọ kere ghe, ele lu nọnsẹn nin ele rẹ ha ga Jehova,

Sẹyẹ, ele ki re ọle ha dẹgbọ.’”

A muno amanzẹ nọnsele ọbhi uke elanmhẹn, elanmhẹn nan rẹ muno ihẹ,

Bọsi udede ihẹ nọn re egbe lọ elanmhẹn ne mun ọlẹn.

 2 Ele ko de sẹ ẹlo ru,

Ele bha sabọ hinmhin ene ihẹ,*

Sẹyẹ, a bhọ muno ele tobele ha khian imun.

 3 “Bha ka mẹn ehọ, Eo uwa ọsi Jekọp bi ọrebhe ne kẹre bhi uwa ọsi Izrẹl,

Rẹ na bhi ẹghe nin bha rẹ kiẹn agbaẹbho, ọle mẹn rẹ ha mun bha yẹ gbẹloghe bha, beji inẹn rẹ gbẹloghe ọmọn nọnsọle.

 4 Rẹ dọ sẹbhi ẹghe nin bha ha rẹ dọmanlẹn, imẹn i da fidenọ;

Mẹn dẹ wo ha rẹkpa bha rẹ dọ sẹbhi ẹghe nin bha ha rẹ fun edẹn.

 5 Họla diabe imẹn nin bha ha sabọ rẹ khọkhọ imẹn, bọsi ghe ọnọn nẹ egbe i ribhi ẹwẹ mẹn bi ọle?*

Sẹyẹ, họla bha ha sabọ rẹ khọkhọ imẹn bọsi ghe mhan khọ egbe?

 6 Ẹbho ribhọ ne wo fuẹn igolu nọnsele kua;

Ele ki mhaan isiliva nọnsele,

 7 Ele ki mun ọlẹn ọbhi ijianbọ nọnsele;

Ele ki mun ọlẹn re, yẹ mun ọlẹn ọbhi uwa nọnsọle.

Ele ki ha sotie ọle, ọkpakinọn, ọ i wanniẹn ele;

Ọ i da sabọ hinmhin ọria soso bhi ọkakale.

 9 Bha ye ene emhin re ne sunu bhi ẹghe nọn reele,

Ghe, imẹn hi Osẹnobulua, ọbhebhe i ribhọ.

10 Rẹ nabhi umunhẹn mẹn rẹ tare ebi emhin ha rẹ sunu yẹ,

Sẹyẹ, rẹ nabhi ẹghe nọn reele mẹn rẹ ta emhin nọn bha sẹ sunu.

Mẹn yọle, ‘Emhanmhan* nọnsẹmhẹn dẹ munsẹ,

Sẹyẹ, mẹn dẹ lu emhin nọn hi ki rẹ khin nọn ghọn mẹn.’

11 Mẹn dẹ tatie afianmhẹn nọn le efun, nọn ribhi obọ nin oẹnlẹn da hẹnre,*

Mẹn dẹ tatie okpia nọn ribhi otọ nọn reele, nọn da mun ebi mẹn mhọn bhi ọkhọle sẹ.*

12 Bha ka mẹn ehọ, ibha ne wo bhi uhọnmhọn,*

Ibha ne i zẹwẹ lu emhin nọn mhẹn.

13 Ọne ẹghe sire nin mẹn ha rẹ rẹman ghe Osẹ nọn khiale mẹn khin;

Ọ bha yẹ ree,

Ẹghe nin mẹn ha rẹ miẹn ele fan i da gbera ẹghe nọn khẹke.

47 Eo ọmokhuo ọsi Babilọn,*

Huẹnre dọ dotua bhi ẹbubu,

Eo ọmokhuo ọsi ibhokhan Kadia,

Dotua bhi otọ ọkhọnkhan bhi eje ojukhuo i ye,

Ranmhude ẹbho i da yẹ kie tie uwẹ ọmọn nan pẹpẹ bi ọmọn nọn nyan.

 4 “Ọnọn Khiale Ọsi Izrẹl,

Ọle hi Ọnọn dẹ mhan kiere,

Jehova nọn nyan ene eyokulo hi elin nọnsọle.”

 5 Eo ọmokhuo ọsi ibhokhan Kadia,

Dotua bhi enin, uwẹ ha nyangbe, ha ribhi ebiuki,

A i da yẹ ha tie uwẹ Esọn Ọsi Ene Ejele.

Bhiriọ, mẹn da ji uwẹ da faa ẹbho* nesẹmhẹn an,

Yẹ re otọ nin uwẹ rẹ muno ele.

