Judges

9 Akizẹbue A·bim′e·lech nin ọmọn nọnsi Jer·ub·ba′al da bu ibhio inẹn ọlẹn nin ikpea bhi She′chem, ọle da taman ele bi ọrebhe bhi azagba-uwa nọnsi aba ọle nọn nẹ yọle: 2 “Wowo bha nọọn ene ewanlẹn nesi She′chem yọle, ‘Ọnela yẹẹ ibha nẹ, nin imọn-ikpea 70 rebhe nesi Jer·ub·ba′al ha yi ene gbẹloghe bha la nin okpea ọkpa ha yi ọnọn gbẹloghe bha? Sẹyẹ, bha yere ghe uguẹ bi efun nọnsẹbha mẹn khin.’” 5 Ọnin ki gbera, ọle da diọbhi uwa ọsi aba ọle bhi Oph′rah, ọle da gbono ibhio ọle nin ikpea 70 a, ne yi imọn nesi Jer·ub·ba′al. Udo ọkpa ọle rẹ gbono ele a. Jo′tham nin ọmọn nọn ke otọ ọsi Jer·ub·ba′al, ọle ọkpa miuhọnmhọn, ranmhude ọle da nẹhe. 22 A·bim′e·lech da gbẹloghe Izrẹl rẹ nabhi ikpe ea 23 Osẹnobulua da re otọ nin ovan da de bhi ẹwẹ A·bim′e·lech bi ewanlẹn nesi She′chem, bhiriọ, ele da re obọ oya mun A·bim′e·lech. 24 Beji a ha da miẹn ghe, a ki sọikhi nin imọn-ikpea 70 nesi Jer·ub·ba′al nan gbono a, nan da sabọ nene aranlẹn nọnsele tẹ obọ ọsi A·bim′e·lech nin obhio ele, nin ọle rẹ gbono ele a bi obọ ọsi ene ewanlẹn nesi She′chem nin ele rẹ rẹkpa ọle gbono ibhio ọle a.