Ruth
6 Bhiriọ, ọnọn khẹke nọn dẹ ọle kiere da yọle: “Mẹn ida sabọ dẹ ọle kiere, ranmhude ọ dẹ sabọ si ozughu ọbhi emhin uku nọnsẹmhẹn. Mẹn re ọne ahu nin uwẹ rẹ dẹ ọle kiere nin egbe ẹ, ranmhude mẹn ida sabọ dẹ ọle kiere.” 11 Bhiriọ, ọrebhe ne ribhi geti ọsi ọne agbaẹbho bi ene ewanlẹn da yọle: “Mhan sọsali ọbhọ! Jehova dẹ re ọne amhẹn nọn nabhi uwa nọnsẹ diabe Rachel bi Le′ah, ene ikhuo veva ne bọn uwa ọsi Izrẹl. Emhin dẹ kiọnlẹn nin uwẹ bhi Eph′ra·thah, uwẹ dẹ yẹ ha mhọn elin nọn mhẹn bhi Beth′le·hem. 12 Ọmọn nin Jehova ha na obọ ọne okhuo nan re nin uwẹ dẹ re uwa nọnsẹ diabe uwa nọnsi Pe′rez, nin Ta′mar biẹ nin Judah.” 13 Bhiriọ, Bo′az da re iRuth bhi amhẹn. Ọle ki nanlẹn nowẹ, Jehova da ji ọle da hanmhan. Bhiriọ, ọle da biẹ ọmọn-okpea. 14 Bhiriọ, ene ikhuo da taman Na·oʹmi yọle: “Ogẹn hi ọsi Jehova nọn bha zẹ uwẹ obọ nan hẹi dẹ uwẹ kiere ẹlẹnan. Nan wewe elin nọnsọle na bhi otọ Israel! 15 Ọle kie re iẹnlẹn nin uwẹ. Ọle dẹ yẹ gbẹloghe uwẹ ẹghe nin uwẹ ha rẹ dọmanlẹn, ranmhude okhuo ọmọn nọnsẹ nọn hoẹmhọn ẹn, nọn sẹyẹ mhẹn uwẹ bhi egbe gbera iminkpea ihinlọn, ọle biẹ ọle. 16 Na·oʹmi da khua ọne ọmọn, yẹ ha gbẹloghe ọle. 17 Bhiriọ, ene ikhuo ne nyẹnlẹn sikẹ ọle da hẹ ọle elin. Ele da yọle, “A biẹ ọmọn okpea nin Na·oʹmi,” ele da hẹ ọle Oʹbed. Ọle hi aba Jesʹse nin aba David.