Sokpan, uwẹ bha ha ria ẹmhọn ebi uwẹ lu;

Sẹyẹ, uwẹ bha ria ẹmhọn ebe ha na bhi ene emhin nan re.

 8 Bhi ejayenan nian, kaehọ, uwẹ nin ọlẹnlẹnbhegbe yẹẹ,

Nọn dotua bhi eji a gbega, nọn tale bhi ọkhọle nọnsọle yọle:

Ene emhin nan dẹ wo dekhun uwẹ

Ranmhude ilọnmhọn ikpẹbo nin uwẹ lu bi ikhunmhun ebe rebhe nin uwẹ kpe.

Ẹwanlẹn bi ilẹnmhin nọnsẹ hiẹ ẹ.

Uwẹ da ha tale bhi ẹkẹ ọkhọle nọnsẹ yọle: “Imẹn hi ọnọn kpọnọ nẹ, ọria soso bha kpọnọ sẹ bii mẹn.”

11 Ọkpakinọn, ọkhọbhegbe dẹ sẹ uwẹ bhi egbe,

Sẹyẹ, ikhunmhun ọbe soso nin uwẹ kpe i da mun ọlẹn mhọnlẹn.

12 Wo ha kpe ikhunmhun ebe nesẹ. Wo ha lu ilọnmhọn ikpẹbo ne bunbun nesẹ nin uwẹ mọn da lu

Rẹ na bhi egbe usẹn ha vade.

Asabọmiẹn uwẹ dẹ miẹn elele bhọ;

Asabọmiẹn uwẹ dẹ re ẹbho ha mun ofẹn uwẹ.

Ẹbho ne ga emhin ne ribhi okhun,* ene tie ahiẹnhiẹn,

Ẹbho ne re ẹghe nin uki ọgbọn rẹ dagbare

Rẹ taman uwẹ ebe ha sunu ji uwẹ.

Ji ele vae dọ hinmhin uwẹ nian.

Ranmhude, ọne eranlẹn i yi ujọnmheranlẹn nan re egbe gha,

Sẹyẹ, ọ i yi eranlẹn nan dotua sikẹ.

15 Iriọ ọ ha rẹ sunu ji ene kpe ikhunmhun nin uwẹ,

Nin uwẹ deba ha miẹnsọn rẹ na egbe obhokhan ha vade.

48 Eo uwa ọsi Jekop, bha re ehọ ọbhi ọnan,

Ibha ne tie egbe ibha mun elin ọsi Izrẹl,

Ibha ne na bhi ulin-uwa ọsi Juda* vae,

Ibha ne re elin nọnsi Jehova rẹ ve ihẹn,

Ne yẹ sotie Osẹnobulua ọsi Izrẹl,

Arẹmiẹn ọ i yi ẹkẹata bi ikhiakhiale bha rẹ tie ọle.

 2 Ibha tie egbe bha ẹbho ne nyẹnlẹn bhi agbaẹbho nọn khiale,

Yẹ guanọ urẹkpa bhi obọ Osẹnobulua Ọsi Izrẹl,

Nin elin ọlẹn yi Jehova nọn nyan ene eyokulo.

Unun nọnsẹmhẹn mẹn rẹ ta ele,

Yẹ ji ẹbho lẹn.

 4 Ranmhude mẹn lẹnmhin ghe, ibha manman wo bhi uhọnmhọn,

Ghe, akhọle nọnsẹbha diabe ẹlọnmhọn, sẹyẹ, ukẹhale nọnsẹbha diabe oze,

 5 Ọle zẹle nin mẹn da taman ibha bhi ẹghe nọn reele nọn gbera.

Ọkuẹsẹ ọ sunu, mẹn da ka ji bha lẹn,

Beji a ha da miẹn ghe, ibha bha dọ ha yọle, ‘Ẹbọ nọnsẹmhan lu ọle;

Amanzẹ nọnsẹmhan nin mhan kanọ bi amanzẹ nin mhan re emantọn lu, ele tale.’

Rẹ na bhi ejayenan rẹ ha khian, emhin ọgbọn mẹn ki wewe man bha,

Ọta ẹkhokho nan rẹ he, nin ibha bha lẹn.

 7 Ọne ẹghe nan nian mẹn rẹ ha lu ọle, ọ i yi ẹghe nọn gbera.

Ọkuẹsẹ ẹlẹnan, ibha bha sẹ ka họn ọne ẹmhọn nan khẹ,

Bhiriọ, bha i da sabọ yọle, ‘Ghọle! Mhan ka lẹn ele khẹ.’

 8 Eye, ibha bha sẹ ka họn khẹ, ibha bha sẹ ka lẹn ọnan khẹ,

Ranmhude, bhi ẹghe nọn gbera, ibha wo yehọ.

