Deuteronomy

24 “Ahamiẹn okpea re okhuo, ọkpakinọn ọne okhuo bha yẹ ha yẹẹ ọle ranmhude ọle ke emhin nọn imhẹn re bhi egbe ọle, ọkhẹke nin ọle gbẹn ebe nan rẹ khu okhuo bhi isi ọdọ nanlẹn, ọle ha re ọne ebe nanlẹn yẹ khu ọle sibhi uwa nọnsọle re. 5 “Ahamiẹn ghe okpea la re okhuo, bha hẹi ji ọle da deba eyokhọnlẹn la mun iwẹnna ebhebhe nọn hi ki rẹ khin nanlẹn. Ọle ida deba iwẹnna soso rẹ nabhi ukpe ọkpa. Ọle dẹ debhi uwa a yẹ re okhuo ọle ha ghọnghọn. 14 Hẹi mun ọria nọn wẹnna nin uwẹ lu, ọria nọn imhọn emhin, nọn de obhioguele a. Ọ ha rẹ ha yi ọkpa bhi ibhio ẹ, la ọriọbhe nọn ribhi otọ nọnsẹbha, agbaẹbho nesẹbha 15 Ha ọle osa nọn rẹ wẹnna nin uwẹ ẹdẹnin tee. Ha ọle osa oẹnlẹn kuẹ defia, ranmhude, ọ imhọn emhin. Osa nin uwẹ da ha ọle le, ọle ọkpa ebi ọ mhọnlẹn nọn ha rẹ nyẹnlẹn. Nin ọle hẹi dọ viẹ taman iJehova ebi uwẹ lu, ẹghẹnin, ọ ki dọ kiẹn emhin ọbe rẹji ẹ. 17 Bha hẹi bhu ẹbho ne vae dọ deba bha ha nyẹnlẹn, la obhokhan nọn iyẹ mhọn aba ohiẹn eku. Sẹyẹ, bha hẹi miẹn okhuo nin ọdọ ọle yu ukpọn ranmhude ọle vae dọ mọnmọn emhin bhi obọ bha. 19 “Ahamiẹn uwẹ dọ rọ emhin ugbo nọnsẹ nan miẹn ghe uwẹ yelea rẹ mun ekhun nọnsẹ bhi ọne ugbo, hẹi fikie dọ mun ọlẹn. Uwẹ dẹ zẹ ọle obọ nin ene eriọbhe, ọmọn nọn iyẹ mhọn aba, bi okhuo nọn iyẹ mhọn ọdọ, beji a ha da miẹn ghe Jehova nin Osẹnobulua nọnsẹ ki nan erọnmhọn nin uwẹ bhi emhin rebhe nin uwẹ lu. 20 “Ahamiẹn ghe uwẹ gbe oran olive nin ikpẹ nesọle da denọ kua, hẹi lu iriọ rẹji ene ikpabọ ọran ne ribhọ. Uwẹ dẹ fi emhin ne kẹre bhọ nin ene eriọbhe, ọmọn nọn iyẹ mhọn aba, bi okhuo nin ọdọ ọle yu. 21 “Uwẹ ha rọ ikperan anyọn bhi ugbo ivine nọnsẹ, hẹi fikie dọ rọ ene kẹre. Uwẹ dẹ zẹ ele obọ nin ene eriọbhe, ọmọn nọn iyẹ mhọn aba, bi okhuo nin ọdọ ọle yu.