Judges

2 Obọ ọsi Mid′i·an da kokhun nẹ ọsi Izrẹl. Ranmhude iMid′i·an, ibhokhan Izrẹl da bọn eji a da nẹko nin egbe ele bhi ẹkẹ oke, uhio ne ribhi ẹkẹ udo, bi ije kẹkẹ ne nọghọ nan rẹ sẹ. 3 Ibhokhan Izrẹl ha kọ emhin, ibhokhan iMid′i·an bi Am′a·lek bi ene ribhi ọbọ ọsi East ki dọ mun okhọn bu ele. 4 Ele ki mun agọ rẹ khọn ele yẹ riia emhin nin ele kọle a bhi ọne otọ, rẹ dọ sẹbhi Gaz′a, ele bha ji ebale soso bi ihuan la ogho-ẹmena la kẹtẹkẹtẹ da kẹre nin ibhokhan Izrẹl. 5 Ele ki muno elanmhẹn nesele bi ibọkpọ nesele ne manman bun bọsi iriso vae, a ida sabọ ka ele bi camel nesele. Ele ki wo vẹ vae ọne otọ yẹ fuẹn ọlẹn an. 6 Ukhunmhun da wo ha fi bhi otọ Izrẹl ranmhude iMid′i·an; bhiriọ, ibhokhan Izrẹl da so tie iJehova nọn rẹkpa ele. 14 Jehova da denọ ẹlo da ọle yẹ taman ọlẹn yọle: “Re ahu nin uwẹ mhọnlẹn ha khian, uwẹ dẹ hinmhin Izrẹl bhi obọ iMid′i·an. Ọ ibe yi mẹn je ẹ?” 15 Gid′e·on da wanniẹn ọlẹn yọle: “Hẹi van, iJehova. Be imẹn ha rẹ sabọ hinmhin Izrẹl yẹ? Ghọle! Idunmhun nọnsẹmhẹn khere nẹ bhi ẹwẹ ulin-uwa ọsi Manasẹ, sẹyẹ, imẹn khere nẹ bhi ẹwẹ azagba-uwa nọnsi aba mẹn.” 27 Bhiriọ Gid′e·on da ne ikpea igbe bhi ẹwẹ eguọmhandia nesọle yẹ lu beji Jehova taman ọlẹn. Sokpan ranmhude ofẹn azagba-uwa nọnsi aba ọle bi ikpea ne ribhi ọne agbaẹbho wo manman ha mun ọlẹn rẹ lu ọle ọsodanmhẹn, ọle da lu ọle bhi asọn.