Deuteronomy

2 bha dẹ zẹ agbaẹbho ea bhi ẹwẹ ene agbaẹbho ne ribhi ọne otọ nin Jehova nin Osẹnobulua nọnsẹbha mun nin ibha da ha nyẹnlẹn. 3 Ọne otọ nin Jehova nin Osẹnobulua nọnsẹbha mun nin ibha da ha nyẹnlẹn, bha dẹ gha ọle diọbhi obọ ea. Bha ki yẹ hẹnhẹn ene uwedẹ beji a da miẹn ghe ọria nọn hi ki rẹ khin nọn gbe ọria a ki sabọ nẹ ha khian ọkpa bhi ene agbaẹbho. 10 Beji a da miẹn ghe a ida gbe aranlẹn ọsi ọria nọn bha lu-ọkpa lu-eva kua bhi ọne otọ nin Jehova nin Osẹnobulua nọnsẹbha mun nin bha le bhi uku, sẹyẹ beji a da miẹn ghe aranlẹn ọsi ọria nan gbe a ida ha ri bha bhi obọ. 11 “Ọkpakinọn, ahamiẹn ghe okpea he okpea ọbo ọle, rẹ sẹbhọ ghe, ọle da mundia khẹ ẹghe nin ọle ha rẹ nanlẹn khọnlẹn, nan da miẹn ghe ọle da manman kuan ọlẹn nin ọle da yu, bhiriọ ọne okpea da runẹ ha khian ọkpa bhi ene agbaẹbho, 12 ene ewanlẹn bhi agbaẹbho nọnsọle dẹ nabhi enin tie ọne okpea vae yẹ mun ọlẹn ọbhi obọ ọsi ọne ọria nọn sọikhi ọsi ọria nan gbe a, bhiriọ a ki gbe ọle a. 13 Bha hẹi mhọn itohan da ọle, sẹyẹ, bha dẹ re obọ nọn gbe ugbele sibhi otọ Izrẹl re, beji a da miẹn ghe iẹnlẹn ki kiọnlẹn nin ibha.