Mẹn lẹnmhin ghe, ibha wo manman guẹ ebi a rẹ lu emhin ọbe yẹ,

Sẹyẹ, emhin ebe a wo lẹn bha ọi rẹ na ẹghe nan rẹ biẹ ibha ha vade.

 9 Ọkpakinọn, ranmhude elin nọnsẹmhẹn, mẹn i da re ohu nọnsẹmhẹn man;

Ranmhude mẹn ho nin men re ogẹn ji egbe mẹn, mẹn i da re ohu ne bha lu emhin,

Sẹyẹ, mẹn i da fuẹn bha a.

11 Gene-gene, mẹn dẹ lu emhin ranmhude elin nọnsẹmhẹn.

Be imẹn ha ki rẹ re otọ nin ẹbho yẹ rẹ ha faa elin nọnsẹmhẹn an?

13 Obọ nọnsẹmhẹn imẹn rẹ gbe ayotọ ọsi otọ,

Sẹyẹ, obera nọnsẹmhẹn mẹn rẹ tan ene okhun an.

Dẹ mun iho nọnsẹmhẹn sẹ rẹji Babilọn.

Ọle dẹ re obọ nọnsọle mun ibhokhan Kadia.

“Imẹn nin Jehova, imẹn hi Osẹnobulua nọnsẹ,

Ọnọn man uwẹ emhin beji emhin ha da mhẹn nin uwẹ,

Ọnọn dia uwẹ diọbhi uwedẹ nọn khẹke nin uwẹ rẹkhan.

Ọfure nọnsẹ ki diabe ẹdẹ,

Sẹyẹ, ikhiale nọnsẹ ki diabe okpẹdẹ nọn fi-yo-fi-re.

19 Imọn nesẹ ki bunbun bọsi ekẹn,

Ele ki bunbun bọsi ekẹn ne ribhi otọ.

Ọle da lu ọle nin amẹn na bhi ẹkẹ udo dagbare nin ele;

Ọle da va udo a, nin amẹn na bhi ẹkẹ ọle ha vẹ kua.”

49 Bha ka mẹn ehọ, ibha nin otọ nin ẹdẹ nẹga,

Bha gbehọkotọ ibha nin agbaẹbho ne ribhi eje reele.

 2 Ọle re unun nọnsẹmhẹn diabe agbada nọn mun;

Ọle re obọ nọnsọle gbega mẹn.*

Ọle rẹ mẹn diabe ufẹnmhẹn nan manman fan;

Ọle re mẹn he bhi ẹkpa-ufẹnmhẹn nọnsọle.

 3 Ọle da taman mẹn yọle, “Ọguọmhandia nọnsẹmhẹn uwẹ khin, Eo Izrẹl.

Uwẹ mẹn ha noo rẹ re uyi nọnsẹmhẹn man.”

Ọkpakinọn, Jehova hi ọnọn ha bhuohiẹn nọnsẹmhẹn,*

Sẹyẹ, obọ Osẹnobulua ihaosa* nọnsẹmhẹn ha na vae.”

 5 Bhi ejayenan nian, Jehova, nọn rẹ mẹn kiẹn ọguọmhandia nọnsọle beji mẹn sẹyẹ ribhi ẹkẹ ọsi inẹn mẹn yọle ghe,

Nin mẹn re Jekọp fikiere ji ọle,

Nin mẹn koko Izrẹl ji ọle.

A dẹ re uyi nin mẹn bhi odalo Jehova

Sẹyẹ, Osẹnobulua dẹ ha yi ahu nọnsẹmhẹn.

 6 Ọle da taman mẹn yọle: “Ọ i yi ọguọmhandia ọkpa uwẹ khin rẹji men,

Nọn ha ne ene ulin-uwa kẹkẹ ọsi Jekọp mundia,

Yẹ ne ene kẹre ne miuhọnmhọn bhi otọ Izrẹl fikiere.

Ọkpakinọn, mẹn yẹ re uwẹ kiẹn ẹfua ọsi ene agbaẹbho,

Beji mẹn ha da miẹn ẹbho fan bhi otọ agbọn rebhe.”

“Ranmhude emhin nin ene ijie ha daghe, ele ki kpanọ mundia,

Sẹyẹ, ene ekhaẹmhọn ki deuhọnmhọnre

Ranmhude Jehova nọn lu emhin bhi uwedẹ nọn gbale,

Ọnọn Khiale Ọsi Izrẹl nọn zẹ uwẹ.”

“Bhi ẹghe nin mẹn rẹ ha re ifuẹkẹ man ẹbho, mẹn da ka uwẹ ehọ yẹ wanniẹn uwẹ,