Joshua
7 Sokpan ibhokhan Izrẹl bha re obọ rẹkhan ọne uhi nan gbe nin ele rẹji emhin nan yọle nin ele fuẹn an. Achan nin ọmọn nọnsi Carmi, ọmọn nọnsi Zabdi, ọmọn nọnsi Zerah, nọn nabhi ulin-uwa ọsi Judah vae, da ne emhin eso nan yọle nan fuẹn an. Bhiriọ, ẹkẹ ibhokhan Izrẹl da manman ha khọ iJehova. 4 Bhiriiọ, ebe sẹbhi ikpea 3,000 da ha khian enin, sokpan ele da nẹgbe ranmhude ikpea nesi Ai. 5 Ikpea nesi Ai da gbono ikpea 36 a, sẹyẹ, ele da khu rẹkhan ele rẹ nabhi odalo iget ọsi ọne agbaẹbho rẹ dọ sẹbhi Shebarim. Ele da yẹ wo ha gbono ele bhi ọne ikpolofia. Bhiriọ, izebhudu nin ele rẹ ha mhọnlẹn da wẹghẹ a, ọ da nẹ kua bii amẹn. 20 Achan da wanniẹn iJoshua yọle: “Bhi ọsi ẹmhọanta, mẹn hi ọnọn rahiẹ iJehova nin Osẹnobulua ọsi Izrẹl. Ọnan hi ebi mẹn lu: 21 Ẹghe nin mẹn ki rẹ daghe ukpọn ọsi ojie nọn manman mhọn-ose, nan nabhi Shinar mun re, bi shekel 200 ọsi silver bi golu nọn khua sẹbhi shekel 50, ele da wo na mẹn bhi ẹlo, bhiriọ mẹn da ne ele. Ejayenan nian, mẹn ne ele nẹhe bhi ẹkẹ otọ bhi ibọkpọ nọnsẹmhẹn, sẹyẹ, ene igho ribhi ẹlẹ ọle.” 24 Joshua bi ibhokhan Izrẹl rebhe ne deba ọle da mun Achan nin ọmọn nọnsi Zerah, ọne isiliva, ọne ukpọn-ojie, bi ọne igolu, rẹ deba imọn-ikpea nesọle, imọn-ikhuo nesọle, ogho-ẹmena nọnsọle, ikẹtẹkẹtẹ nọnsọle, ihuan nesọle, ibọkpọ nọnsọle, bi emhin rebhe nesọle, ele da mun ele vae bhi Iyala ọsi Achor. 25 Joshua da yọle: “Bezẹle nin uwẹ da si ọkakale ji mhan? Jehova dẹ si ọkakale ji uwẹ bhi ọne ukpẹdẹ nan.” Bhiriọ, ibhokhan Izrẹl rebhe da re udo gbe ọle. Ọkike ọle, ele da re eranlẹn rẹ tuẹ ele a. Ele da re udo rẹ gbono ele rebhe a. 26 Sẹyẹ, ele da mhanmhan ido ne bunbun nyan ọlẹn rẹ sẹbhi ẹlẹnan. Bhiriọ, ẹkẹ nọn rẹ manman ha khọ iJehova da lọre. Ọnin zẹle nan da tie enin Iyala ọsi Achor rẹ sẹbhi ẹlẹnan.