Judges

14 Samson da diọbhi Tim′nah. Ọle da miẹn obhokhan Filistia nin okhuo bhi Tim′nah 2 Bhiriọ, ọle da kpanọ dọ taman aba ọle bi inẹn ọlẹn yọle: “Mẹn miẹn obhokhan iPhi·lis′tine ọkpa nin okhuo bhi Tim′nah nọn na mẹn bhi ẹlo, mẹn guanọ nin bha re ọle nin mẹn bhi amhẹn.” 3 Sokpan, aba ọle bi inẹn ọlẹn da taman ọlẹn yọle: “Uwẹ bha be sabọ guanọ okhuo bhi ẹwẹ ibhio ẹ bi bhi ẹwẹ ẹbho nesẹmhan? Oko be nọn ghe uwẹ dẹ re okhuo bhi ẹwẹ ibhokhan iPhi·lis′tine nan bha ruẹ?” Samson da taman aba ọle yọle: “Re ọle nin mẹn, ranmhude, ọle hi ọria nọn khẹke nin mẹn.” 4 Aba ọle bi inẹn ọlẹn bha lẹn ghe ebi Jehova guanọ ọnan khin, ranmhude Ọle da ha guanọ isẹhoa rẹ khọn ibhokhan iPhi·lis′tine, beji a miẹn ghe ibhokhan iPhi·lis′tine ha gbẹloghe otọ Izrẹl ẹghenin.